بلية دبرياج الاوبترا

[genius3060]

السلام عليكم

دلوقتي انا عندي مشكلة في الدبرياج دايما بيسقط و بيخلي الفتيس يعض في الغيارات بتوصل انه مش بيعشق في بعض الاحيان برغم انها متغيرلها بلية دبرياج قبل ما اشتريها و ضربت تاني

رحت لميكانيكي شاطر قالي حلها انك تعمل ماستر دبرياج خارجي و تبعد البلية عن السخونة وبالتالي نطول عمرها شوية و ده هيكلف 250 ج بلية و ماستر و فرش و مصنعية 120 ج يعني المجموع 370

روحت لميكانيكي تاني قالي دي حلها تغير البلية بواحده اصلية مش كوبي عشان الكوبي مابيستحملش و تضرب منك تاني
سألت ابو الحسن اللي في بين السرايات عن البلية قالي الاصلية بـ 485 ج و بيجي معها الماستر كمان مفيش بلية لوحدها من غير ماستر فالموضوع كده هيكلف جامد غير المصنعية

شوروا عليا اعمل ايه ؟
انا محتار جدااااااااااا و التكلفة جامده عليا

[JAM]

البلية الأصلية وسيبك من العك اللى قالك عليه المتخلف الأولانى

[د.عماد صلاح]

الاصلي لو اغلي ...هيوفر برضه

[ahmed_toto]

ريح نفسك ركب بليله اصليه واتاكد ان ماستر الدبرياج العلوى سليم

[genius3060]

شكرا جزيلاا لكم جميعا
الحمد لله غيرت البلية النهاردة بواحده اصلية من عند ابو الحسن
التكلفة :
بلية دبرياج اصلية gm بـ 475 ج
زيت فتيس 2 لتر 40 ج
مصنعية 100 ج