ناويت اشترى اوبترا الاسبوع ده

[mohamed raslan]

ناويت اشترى اوبترا الاسبوع ده .......... سؤال لكل ملاكها؟؟؟

ايه رايكم فى العربيه من ناحيه العفشه والثبات والتحمل ...وبشكل عام هل العربيه تستاهل ثمنها المرتفع نسبيا ؟؟؟

[jojojojo]

عربيه محترمه جدا واعتماديه جد جدا بس انا سمعت ان منزلش منها موديلات 2014 لو نزلت هاتها ومش هتندم واللي زيها برضه في الاعتماديه الصني الشكل القديم وتقريبا نفس السعر لو ملقيتش موديلات 2014 من الاوبترا هات الصني الشكل القديم وربنا يوفقك للخير

[محمد اسلام]

على حد علمى الاوبترا حاليا ب 117.000 جنية ولا يوجد بها اى وسائل امان ( ايرباج او abs ) وشكلها تقليدى جدا ... انا برشح لحضرتك ستروين سى اليزية ... قوة ( 115 حصان ) وثبات وفخامة وتقفيل وخامات ممتازة وامان ( ايرباج و abs ) وشكل متميز وفرنساوى تقفيل اسبانى وبسعر 120.000 جنية

http://www.nilemotors.net/Nile/404042-a.html

[waleedrahmy]

الاوبترا لو بكماليات البيجو301 سعرها حايعدي سعر البيجو بكثيررررررررررررررررررررر

[ضى القمر]

انا اعرف انها تطوير لتوبيرا

[Mostafa.Mahran]

عربية شغل و بهدلة بمعنى الكلمة

[د.عماد صلاح]

مفيش عربيه كامله او بلا عيوب ...انت دايما تشوف معاك كام واحتياجاتك ايه
انا هافترض ان معاك من 115 الي 125 الف وعايز تجيب عربيه
الصني جديد ...كماليات كتيره خاصه السوبر صالون لكن تقفيل داخلي وحش جدا وثبات تعبان واستهلاك بنزين مش ماشي مع عربيه 1500 سي سيي و مشكله الفرامل طبعا وان كان يقال انها اتحلت
البيجو 301 ....عربيه ممتازه و بلا عيوب تقريبا غير ان الفتيس محجم موتورها شويه و لسه ما اتجربتش كتير و قطع غيارها قليله شويه و مش عايزه بهدله و محدش بيشتغل فيها بره و لو عايز تجيبها ب 125 الف يبقي تحجز و تستني 3 اشهر علي الاقل و لو فوري 132 الف
السي اليزي نفس كلام البيجو بس معلهاش حجز كتير ومش منتشره عشان الناس خايفه من توكيلها بس عربيه محترمه
الريو تقفيل داخلي سئ و ضيقه من جوه و طبعا مفيش امان ولا كماليات و الاكسنت نفس الكلام
الاوبترا ....مفيش كماليات او امان
سريعه ثابته و عزمها خرافي ...فتيسها استجابته ممتازه و مالوش مشاكل و الفتيس والموتور فاهمين بعض كويس و بنهم قصه حب قديمه قوي ممكن من 2006 ..قطع غيار في كل حته حتي عند البقالين و الميكانيكيه عارفينها ..واسعه جدا و تقفيلها شيك جدا بالنسبه لكل اللي تم ذكرهم فوق ...استهلاك البنزين اللتر يعمل من 10 الي 11.5 كيلو تقريبا و صاج الكبوت و السقف ضعيف ..راي ان شكلها حلو و له هيبه
المقارنه اللي فاتت جبت علي اساسها اوبتر في 25 ..7.. 2013 ...و للامانه انا مبسوط و سعيد و العربيه ماشيه معقول و بيننا عشره و تفاهم كويس الوقتي ..نصيحتي هاتها

[mohamed raslan]

عربيه محترمه جدا واعتماديه جد جدا بس انا سمعت ان منزلش منها موديلات 2014 لو نزلت هاتها ومش هتندم واللي زيها برضه في الاعتماديه الصني الشكل القديم وتقريبا نفس السعر لو ملقيتش موديلات 2014 من الاوبترا هات الصني الشكل القديم وربنا يوفقك للخير

شكرا جزيلا لكن هل الصنى الشكل القديم موجود زيرو اصل بصراحه الشكل الجديد مش عاجيبنى

[mohamed raslan]

على حد علمى الاوبترا حاليا ب 117.000 جنية ولا يوجد بها اى وسائل امان ( ايرباج او abs ) وشكلها تقليدى جدا ... انا برشح لحضرتك ستروين سى اليزية ... قوة ( 115 حصان ) وثبات وفخامة وتقفيل وخامات ممتازة وامان ( ايرباج و abs ) وشكل متميز وفرنساوى تقفيل اسبانى وبسعر 120.000 جنية
http://www.nilemotors.net/nile/404042-a.html

شكرا لحضرتك بس انا مشكلتى مع الستروين فى اعاده البيع

[mohamed raslan]

الاوبترا لو بكماليات البيجو301 سعرها حايعدي سعر البيجو بكثيررررررررررررررررررررر

شكرا لحضرتك وفعلا انا كنت ناوى اجيب بيجو بس انا محتاج عربيه قطع غياره متوفرة ومحفوظه للمكانيكيه وفى نفس الوقت سعر اعاده البيع للاوبترا افضل .......على ما اعتقد والله اعلم

[mohamed raslan]

انا اعرف انها تطوير لتوبيرا

هيا فعلا كده

[mohamed raslan]

عربية شغل و بهدلة بمعنى الكلمة

و ده هو اللى مشجعنى يا استاذ مصطفى

[mohamed raslan]

مفيش عربيه كامله او بلا عيوب ...انت دايما تشوف معاك كام واحتياجاتك ايه
انا هافترض ان معاك من 115 الي 125 الف وعايز تجيب عربيه
الصني جديد ...كماليات كتيره خاصه السوبر صالون لكن تقفيل داخلي وحش جدا وثبات تعبان واستهلاك بنزين مش ماشي مع عربيه 1500 سي سيي و مشكله الفرامل طبعا وان كان يقال انها اتحلت
البيجو 301 ....عربيه ممتازه و بلا عيوب تقريبا غير ان الفتيس محجم موتورها شويه و لسه ما اتجربتش كتير و قطع غيارها قليله شويه و مش عايزه بهدله و محدش بيشتغل فيها بره و لو عايز تجيبها ب 125 الف يبقي تحجز و تستني 3 اشهر علي الاقل و لو فوري 132 الف
السي اليزي نفس كلام البيجو بس معلهاش حجز كتير ومش منتشره عشان الناس خايفه من توكيلها بس عربيه محترمه
الريو تقفيل داخلي سئ و ضيقه من جوه و طبعا مفيش امان ولا كماليات و الاكسنت نفس الكلام
الاوبترا ....مفيش كماليات او امان
سريعه ثابته و عزمها خرافي ...فتيسها استجابته ممتازه و مالوش مشاكل و الفتيس والموتور فاهمين بعض كويس و بنهم قصه حب قديمه قوي ممكن من 2006 ..قطع غيار في كل حته حتي عند البقالين و الميكانيكيه عارفينها ..واسعه جدا و تقفيلها شيك جدا بالنسبه لكل اللي تم ذكرهم فوق ...استهلاك البنزين اللتر يعمل من 10 الي 11.5 كيلو تقريبا و صاج الكبوت و السقف ضعيف ..راي ان شكلها حلو و له هيبه
المقارنه اللي فاتت جبت علي اساسها اوبتر في 25 ..7.. 2013 ...و للامانه انا مبسوط و سعيد و العربيه ماشيه معقول و بيننا عشره و تفاهم كويس الوقتي ..نصيحتي هاتها

شكرا لحضرتك د. عماد انا فعلا فكرت ذى حضرتك الظبط

[waleedrahmy]

شكرا لحضرتك وفعلا انا كنت ناوى اجيب بيجو بس انا محتاج عربيه قطع غياره متوفرة ومحفوظه للمكانيكيه وفى نفس الوقت سعر اعاده البيع للاوبترا افضل .......على ما اعتقد والله اعلم

انا كنت واقع في نفس الحيرة
واشتريت اوبترا اتوماتيك في 15/11/2013
وهي فعلا عربية قوية واعتمادية واعادة سعر وقطع غيار منتشرة و...........الخ
وبتاعة شغل وبهدلة

[محمد اسلام]

شكرا لحضرتك بس انا مشكلتى مع الستروين فى اعاده البيع

انا رأيى ان الواحد بيشترى عربية جديدة علشان يركبها ويستمتع بيها مش علشان يبعها .... ومتهيألى ان الستروين سى اليزية هايكون ليها مستقبل فى مصر نظرا لامكانيتها وشكلها وسعرها ...