معايه سكودا a4 2007 اوتو لو غيرت ل افيو الشكل الجديد هاندم

[صعيدي]

السلام عليكم
بأختصار انا زهقت من صيانه الاسكودا عشان معندناش في اسيوط قطع غيار ولا ميكانيكي يفهم فيها فناوي اغير لزيرو عشان زهقت من المستعمل
والميزانيه ممكن تجيب افيو اوتو الشكل الجديد فأيه ظروف العربيه دي مع العلم اني مش بسافر كتير يعني مره او مرتين كل سنه يعني داخل المدينه بس
انا عارف ان الاسكودا حاجه تاني وثبات(كنت باعمل غرز بسرعه 150)5
حاجه تاني انا عنيف شويه في استخدامي
في انتظار ردكم يارجاله

[mahmoud_ali]

لو هتعرف تخليك فى الاوبترا هتستحمل شويه عن الافيو

[kokowasfy]

لا انت مش هتندم لا انتا هتنتحر العربية فرق فى الاداء عالى جدا جدا جدا الاسكودا عالم و الافيو عالم تانى خالص هتندم جدا لو عاوز تبيع و تجيب حاجة تريحك بيع و جيب لانسر كسر زيرو صينتها سهلة جدا و اى ميكانيكى يفهم فيها واعطالها شبة مفيش ودا عن تجربة 6 سنين من الزيرو هلك و طحن فى العربية عامل 295 الف كيلو و العربية زى الفل مفيهاش الهوا

[ياسر يوسف]

حاتندم اعمل اي حاجه وديها توكيل انما حافظ عليها او اصبر وهات موديل السنه اما افبو لا ثم لا فلا

[شريف ابو حمزة]

السلام عليكم ورحمة الله وبركاته
انا لسه جديد معاكم فى المنتدى ومحتاج اعرف شويه عن الاسكودا a4 عشان عايز اجبها بأذن الله
وكمان لو انا محتار اجيب سكودا ولا كورلا

[tameraast]

هتندم

[ياسر يوسف]

الخ شريف اهلا بك انا بصراحه ميال للتويوتا وشكرا

[omaranes77]

عاجز عن التعليق ياباشا افيو اية ياباشا

[fares_311]

السلام عليكم
نصيحة أخوية بلاش أفيو حتكون غلطة عمرك

[hossam_elwani]

حتندممممممممممممممممممممممم

[omaranes77]

طب ماتجيب مايل طالما تعبت من الاوتو

[AlGazar2]

لو غيرت لافيو هتندم جدا

لو التغيير ضرورى هات اوبترا هتبقى فى نفس المستوى تقريبا و ثبات الاوبترا كويس و موتور قوى و عفشه كويسه

[abogoda]

حرااااااااااااااااااااااااااااااااااااااااااام عليك ما فيش اي وجه للمقارنة سكودا اللي تحت رجلك نعمة كبيرة اوعي تفرط فيها
شدها واصرف عليها شويه تكون أحسن من عربيات كتيره زيرو وصدقني حمالة اسيه ................................. الافيو ما هي الا لانوس

[mo3tazanas]

فاكر اغنية غلطة وندمان عليها وبقولك واسمعيها

[mahmoudysf]

من اوكتافيا لافيو
هتندم طبعا