اوبترا 2009 كومبرسر بيسرب فريون

[emadeee]

اوبترا 2009 كومبرسر بيسرب فريون هل لة حل

[كابتن أهلاوى]

طالما بيسرب فريون بس يبقى عاوز يتغيرله اوليسيهات النص بتاعته او اولسيه زور بس....الموضوع عادى وبيحصل فى كل الدايو عموما وبتتكلف فى حدود 150 جنيه غير الشحن.............ولو حبيت تغير الكومبريسور كله برده الاستيراد لازم تغيرله الاولسيهات دى....صلح بتاعك احسن هو كدة كدة مفيهوش حاجة تستاهل التغيير ان شاء الله

[emadeee]

رحت عند الميكانيكى التكييف قالى مش بصلح الكومبرسر لازم يتغير ممكن اخى تقولى فين اجد الاويسهات بتاعة الكومبرسر على شان اغيرها ممكن اى كومبرسر مناسب للاوبترا الدايو لانوس ولا النوبيرا مع الشكر

[كابتن أهلاوى]

ياباشا الكومبيرسور بيتصلح...سيبك من اللى انت روحتله ده وروح عند الكابتن مثلا او اى حد كويس فى الحرفيين يغيرلك اولسيهات زور ووسط للكومبريسور....الموضوع بسيط ومش مستاهل انك تغير كومبريسور عشانه .... والكومبريسور عندنا هو هو بتاع النوبيرا انما مش هو بتاع اللانوس....بتاع اللانوس ضعيف شوية مش بيستحمل قوة الموتور انما بتاع النوبيرا هو هو بتاعنا

[emadeee]

شكرا على المجهود الرائع

[emadeee]

رحت عند اخصائى تكييف سيارات قال لى ان الكومبرسر مكلبش مش بلف معايا لازم تغير له حاجات من الداخل دورت على كومبرسر لقيت بتاع النوبيرا لكن القواعد مختلفة قالى الراجل بتاع الاستيراد لازم حمالة لهذا الكومبرسر ويركب قلت للمكانيكى قال لى لاينفع

[كابتن أهلاوى]

ميكانيكى مين اللى قالك مينفعش؟؟؟ ياباشا لو تقدر تجيلى بنى سويف تعالى هنا وانا اجيبلك كومبرسور نوبيرا ويركب مكان بتاعك من غير اى حاجة....هو هو نفس الكباس بتاعنا....دول ناس كفتجية ..........اذا كنت انا مركب عندى بتاع النوبيرا

[emadeee]

مكان المسامير متغير 2 مسمسار من ناحية الترس تمام لكن لايوجد مكان للمسامير الخلفية

[كابتن أهلاوى]

الكومبريسور بييجى بالقعدة بتاعته بمساميرها ب450 جنيه