اوبترا معروضة عليا

[dentist_ihab]

معروض عليا اوبترا 2011
ب 95000
بس السقف واقع عليه حاجة فواخد بومبية صغير بس مش باين هو والشنطة
و الرفرف في خرم صغير
هل السعر ده مناسب؟
العربية عامله 17000 و كل صيانتها فالتوكيل و لسه فالضمان

[د.عماد صلاح]

هو استخدمها 3 سنين الا حاجه بسيطه و عدادها قليل و منزل من تكناها 22 الف...اعتقد كويس
اتاكد من موضوع العداد ده واكشف عليها برضه في التوكيل

[dentist_ihab]

لا ده ابن عمي ..وشغال فالبحر قبطان فالبحر و اجازته كل 3 شهور مكانش بيتحرك بيها
العداد عامل 17000..
وهو قالي هات حد يتمنها وخدها بالسعر اللي يقول عليه
ايه رايك يا باشا؟

[moe gawad]

بص انا بصراحه مبافهمش فى موضوع الأسعار ده, عشان السوق فيه اسعار متراوحه كتير اوى , وكل واحد بقى بيتكلم فى سعر غير التانى
متفكرش كتير فى مشكلة السعر , لو العربيه حالتها كويسه فعلا (غاليه او رخيصه ) المهم الحاله فاهمنى
ولما تشترى ماتقولش لحد السعر , عشان احنا فى مصر طبيعتنا و الحمد لله شعب فتاى اوى , ونموت فى تحطيم اللى قدامنا ,
يعنى مثلا واقف انت مع واحد وسألك جايب عريبتك بيكام قولتلو ب 10 جنيه , هايقولك ياراجل ديه ب 8 فى كل حته , ده مش عارف الواد حمص اللى على اول الشارع كان ليه عارض عليا واحده ب 7 , طبيعى منك هاتقولوا طيب انا عاوز اشوفها ام 7 ديه هايقولك اظبطلك معاد واقولك وهاجيبهالك لحد البيت , ومعاها سواق الكترونى كمان , وابقى قابلنى لو شوفت وشو

ولا انا غلطان

[J A G U A R]

هو رينج ال 2011 دلوقتى من 88 ل 95 حسب الحاله ..
انا لو هاسعرها هاتبقى 92 الف لو اوتو .. مانيوال نزل 5000او 6 .

[dentist_ihab]

والله ياباشا انا قلت كده ..العربيه حالتها ممتازة
السعر ميفرقش معايا بس عشان هو قريبي مش عاوز اظلمه ولا يظلمني ..
لكن العربيه مضمونة من ناحيته

[dentist_ihab]

العربيه اوتوماتيك

[د.عماد صلاح]

سعرها كويس جدا ....دي مش ماشيه خالص انا جايب عربيتي من 6 اشهر وعامل 9 الالاف

[karim Silver]

بص ياسيدي من النهايه وعن تجربه شخصيه

انا جبت أوبترا 2008 من حوالي شهرين عامله 34000 كيلو- شركه بره وجوه - ب 85000 - وفيها كاوتش وطقم جنط اسبور 15 جديد زيرو - وتوماتيك
اولا عملت الكشف في مركز واحد صحبي محترم ( الزراني بالاسكندريه)
و قلينا جون وش التاكيهات (عادي) + تعير فلتر البنزين + شحن الفريون
وكل ده غير ان صحبها الاول عامل الصيانه العاديه قبل كده في التوكيل زي تيل الفرامل

المهم بقي:
الاوبترا زي اي حاجه في الحياه ليه عيوب ومميزات :
المميزات :
1- استهلاك البنزين مممممممتتتتاااززز بطريقه مميزه عن تجربه من 8.5 الي 12 لتر في 100 كيلو و ده علي حسب برضه سفر او داخل المدن و الزحام
2- قطع غيار اصليه متوفره بره التوكيل وسعره كويس وبيبقي عند اختيارات كتير (اصلي - صيني )
3- العربيه ثابته بطريقه ملوحوظه نظر لحجمها و الوزن و كمان موضوع الجنط الاسبور + كوتش رياضي حلو :)
4- الفاتيس بتاعها (يباني 100%) غير بتاع الكروز (الكوري) و لقيت 100 فني بيقولي فتيس الاوبترا محترم عن الكروز
5- العربيه واسعه من جوه + الاوبشن متوسط

العيوب :
1- من السيارت اللي سهل سرقتها (اهم حاجه او متشتري بأذن الله طقم انذار محترم + زرار فصل بنزين في الشنطه)
2- الرافاهيه اللي فيها متوسطه ( مفيش شغل التاتش و انوار التابلوه الملونه)
3- لايوجد abs او ايرباج (عوامل السلامه قليله ) طبعا وكلو في بأراده الله و قدره
4- الشكل تقلديدي مفيش لعب في الشكل (بس انا معايا كمهندس شايفه فخامه و وقار)


أعتقد من وجهه نظري الشخصيه الاوبتر ناجحه بنسبه 80%
ومن اكبر الاسباب الي بيوضح نجاحها انها لسه بتنزل بنفس الشكل ومفيش تغيير و الناس بتشتري برضه

توكل علي الله وربنا يكرمك بأذن الله

[karim Silver]

اسف في موضوع البنزين انا كتبتلك النسب غلط

1 لتر من 8.5 الي 12 كيلو تقريبا

[د.عماد صلاح]

الاخ karim silver ...بيقول كلام من الاخر و مظبوط مليون الميه .....