قنبلة الموسم: منصور وقف استيراد الكروز يعني بحححححح

[Hameditsh]

الحمد لله انا كنت من اوائل الناس في مصر اللي شاريه الكروز توب لاين ... بالصدفه من يومين كنت بعمل صيانة ٨٥ الف في مركز صيانه معتمد وكنت بغير التيل الوراني لإني مغيرتوش من ساعة مشتريت العربيه ... المهم بدردش مع المهندس صاحب المركز (على فكره هو مهندس ميكانيكا وراجل فاهم جدا جدا وبيسافر المانيا كتير) وبقله اخباررالكرروز ٢٠١٣ ايه سمعت انهم عدلوا الماتور القديم وحطو ماتور الاوبل اللي بيطلع ١١٥ حصان وعزم ١٥٥ نيوتن فقلي انه عملها تست درايف وبيحلفلي ان السحب متأثرش بالدرجه اللي ناس متخيلاها بكتيره ثانيه واجزاء من الثانيه كمان لو متوصي بالبنزين وبيمون من بنزينه محترمه فقلي بالعكس انت عربيتك تعتبر لقطه قلتله ليه قلي خد عندك (باركينج سنسور - 6 CD Changer - نواكل مقابض - سماعتين زياده عند الزجاج الامامي - مرايات ضم كهربا) كل الحاجات ده اتشالت من موديل ٢٠١٣ ويافرحتي حطلي بدلهم كاست معفن بمعنى الكلمه وجنط ١٧ وزود ٢٥ الف جنيه شوفتو الافترا

هم المفروض هيبقوا موزع معتمد لمنصور من يوم ١-١-٢٠١٤ فبيقلي كانو بيكلمو المبيعات علشان عايزين شوية افيوهات على كروز على استرا فستفجئوا انهم بيقللهم الحقيقه المره وهي انهم خلاااااااص قرروا وقف استيراد الكروز لانهم عايزين يسوقو للاسترا الانجوي علشان كده لو تاخدو بالكم منصوووور بيييه ربنا في الاسترا الانجوي ٢٠١٤ حاول يخليها بديل الكروز فقام عمل ايه البيه جنطها بجنط ١٦ بنفس مقاس الكروز التوب لاين القديمه 205/60/ R16 وشال الباركينج سنسور وقام لدع الزبون في ١٨٠ الف بلبل

وعلى فكره انا لسه انهرده شايف استرا انجوي ٢٠١٤ احمر مارلبورو ونازله بجنط ١٦ وبصيت ورا لقتهم كمان شالو السنسور والناس لسه بتشتري ... بجد احنا اللي بنشجعهم يعملو كده

[hossam_elwani]

مصلحه خلى العربيه تبقى مميزه وخصوصا الفيس ليفت بدل ماتملى البلد وتبقى فى كل مكان زى الالنترا

بس موضوع شال وحط ده فيه مقابل السعر فيه جزئيه غايبه عنك وهيا ارتفاع اسعار كل السيارات و انخفاض قيمة الجنيه

وهو عنده مخزون 2013 للى عايز يشترى

شكرا على الخبر

[zangry]

الكروز بـ148 دلوقتي عند اباظة

[Hosam_Optrawy]

إيه التفكير الغريب دا !!

يعنى يوقف الأوبترا ماشى خلاص خدت وقتها

لكن عربيه جديده ولسه بتنتج وناجحه فى العالم كله يوقفها ليه , ولا عشان مابيتبيعش كتير ومابيكسبش منها زى اللانوس والأفيو

بكره إن شاء الله يتوقفوا هما كمان أو يقفلوا المصنع ونرتاح خالص

[Elkordy2000]

بحس ان منصور والعاملين معه ( كسياسيه شركه يعني ) دائما لا يقولون الحقيقه , السنه اللي فاتت سألت عن الاوبترا 2013 قالي بالحرف الواحد مش هتنزل تاني , يعني الوكيل بيكذب علي العميل , وده في اعتقادي علشان يحرك مخزون السنه اللي عنده قبل ما الموديل الجديد ينزل ... دائما منصور بيلعب اللعبه ده وكمان لو تلاحظوا برضوا في اللانوس كل سنه يعمل كده , اصبحت لعبه مفضوحه اوي

[mido]

لازم تفضل عشان تنافس الالنترا و السيراتو فى الكاتجورى بتاعهم
هو بس تلاقيه عايز يخلص الاستوك القديم الاول

[S O P H O S]

اعتقد صعب يعمل كده