إعـــــــلان

Collapse

.

,
See more
See less

هاشترى افيو اخيرا وعايز شوية اسئلة

Collapse
X
 
  • Filter
  • الوقت
  • Show
Clear All
new posts

  • هاشترى افيو اخيرا وعايز شوية اسئلة

    سلام عليكم انا مش جديد اوى فى المنتدى بس اول مشاركة ليا

    لو سمحتو انا كان عندى لادا 2107 واخيرا ربنا كرمنا وهاروح انهاردة بليل اجيب افيو فطبعا الفارق فى السواقة وكل حاجة والتكييف (لان اللادا بتاعتى مكانش فيها تكييف اساسا) وكله فرق كبير جدا

    اولا الافيو حلوة عامة ولا وحشة

    ثانيا التكييف ينفع اشغله من اول مااستلم العربية

    ثالثا لو مشيين مثلا فى وسط زحمة لما تكون حتة تمشى وتقف زى مثلا كوبرى ستة اكتوبر لما يقف اسيب التكييف شغال عادى ولا كده غلط ع العربية

    رابعا هل اشترى لمبة الضباب دى فعلا واروح للتوكيل يركبوهالى ولا ملهاش لزمة واجيب انهى نوع

    خامسا احط بنزين 92 ولا 90 وايه الفرق بينهم بالنسبة للعربية

    سادسا هل التكييف بيسحب بنزين جامد

    سابعا العربية اللى هجيبها ان شاء الله كورى 2009 فيرانى فلو الكورى وحش الحق اجيب المصرى

    متشكر ليكو يا جماعة وتعتبكو معلش
    وياريت بس الردود لو سمحتو باسرع وقت
    لانى بالكتير اوى هنزل اجيبها بكرة ان شاء الله

    باركولى يا جماعة انا فرحان بالعربية الجديدة جدا لانكو متتخيلوش اللادا عاملة ازاى الروسى القديمة مش المصرى الجديدة

  • #2
    ألف مبروك وربنا يبارك لك فيها

    Comment


    • #3
      اولا الافيو حلوة عامة ولا وحشة
      احسن حاجة بالسعر ده

      ثانيا التكييف ينفع اشغله من اول مااستلم العربية
      يفضل بعد الالف الاولي ولو اني معملتش كده بيقولوا بقصر عمر الموتور وبما اني مش ناوي اخليها اكتر من ٥ سنين فانا شغلتوا اول ما استلمتها علشان جبتها شهر ٨ والحمد لله كله تمام


      ثالثا لو مشيين مثلا فى وسط زحمة لما تكون حتة تمشى وتقف زى مثلا كوبرى ستة اكتوبر لما يقف اسيب التكييف شغال عادى ولا كده غلط ع العربية
      مكتوب في الكاتالوج ان العربية المفروض متفضلش دايرة علي الواقف (سلانسيه) اكتر من ٥ دقائق علشان الجاكمان فانت قبل كده تكون مبطل وفاتح الشبابيك (طبعا التكييف علي الكونتاكت فحيفصل)


      رابعا هل اشترى لمبة الضباب دى فعلا واروح للتوكيل يركبوهالى ولا ملهاش لزمة واجيب انهى نوع
      المشكلة مش في اللمبة المشكلة في الـذراع اللي حيتغير ب ٣٠٠ جنية وححيخدوا اللي راكب ده طبعا غير السبوت نفسه والفوج فانا شايف متستهلش ده غير ان نورها عالي وشغال



      خامسا احط بنزين 92 ولا 90 وايه الفرق بينهم بالنسبة للعربية
      انا عاودتها علي ال ٩٢ بس مرتين تلاتة كده حاطيت ٩٠ وما قالتش لا


      سادسا هل التكييف بيسحب بنزين جامد
      قوي قوي


      سابعا العربية اللى هجيبها ان شاء الله كورى 2009 فيرانى فلو الكورى وحش الحق اجيب المصرى
      ده سوال واحد عنده شك ان الكوري ممكن يرقي لمستوي المصري !!!


      يا راجل هات الكوري ، دلعنا التقفيل المصري كتير قوي قوي بفلوسنا ، ومبيتعدلوش
      خلاص يولعوا بقه بمصانعهم ولما يحترموا ارواح الناس ومدخراتهم نبقي نشتري منهم

      ماليزيا عملت سيارات محترمه بعد عشرين سنة شغل و الصين عملتها بعد ٦ سنين شغل واحنا لسه بنسلم الناس عربيات كوتشات الباب واقعة واللحام مكلكع !!!

      توكل علي الله واشتري الكوري
      لان ربنا بيرفع الامم الكافرة لو كانت عادلة و بيخسف الارض بالامم الظالمة ولو كانت مؤمنة

      Comment


      • #4
        اولا الف مبروك

        الافيو عربيه كويسه ومن افضل الاختيارات فى الفئه دى

        التكييف يستحسن متشغلوش فى اول الف ولو شغلته عادى مش هيأثر اوى فانت خليك فى الوسط شغله للضروره

        الفوج لايت مش مستاهل تعمل ده كله واستعمل النور العادى كويس

        يستحسن تحط 92 لان اغلب العربيات الجديده الاوكتين بتاعها عالى ولازم 92

        اى عربيه التكييف بتاعها بيأثر على البنزين مهما كان نوع العربيه

        بالنسبه لموضوع التقفيل انا اسمع ان المصرى كويس ومفيهوش مشاكل وخاصة ان المصنع كان بيقفل الاوبل بقاله كذا سنه وكانت ممتازه

        التقفيل المصرى كمان فيها مرايات كهربا انما الكورى لأ
        [aldl]http://s17.postimg.org/ygne2hebj/F2000045710.jpg[/aldl]

        Comment


        • #5
          متشكر اوى يا جماعة والف شكر لردودكو الحلوة وانا الحمد لله جبتها انهاردة افيو فيرانى كورى 2009 بس عربية ماشاء الله احلى من اللانوس بكتير اصلا لانهم كتير قلولى انها هيا بس اسمها افيو لكن لما ركبت وسقت دى حاجة تانية خااااااااااااااالص بس هموت نفسى لان سبحان الله حتة طوبة كبيرة وانا طالع من المرور خدشت الاكصدام مش طايق نفسى بجد كل الناس هناك بتقولى احمد ربنا ان العين جت ف حاجة هايفة زى كده

          بس شكرا يا جماعة على ردودكو

          Comment


          • #6
            الف مبروك
            ربنا يباركلك فيها ويديلك خيرها و يبعد عنك شرها

            Comment


            • #7
              الف مبروك على العربية

              فرق شاسع بين الادا والافيو

              جرب انت بس دوس على الدبرياج وانت تفهم الفرق:):)


              بالنسبة للتكيف عادي سيبة شغال والعربية واقفة في الاشارة

              بس عموماً متشغلش التكيف الا بعد لما تخلص التليين في اول

              الف كيلو.
              [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
              [/CENTER]


              [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
              [/RIGHT]

              Comment


              • #8
                يا جماعة متشكر باهتمامكو بموضوعى والف شكر بجد انا بعشق العربية دى انا بقيت بنزل انام فيها واطلع ههههههههههههه (محروم بقى ههههههههههه) وربنا يرزق الكل ان شاء الله وتجربوها
                والاحسن كمان

                Comment


                • #9
                  العفو على ايه الف مبروك وربنا يباركلك فيها ان شاء الله
                  وياريت بعد كام كيلو تبقى تقولنا رأيك فى كل حاجه فيها
                  [aldl]http://s17.postimg.org/ygne2hebj/F2000045710.jpg[/aldl]

                  Comment


                  • #10
                    باذن الله انا ناوى اعمل موضوع باذن باذن الله اشكر ف العربية بس بعد 1000 كيلو

                    Comment


                    • #11
                      المشاركة الأصلية كتبت بواسطة modamody_5 مشاهدة المشاركة
                      متشكر اوى يا جماعة والف شكر لردودكو الحلوة وانا الحمد لله جبتها انهاردة افيو فيرانى كورى 2009 بس عربية ماشاء الله احلى من اللانوس بكتير اصلا لانهم كتير قلولى انها هيا بس اسمها افيو لكن لما ركبت وسقت دى حاجة تانية خااااااااااااااالص بس هموت نفسى لان سبحان الله حتة طوبة كبيرة وانا طالع من المرور خدشت الاكصدام مش طايق نفسى بجد كل الناس هناك بتقولى احمد ربنا ان العين جت ف حاجة هايفة زى كده

                      بس شكرا يا جماعة على ردودكو

                      الف مبروك ياباشا و ربنا يديك خيرها و يكفيك شرها


                      بالنسبه للطوبة احب اقولك انك اخذت ختم الشارع المصرى الجميل

                      هو بس الختو جة بدرى شويه بس متزعلش نفسك خالص

                      و الف مبروك مرة تانية

                      Comment

                      Working...
                      X