الانطباع الاول عن تويوتا كورولا بعد كروز

[sameh_ahm]

ما الشهر اللي فاتت كنت مأجر كروز بكل ال options الوهمية اللي فيها
الشهر ده قلت اجرب ال كورولا الجديده
بعد اول يوم إحساسي ايه القرف ده !!!!
العربيه تصميمها وخاماتها من جوه سيئة جداً
وأضيق بكتير
تقريبا مافيهاش ميزه غير الفيتس رغم ان الكماليات واحده تصميم التابلوه وضيق العربيه محسسني بالقرف
حتي عن المرور
فعلا الصيت ولا الغني

[saddam]

صديقي المواطن
صدقني بعد شوية اﻷخوة الزملاء اﻷفاضل حيمطروك بتعليقات وهجوم مقابل ونحن نشكر مشاركتك ورأيك هذا نحترمك ﻷجله ولكن كان اﻷفضل تخفيف حدة الكلام واﻷلفاظ الهجومية حتى يكون التقييم موضوعي وفي جو من البهجة وتبادل الخبرات ووجهات النظر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Dr . Mohamed]

الخناقة هتبدأ =d

[msobhy]

كده انا معايا الاكل والفشار وكل حاجه تمام
اخ نسيت البيبسى
هاروح اجيبه بسرعه واجى
اوعى تبدؤا الخناقه قبل ما ارجع

[Thebutcherr]

:)))))))))

[miceg]

من مدلول كلامك
((بكل ال options الوهمية اللي فيها))
الكورولا مش لسيادتك بغض النظر عن الخامات اللي بتقول عليها سيئة من وجهه نظرك فقط
ونصيحة توجه للكروز فورااااااااا

[amr_8800]

خناقه ليه بس يا جماعه
الراجل بيقول رأيه في العربيه
زي ما هو شايفها وهو حر
هو شايفها كده
في ناس تانيه كتير شايفاها مرسيدس
كل واحد حر
الموضوع مش مستاهل

[Ahmed_Adham]

Popcorn time

[Amr_650]

:)))))

[corolladestroyer]

والله الراجل في بعض كلامه صح في رايي
ولكن اتحفظ على الاسلوب لان العربيه مش وحشه للدرجادي....
1-الخامات فعلا مش قد كده بس يعني الكروز اللي خاماتها جامده!!!!وحسيت بالفرق
2-العربيه مش ضيقه باي شكل...
3-التابلوه اعلى من المتوسط...و شكله عن نفسي عاجبني وقربوه من الناحيه الفخيمه اللي في تويوتا..

[nazar muharram]

ولا خناقه ولا حاجه ده رأيه بس المفروض يحتفظ بيه لنفسه وانا شيفها احسن عربيه فى الفئه السعريه بتعتها والكروز تتقارن بل سيراتو والانترا

[sameh_ahm]

يا جماعه باعتذر لو الأسلوب ضايق حد
وعلي فكره انا مش عشاق الياباني وكان معايا لانسر وكنت ناوي اشتري كورولا او سيفيك قبل ما أسافر
بس ظروف العمل خلتني أسافر لفتره طويله هبقي مأجر فيها عربيه فقررت اجرب عربيه كل شهر
او شهر جالي كروز رغم ان مش محبينها بس فعلا اتفاجأت بأدائها والكماليات اللي فيها وعارف اللي في مصر مافيهاش اي حاجه زي اللي هنا
الشهر التاني بما أني بحب الكورولا قلت اجربها بس فعلا اتضايقت اول ما ركبتها عرضها قليل حاسس انها ضيقه كتير عن الكروز وخامات وحشه حتي الكراسي الجلد مستواها اقل من الجلد التاني
مش هقارن الموتور لان الكورولا ١٨٠٠ سي سي ١٣٢ حصان والتانيه ١٠٤ تربو ١٥٦ حصان فالمقارنه مش عادله
وزي ما قلت اه فتيس الكورولا cvt حاسس انه أحلا بكتير من التاني بي انا متضايق فعلا ان مافيش لمسه جماليه او اهتمام بالتصميم والتشطيب الداخلي
مش ها قارن حكايه الاعتماديه وقطع الغيار لان هو شهر واحد بس بتكلم علي انطباع أولي وإحساس بالتصميم
حتي اداء الموتور مش واو اللي قبليه

[mido]

ايوه حد لسه مشتمش فى الكروز ؟؟ ايوه الاخ اللى هناك اتفضل حضرتك اشتم ؟
ايوه فتيسها ابن تيت ايوه تمام معاك
الاخ اللى هناك شايفك بتشتم بصوت واطى
ههههه :)

[heeshooheeshoo]

ايوه حد لسه مشتمش فى الكروز ؟؟ ايوه الاخ اللى هناك اتفضل حضرتك اشتم ؟
ايوه فتيسها ابن تيت ايوه تمام معاك
الاخ اللى هناك شايفك بتشتم بصوت واطى
ههههه :)

مش أنا ياعم .. ده الراجل إللى جنبى



ههههههههههه حلوة

[Mohamed Elnagar]

رأي يحترم وكل واحد حر في رأيه اكييد