النجدة يا احوان للكروز

[tofy82]

السلام عليكم ورحمة الله وبركاته
اخوانى ارجو الدعم السريع فى مشكلتى وهى :
النهردة بحط شاحن الموبيل راحت الولاعه فصلة والبلوتوث الى مركبة المهم روحت ووقفت تحت البيت وجيت اغير الفيوز مستجبتش.
قلت ابقا اهنزل بليل على الكهربائى
وركنت العربية لقيت المفتاح مش راضى يتشال وحاولت مية مرة مفيش فايدة ودورت العربية وجيت انقل من ال p ومش رضية تنقل
وفكيت سوكت الشفت ودوست علية عشان تنقل ونقلت يدوى ولما رحت للكهربائى كشف على كل الفيزوات الداخلية والخارجية وكانت سليمة
ودلوقتى الولاعه فصلة والبلوتوث والمفتاح مبيطلعش ومبتنقلش الفتيس والشنطة مش بتفتح ولمبة الفرامل فى ابفوانيس مش بتنور
ارجو الدعم لانى ماعد البواب فى الع بيه 6شان مفتوحة والمفتاح فيها

[windofchange]

افصل كابل السالب في البطارية فترة متقلش عن قول مثلا ربع ساعة وبعدين وصلة والله اعلم جرب نش هتخسر حاجة ممكن يكون حصل حاجة في الecu مثلا وانت كده تعمل له reset

[tofy82]

عملت وزى ما هى

[tofy82]

انا رحت لكهربائى تانى وعمل زى الاولانى تانى بالظبط وقلى كدا الفيوزات الى انت حطها كانت كبيرة وحرقت حاجة فى البوردة
قلى اجيلو بكرة هيفكهم ويشوف المشكلة فين
المهم انا كلبشت العربية وشلت سالب البطارية ونيمت البواب فيها عشان حال البلد بقا انتوا عرفين
بس شيل السالب لبكرة دا يأثر على العربيه؟؟؟

[Ahmed Saad]

اطلع بيها علي التوكيل يشوفو فيها ايه ومعلش اخسر شويه فلوس في التوكيل احسن ما تخسر العربيه بعد الشر وان شاء الله خير

[AHMED1718]

غالبا فبرة الكونتاكت اتحرقت ..ده لو عندك زي الالماني بيبقا فيه فيشه كده بواير واصل بالفتيس .ف كلا الأحوال متحولش تمشي بالعربية كتير أحسن يكون ف سلوك كشفت وتعمل قفلة ف الecu وتضربه

[samomodrek]

بص ياباشا الموضوع ده حصل فعربية كروز بتاعت واحد صاحبي والنور الخلفي مكنش بينور والشنطه مكنتش بتفتح لكن كل حاجه تانيه كانت سليمه
المهم وداها التوكيل غير تقريبا الكمبيوتر بتاع العربيه او شريحه الكترونيه فيه مش متذكر بالضبط ودفع 4 الاف جنيه والعربيه بقت تمام وزي الفل
معلش اني طولت عليك ومعلش عشان مش متذكر بالضيط اسم الحاجه اللي غيرها

[tofy82]

4 الف جنية !!!!!!!!!
كل يوم بتحسر على اول عربيه ليه مازدا 323

[dr_aliorban]

بص ياباشا الموضوع ده حصل فعربية كروز بتاعت واحد صاحبي والنور الخلفي مكنش بينور والشنطه مكنتش بتفتح لكن كل حاجه تانيه كانت سليمه
المهم وداها التوكيل غير تقريبا الكمبيوتر بتاع العربيه او شريحه الكترونيه فيه مش متذكر بالضبط ودفع 4 الاف جنيه والعربيه بقت تمام وزي الفل
معلش اني طولت عليك ومعلش عشان مش متذكر بالضيط اسم الحاجه اللي غيرها

كان عندى عربيه كروز وعملت نفس المشكله روح التوكيل حيكشف ويقولك الBCM متخليش حد كهربائى يلعب فيها حخرب لك الباقى علشان الفتىس ميضربش معاك دى عربيه بنت ستين الحمد لله بعتها لانها مش عايزة غير التوكيل وربنا معاككككككككك

[dr_aliorban]

4 الف جنية !!!!!!!!!
كل يوم بتحسر على اول عربيه ليه مازدا 323

اولا ربنا معك روحت التوكيل بمشكله زى دى فى الكروز عربيه زباله كلفنى 6500 جنيه والعربيه قع دت عندهم 3اسابيع علشان ىجيبوا الbcm الله ىساعدك وشكراااااااا

[tofy82]

شباب براحة علية شوية ...مش بالساهل هصلح ب6000 جنية
الكهربائى كشف بجهاز تحديد الأعطال وقلى الكنترول بتاع الفتيس والمفتاح فية اى سى ضارب ومكانة جمب القدم اليسرى للجالس بجوار السائق
وبيحاول يغيرة
واية هو ال bcm