مؤشر الحرارة بينزل؟

[wanted45]

انا مؤشر الحرارة عندى وانا ماشى بسرعه بينزل تدريجى بس ما بيوصلش لتحت خالص هو بيبقى فى حدود الربع فوقه او تحته بشويه ولما بهدى الحرارة بترجع تزيد تانى
فهل الموضوع ده يعتبر مشكله وهل نوع الميه بياثر على الموضوع ده ولا ملوش علاقه ؟

[Ahmed_m7md_A5]

بص انا معايا سيينا و الجرى على الطريق السريع بيدخل الهوا بسرعة فالعربية ( واحنا فى برد اصلا) تبرد على عكس المشى فالزحمة
و عربيتى نفس حالتك مفيش حاجة ده طبيعى

[monamize4]

انت شايل ترموستات الكوعة ؟

[Abo_Mazen]

انت شايل ترموستات الكوعة ؟

+++++++++++++++++++++++++++11111111111

[wanted45]

انت شايل ترموستات الكوعة ؟

العربية كانت عاملة حادثة من فترة وكانت علبة الريدياتير اللى تحت اتخرمت وغيرتها اكتر من كده مفيش حاجة اتعملت فى العربية تانى فهل ده ليه تاثير؟

[كابتن أهلاوى]

اشترى ترموستات كوعة جديدة وروح ركبها عند اى ميكانيكى...كدة الترموستات عندك ياما مش موجودة اصلا ياما بايظة وفتحة على طول وفى الحالتين ده غلط جدا ولازم تجيب واحدة جديدة اصلية والا الموتور عندك عمره الافتراضى هيقل وهتاكل منك بنزين على الطريق

[محمد طايع]

ده معناه ان العربيه مفيهاش ترموستات كوعه
او الترموستات موجود بس بايظ ( ثابت على وضع الفتح ) مش بيفتح ويقفل

ده هيسبب شوية مشاكل

منها طول فترة التسخين صباحا

وزيادة استهلاك البنزين عن المعدل الطبيعى ( لأن كل محرك له درجة حرارة مثاليه يكون عندها الحرق افضل ما يكون ) والى بيحافظ على ثبات درجة الحراره دى الترموستات

والعربيه هتكون مبرجله منك احيانا ومفيش سحب على الطريق السريع لنفس السبب السابق ( الحرق مش مظبوط )

روح للميكانيكى بتاعك وخليه يبص على ترموستات الكوعه ولو مش موجود او بايظ اشترى واحد وخليه يركبه

هيقولك يا باشا احنا بنرميه لأن مالوش لزمه سيبك من الكلام ده خالص وركبه

مهم جدا بقى بعد ما تركبه انك لو بتستخدم مية حنفيه فى الريداتير تغير دورة المياه بمياه فيها مانع للصدأ ( زى الميه الخضرا ) ده هيحافظ على الترموستات شغال بدون مشاكل

تقبل تحياتى

[Hosam_fouad]

كوعه الثرموثتات بالثرموثتات ب 110 جنيه . . . وفي التوكيل حوالي ب 150 تقريبا .

اشتريهم وركبهم انت لو ليك في الميكانيكا :d