crash test chevrolet aveo

[ahmed_bq]

يا جماعة كل الكلام اللي انتو بتحكو فيه دا كله الافيو الامريكية اللي مصنوعة في امريكا

بتاع مصر او الكوريه مش بيعملولها اختبارات ..

[abou_ruqi]

يا اخونا كل العربيات اللي بتنزل مصر كده
وبعدين هو احنا محتاجين كراش تيست ؟؟
ما احنا طول ما احنا ماشيت شايفين عربيات معجونة ، دا احنا اللي قلبنا الشبح والبودرة !!

وخد عنك اهيه عينة من العربيات اللي ماشية في مصر من نفس الموقع
الاكسنت اهيه رلحة في داهية

http://www.euroncap.com/tests/hyundai_accent_1998/36.aspx

[shanodaa]

ربنا يستر من الحوادث

[cizer]

انا معايا افيو
وعامل حادثة من شهر ولسة لحد دلوقت ماطلعطش من التوكيل
طبعا انا في السعودية وسيارتي في السعودية
المهم
العربية حلوة في حجات كتير
بس تعالى للحداثة بقا
طلعت عين اهلها بجد
العربية اقسم بالله الخبطة كانت مش قوية للدرجة دي ونزلت من العربية ماتوقعتش اللي حشوفه ده
لاقيت العريبة اتدغدغت

صدام طبعا
رفرف
فانوسين
الرديتر بالسلامه ياقلبي
غطا المكينة العلوي والايمن بالسلامه
البانل اللي هو العضم يعني ضايع
قربة الزيت
قربة الميه
كبوت طبعا راح فيها
حساس الشكمان بالسلامه
خراطيش المية اتقطعت

هو اتبقى ايه ؟؟؟؟
المهم عربيتي اتكلفت تصليح على التأمين 12000 ألف ريال وكسور
ولسه ماطلعتش هههههههههههههههه

كان معايا لانوس في مصر اقسم بالله عملت حادثة اقوى من كده في نظري
ومحصلش ده كله نهائيا
اللهم غير الصدام والفانوس بس قاعدة الماتور غير كده كانت زي الفل

ومع ذلك الافيو عربية كويسة اجمالا يعني

[auto5truck]

أنا راجعت الرابط و شفت علية أكتر من فيديو و شايف أن النتائج مرضية بالنسبة لمستوى العربية

و نتجنب السرعات العالية و ربنا يسلم