أخيرا بعت الأفيو

[morino86]

أخير بعت الأفيو ..بعد 5سنين عذاب ..الله لايرجعها...

[amr011111]

كنت شاريها زيرو ولا مستعمله
وايه العيوب اللى ضايقتك فيها

[menaraafat85]

كنت شاريها زيرو ولا مستعمله
وايه العيوب اللى ضايقتك فيها

+111111111

[محمد بدر]

كده انت تقصد لبستها لواحد !!!!!!!!!!!

[Silent~Dream]

ايوه بتفق مع راى الاخوه الاعضاء عايزين مخلص كده للمشاكل و المميزات و العيوب الى واجهتك

[meero_boy2000]

متابع

[morino86]

أولا شاكر لاهتمامكم ..ثانيا الاخ الفاضل اللى بيقول انى لبستها لواحد .انا اكيد ماعملتش كده لانى ماسلمتهاش لحد غير لما صلحت اللى فيها بالذات موضوع الطنابيروالقصة انى خلاص كان لازم اغير بعد 5 سنين شغل معايا والعربية فعلا زهقتنى وربنا يبارك للى اشتراها ....بالنسبة لموضوع الافيو وعيوبها وتصليحها بعد خبرة 5 سنين فالكلام هيطول فى الموضوع ده شوية وهرد عليكم فيه النهاردة ان شاء الله..والعربية كانت زيرو انا اول يد اوتوماتيك 2010

[mo3tazanas]

متابع

[Hosam_fouad]

العربيه عامله كام الف معاك ؟

[saddam]

صديقي المواطن
فيه عربيات كده من نوعية الجواب بيبان من عنوانه يعني واحد مثلا يخش معارض وتوكيلات يشتري عربية جديدة وشاف اﻷفيو إزاي كان ممكن يتخيل العربية الكتكوتة الصغيرة اللي لما بفرش سجادة الصلاة حلاقيها أكبر منها إزاي حد يتخيل إنها حتكون عربية كويسة إخواني خدوها مبدأ اﻷمريكان ومنهم شيفرولية لم ينجحوا في صناعة أي سيارة صغيرة ناجحة كل سياراتهم الناجحة سيارات ناس مرتاحة واللي زاد وغطا إن العربية واخدى علامة شيفرولية تسلل وهي أصلا دايو كوري وإشترتها جي إم
عامة يبدو أن الله قرر أن يخفف عنك وأزاح هذا الهم عنك وبصراحة لو كان اﻹنسان بيتقيم من إنه راكب إيه فبصراحة هي تكسف ولا تصلح مثلا تقول رايح أخطب أو أروح أزف بيها حد ولا يصلح مثلا عميد أو عقيد يكون راكبها وينزل يقول أنا عميد أمن دولة ولا مخابرات ولا حتى جيش وتشوفه وهو مروح راكب أفيو يعني من غير تجريح ممكن يقل في نظرك ده لو تم تقييم البشر من العربية اللي راكبها زي مبيحصل بره وزب مبيحصل في بعض نوادينا زي هليوبليس وغيرها الناس تقيمك من جزمتك وعربيتك
والحمد لله أنا وإنتو يا قراء منتدانا المريم مبنقيمش كده إحنه بنقيم اﻹنسان بأخلاقه
ملحوظة كلامي عن العربية مش سماعي أنا راكبها حوالي شهرين والمحصلة هي كقيادة عنوان الفشل ولكن كتوفير فربنا يعينكم كل واحد يمد رجليه على قد غطاه ووسع اللع أرزاق الجميع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[morino86]

بداية أحب اوضح كذا حاجة
العربية عملت معايا 195 الف كم وسوقتها فى كل الظروف وعلى كل الطرق يعنى حكمى عليها مش من فراغ ده غير انى كمان كنت محافظ عليها يعنى ماهنتهاش رغم المسافة الكبيرة اللى قطعتها ومن ناحية الصيانات عملت لحد 60 الف فى التوكيل (ربنا ينتقم منه) وبعد كده بره
بس هو برضه الواحد لازم يقول ان كل عربية ليه مميزاتها وعيوبها مهما كانت
أولا أنا لما اشتريت العربية ماكانش عندى خبرة كبيرة فى العربيات وعجبنى شكلها ومع مشيها معايا بانت مشاكلها
1-أول مشكلة كانت موضوع عداد rpmاللى بيزيد مع نفسه مع ان الفتيس على وضع n والمشكلة دى لقيتها برضه مع ناس كتير وزاد الموضوع لدرجة ان ال rpm بقى بينقل غيارات مع نفسه
يعنى لما كنت بجيب الغيار على وضع السواقة (d) ومن غير مادوس بنزين العربية كانت بيعلى عداد rpm بتاعها مع نفسه وينقل السرعة من الاول للتانى وهكذا طبعا انا حسيت كانى فى فيلم خيال علمى ولعنت العربية على اللى عملوا العربية المهم صورت الموضوع بالفيديو عشان التوكيل يصدق وروحتلهم هناك وقالولى شكوة حضرتك ايه قولتلهم العربية راكبها جوست قاللى يعنى ايه قمت موريه الفيديو والعربية ماشية على سرعة 90 مع نفسها بدون ماضغط بنزين كل اللى عملته انى جبتها على وضع الd بس المهم فضلت 4 شهور يغيروا فى حوارات مرة مش عارف حساس ايه ومرة الكومبيوتر وبعد عذاب وخناقة جامدة فى التوكيل غيرولى ضفيرة الكهربا بحالها وده اللى حل المشكلة بعد عذاب.
2- تانى مشكلة معايا كانت موضوع الطنابير الزبالة اللى بتتاكل بدون سبب لدرجة غيرتها فى الضمان 8 مرات فى سنتين وكل مرة بخناقة فى التوكيل الزبالة بتاع طنطا لحد ماواحد ابن حلال قاللى روح هاتلك جنبين استيراد يعنى مساعدسن بطانبير بماستلا الفرامل على بعضهم بس يكونهوا استيراااااااااااااااد مش من عربية متقطعة هنا ووصيت واحد جابهالى والعربية ظبتت بنسبة 80 %.
3-الحاجة التالتة كانت الفرامل الزبالة اللى كانت بتتاكل فى ناحية عن ناحية واتحلت مع تغيير الجنبين مع الطنابير
4-طبعا اتزان العربية وعومانها حدث ولا حرج اتزان سىء للغاية
5-سحب العربية ضعيف وبيتأثر بالتكييف الضعيف برضه
بالنسبة للميزات
فهى فى النهاية عربية متوسطة السعر(كان زمان) تصلح للمسافات واشغل البسيط عالية عن الأرض وكل الصنايعية عارفين اللى فيها قطع غيارها متوفرة عند طوب الارض
خلاصة الموقف لو الظروف مضطراك انك تجيبها هات المانيوال الكورى وبلاش الاوتوماتيك اصلا ولو احسن روح هات اللوجان عملية عنها جدا وارخص منها
ملحوظة اخيرة انا اشتكيت المنصور فى حماية المستهلك وكنت رافع قضية مع اربعة عرفتهم بالصدفة كان عندهم نفس المشاكل لكن لاحياة لمن تنادى وسلملى على مصر
وكل اللى بيشترى حاجة فى مصر يتحمل مسؤوليتها مع نفسه ويتحرق دمه اما بالنسبة لوكلاء السيارات فى مصر فمعظمهم عبارة عن شوية نصابين

[drmagieed]

صديقي المواطن
فيه عربيات كده من نوعية الجواب بيبان من عنوانه يعني واحد مثلا يخش معارض وتوكيلات يشتري عربية جديدة وشاف اﻷفيو إزاي كان ممكن يتخيل العربية الكتكوتة الصغيرة اللي لما بفرش سجادة الصلاة حلاقيها أكبر منها إزاي حد يتخيل إنها حتكون عربية كويسة إخواني خدوها مبدأ اﻷمريكان ومنهم شيفرولية لم ينجحوا في صناعة أي سيارة صغيرة ناجحة كل سياراتهم الناجحة سيارات ناس مرتاحة واللي زاد وغطا إن العربية واخدى علامة شيفرولية تسلل وهي أصلا دايو كوري وإشترتها جي إم
عامة يبدو أن الله قرر أن يخفف عنك وأزاح هذا الهم عنك وبصراحة لو كان اﻹنسان بيتقيم من إنه راكب إيه فبصراحة هي تكسف ولا تصلح مثلا تقول رايح أخطب أو أروح أزف بيها حد ولا يصلح مثلا عميد أو عقيد يكون راكبها وينزل يقول أنا عميد أمن دولة ولا مخابرات ولا حتى جيش وتشوفه وهو مروح راكب أفيو يعني من غير تجريح ممكن يقل في نظرك ده لو تم تقييم البشر من العربية اللي راكبها زي مبيحصل بره وزب مبيحصل في بعض نوادينا زي هليوبليس وغيرها الناس تقيمك من جزمتك وعربيتك
والحمد لله أنا وإنتو يا قراء منتدانا المريم مبنقيمش كده إحنه بنقيم اﻹنسان بأخلاقه
ملحوظة كلامي عن العربية مش سماعي أنا راكبها حوالي شهرين والمحصلة هي كقيادة عنوان الفشل ولكن كتوفير فربنا يعينكم كل واحد يمد رجليه على قد غطاه ووسع اللع أرزاق الجميع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

يعني عربية عدت ال 100 ألف جنية يعني في سعر النيو صني وإللي راكبها يقل تقييمه إمال إللي راكب حاجة ب 30 أو 40 ألف نسقط عنه الجنسية علي فكرة مش كل عربيات الأفيو فيها المشاكل دي وأنا ملاحظ المشاكل كتير في موديل 2010 لأنه تقريبا تقفيل مصري... وعجبي!!

[drmagieed]

صديقي المواطن
فيه عربيات كده من نوعية الجواب بيبان من عنوانه يعني واحد مثلا يخش معارض وتوكيلات يشتري عربية جديدة وشاف اﻷفيو إزاي كان ممكن يتخيل العربية الكتكوتة الصغيرة اللي لما بفرش سجادة الصلاة حلاقيها أكبر منها إزاي حد يتخيل إنها حتكون عربية كويسة إخواني خدوها مبدأ اﻷمريكان ومنهم شيفرولية لم ينجحوا في صناعة أي سيارة صغيرة ناجحة كل سياراتهم الناجحة سيارات ناس مرتاحة واللي زاد وغطا إن العربية واخدى علامة شيفرولية تسلل وهي أصلا دايو كوري وإشترتها جي إم
عامة يبدو أن الله قرر أن يخفف عنك وأزاح هذا الهم عنك وبصراحة لو كان اﻹنسان بيتقيم من إنه راكب إيه فبصراحة هي تكسف ولا تصلح مثلا تقول رايح أخطب أو أروح أزف بيها حد ولا يصلح مثلا عميد أو عقيد يكون راكبها وينزل يقول أنا عميد أمن دولة ولا مخابرات ولا حتى جيش وتشوفه وهو مروح راكب أفيو يعني من غير تجريح ممكن يقل في نظرك ده لو تم تقييم البشر من العربية اللي راكبها زي مبيحصل بره وزب مبيحصل في بعض نوادينا زي هليوبليس وغيرها الناس تقيمك من جزمتك وعربيتك
والحمد لله أنا وإنتو يا قراء منتدانا المريم مبنقيمش كده إحنه بنقيم اﻹنسان بأخلاقه
ملحوظة كلامي عن العربية مش سماعي أنا راكبها حوالي شهرين والمحصلة هي كقيادة عنوان الفشل ولكن كتوفير فربنا يعينكم كل واحد يمد رجليه على قد غطاه ووسع اللع أرزاق الجميع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

علي فكرة رغم ‘ن شكل الأفيو صغيره من برة لكنها فعلا واسعة من جوة وأكيد حضرتك ما ركبتش العربية وحكمك عليها من برة بس!!!

[eng_sherif_00]

انا معايا افيو 2009 مانيوال كورى من الزيرو وعامل 90 الف العربية تحفة وشياكة عمرى مااشتكيت من حاجه وكل اللى عملته فيها صيانة 60 الف سيور وبلية كاتينة ومغيرتش حاجه فيها خالص

[hossam_elwani]

ابن عنى معاه واحده وبرضه مش طايقها ياخى السوق المصرى ده غريب اوى العربيه انتشرت انتشار رهيب على الرغم من عيوبها ومازالت بتبيع !!!!!!!!!