لكل مالكي الافيو بالصور شاشة الكمبيوتر للافيو مفاجاءة

[hossam55555]

بسم الله الرحمن الرحيم

انا نزلت الموضوع ده بعد ملقيت ناس كتير بتسال عن موضوع وجود شاشة كميوتر كاملة في الافيو انا لما شوفت الفيديو قولت لازم اتاكد

انا عربيتي افيو 2012 اتوماتك 40 الف كيلو كان فيها مشكلة بصراحة مش عارف ليها حل
روحت التوكيل ولما فك الطبلوة اتاكدت ان فيه شاشة كمبيوتر وده اللي اخدتو منهم
لكن محلش ليا المشكلة
انا هقولكم على الشاشة الاول بس عايزمساعدتكم في حل المشكلة بتاعتي

اولا الشاشة
انا كونت عايز اعملها بنفسي بس في التوكيل قاللي هعملهالك قولت كويس عشان انا معرفش ابعاد الشاة
روحت قطعها بس مظبطهاش اوى فقررت ان اظبطها واجملها بنفسي فعملتها في البيت بنفسي وعملتلها برواز كما لو كانت نازلة كدة من الشركة كما سترونا في الصورة

واللي عايز الابعاد انا قستها بالمم وكمان طريقة خرافية لقطعا دون ضرر للشكل العام او التجريح
اللي عايز الطريقة يتصل عليا
واللي عايزني معاه واساعدة ممكن يكلمن ونظبط مع بعض نعملها سوى

http://nileup.com/up/uploads/nilemotors_13893100301.jpg

اما المشكلة التانية اللي كونت رايح بسببها التوكيل ان العربية بتاكل بنزين منى

العربية لسة عاملة 40 الف كيلو وعاملة صيانة كاملة في التوكيل وبتاكل بنزين كتير يعني الصفيحة داخل المدينة بتمشيني 140-150 كيلو وعلى الطريق 200 كيلو سريع وده طبعا من غير تكييف
كشفو عليا في التوكيل قاللي كل حاجة تمام وانت محسبتهاش صح رغم اني حسبتها اكتر من 10 مرات
طبعا كشف عليها في التوكيل بالكمبيوتر وقاللي كل حاجة تمام ومش لاقي حل للمشكلة
طبعا انا قلتلة رشاشات قاللي الرشاشات تمام ودي من عمر السيارة ولسة جديدة وحساس الشكمن سليم والبواجي غيرها جديدة وكل شئ تمام ومش لاقي حل للمشكلة مش عارف اعمل ايه
يا ريييت تساعدوني

[shawke hamed]

حاجة جميلة جدا

[Medo.Malek]

ممكن تكون مشكلة فى العجل (( الكاوتش )) ؟ العربية عايزة ترصيص ؟ او ظبط زوايا ؟ او الكاوتش نفسه نوعه وحش او عمره انتهى او يكون مقاس العجل مش مظبوط على العربية !! او ضغط الهوا مش مظبوط !
و الله اعلم

[hossam55555]

يا جماعة انا مظبط كل حاجة بمعنى صح مفيش سبب ظاهري يقول استهلاك البنزين بالشكل ده

[hossam_elwani]

ايه !!!!!!!!!! ازاى حاجه تعتبر قيمه مضافه للعربيه تبقى مخفيه بالغباء ده !!!!!!!!!


طيب على الاقل ستيكر بس حتى لو عايز يهرب من الجمارك

[sasatony]

طل لو انا ظهرت الشاشة دي هل في مشكلة مع التوكيل لان انا لسه هعمل صيانة ال5000 كم يعني العربية لسه جديدة وهل الشاشة دي في كل موديلات الافيو ولا في الموديلات الي قبل 2013؟؟؟؟؟؟؟؟؟؟

[hossam55555]

الشاشة دي موجودة في كل موديلات الافيو حتى 2014 اما بالنسبة لو انت عملتها اعتقد ان دي بتخلي العربية تطلع برة الضمان عموما انت ممكن تتصل بيهم وتسالهم
على فكرة انا عاملها في التوكيل بسانا عربيتي بره الضمان

[mohab2010]

سؤال لمن عمل هذة الشاشة ؟
هل يتم قطع القطعة البلاستيك فقط ام يوجد وصلة بسلك للشاشة من الخلف لكي تعمل ؟
رجاء الرد للعلم

[gadoo30]

سؤال لمن عمل هذة الشاشة ؟
هل يتم قطع القطعة البلاستيك فقط ام يوجد وصلة بسلك للشاشة من الخلف لكي تعمل ؟
رجاء الرد للعلم

قطع الفبرة بس وهى شغالة

[manfromegy]

جربت تعمل أيديل لير ن http://www.nilemotors.net/Nile/71086-a.html

[khaledhendawy]

اما المشكلة التانية اللي كونت رايح بسببها التوكيل ان العربية بتاكل بنزين منى

العربية لسة عاملة 40 الف كيلو وعاملة صيانة كاملة في التوكيل وبتاكل بنزين كتير يعني الصفيحة داخل المدينة بتمشيني 140-150 كيلو وعلى الطريق 200 كيلو سريع وده طبعا من غير تكييف
كشفو عليا في التوكيل قاللي كل حاجة تمام وانت محسبتهاش صح رغم اني حسبتها اكتر من 10 مرات
طبعا كشف عليها في التوكيل بالكمبيوتر وقاللي كل حاجة تمام ومش لاقي حل للمشكلة
طبعا انا قلتلة رشاشات قاللي الرشاشات تمام ودي من عمر السيارة ولسة جديدة وحساس الشكمن سليم والبواجي غيرها جديدة وكل شئ تمام ومش لاقي حل للمشكلة مش عارف اعمل ايه
يا ريييت تساعدوني[/quote]
المشكلة ديه كانت عندى واكتشفت ان المشكلة من زيت موبيل !!!!!!
استخدمت زيت فالفولين بـ 270 جنيه وبتغيره كل 7000 كم استهلاك البنزين فعلا اتظبت
وبقالى سنه وزى الفل..... جرب وبلغنا

[zidaneelwaly]

يعني لو قطعت الفبره هلاقيها شغاله انا معايا افيو مصري 2008

[M I D O]

اول مرة اسمع بموضوع الشاشة و كمبيوتر الرحلات في الافيو ولو موجود لية مستخبي ورا الطابلوة ؟؟

[hossam55555]

شكرا على الردود بس هوه فلا نوع الزيت بياثر على استهلاك السيارة للبنزين انا فعلا باستخدم زيت موبل xhp اللي هوه 3000 كيلو عموما الغيار اللي جاي هجرب زيت فالفولين ده

[ahm_elkholy]

السلام عليكم ورحمه الله وبركاته مشكور يا بشمهندس على هذا المجهود القيم و المتميز
انا عايز اقطع الفيبره دى وعايز الابعاد والطريقه لو سمحت
انا عربيتى افيو 2013
تليفونى 01067747964