المارش بيتك تك و مش بتدور - كروز :(

[mido]

العربية النهاردة بدورها المارش بيتك تك ومش بتدور ولا بتطلع صوت يادوبك تكتكه و النور بيبقى شغال و تيجيى ترعش العالى تلاقى كل الانوار فصلت
المهم جربت ادور من بطارية عربية تانية بالكابلات بس مفيش برضه اى صوت للمارش يادوبك تكتكه و مفيش اى رسالة طالعة على الشاشة
احتمال الكابلات وحشة او البطارية اللى بدور منها ضعيفة مع انها بتاعة فيكترا الشكل القديم قوى

احتمال تكون بطارية بس الكهربا شغالة و لو ان الريموت مش بيقتح الا لما ادوس علىه مرتين حتى باب السواق

حد شاف العيب ده قبل كده ؟؟؟ ولا العربية كده راحت فى الملاحة

[Eng_hatemfathy]

متقلقش شكلها كده بطارية او فواطيش
جرب تفك كابلات البطارية وتنضف القواطيش وتنضف الكلامب بتاع القطاش ولو احتجت لوصلة اتأكد ان الوصلة كويسة وراكبة باحكام وان شاء الله تدور معاك
اعتقد ان الاكواد مفيش منهم بطارية ضعيفة
عامة جرب وابقى طمنا عملت ايه

[mido]

متقلقش شكلها كده بطارية او فواطيش
جرب تفك كابلات البطارية وتنضف القواطيش وتنضف الكلامب بتاع القطاش ولو احتجت لوصلة اتأكد ان الوصلة كويسة وراكبة باحكام وان شاء الله تدور معاك
اعتقد ان الاكواد مفيش منهم بطارية ضعيفة
عامة جرب وابقى طمنا عملت ايه

ربنا يستر...
القواطيش نضيفة والكابل كنت بدور بيه الموتسيكل بس يمكن مش نافع مع العربية حصلت معايا قبل كده
هقيس البطارية بالافو عشان اتأكد

حد عارف ضمان البطارية الفبريكة قد ايه ؟

[fouaa]

البطاريه نايمه العربيه مفهاش حاجه وصل انت بس بطاريه تانيه بكبلات وسيبها خمس دقايق متوصله قبل متدور عربيتك وسيب العربيه التانيه دايره وزودلها بنزين فالخمس دقايق دول عريبتك هتدور .

[aboomar22]

بطارية ضعيفة وغالبا الكبلات اللى حضرتك بتوصل بيها مش مناسبة للسيارة وصل بطارية تانية او كابلات افضل هتدور ان شاء الله

[hossam_elwani]

ربنا معاك ومتابعين

[د.عماد صلاح]

الكلاكس شغال ولا ﻷ ؟؟!!

[abou-yahia]

بطاريييييييييييييييييه

[mido]

بطارية ضعيفة وغالبا الكبلات اللى حضرتك بتوصل بيها مش مناسبة للسيارة وصل بطارية تانية او كابلات افضل هتدور ان شاء الله

الحمد لله طلعت البطارية فعلا و الكابلات اللى بدور بيها طلعت تعبانة

المهم انا جبت بطارية تانية 70 امبير و اللى راكب فيها كان 60 و الراجل بتاع التوكيل قالى اللى بيركبوها 66

[Eng_hatemfathy]

الحمد لله طلعت البطارية فعلا و الكابلات اللى بدور بيها طلعت تعبانة

المهم انا جبت بطارية تانية 70 امبير و اللى راكب فيها كان 60 و الراجل بتاع التوكيل قالى اللى بيركبوها 66

تمام كده المهم تكون نوع نضيف ولا تحتاج صيانة(جافة كما يقال) وربنا يبارك لك فيها بس ياريت تشوف تاريخ الانتاج بحيث يكون بالكتير عدى عليه 6 شهور

[mido]

تمام كده المهم تكون نوع نضيف ولا تحتاج صيانة(جافة كما يقال) وربنا يبارك لك فيها بس ياريت تشوف تاريخ الانتاج بحيث يكون بالكتير عدى عليه 6 شهور

انا جبت فارتا جافة من الوكيل بتاعها مخدتش بالى من تاريخ الانتاج صراحة و مكانش عندى اختيارات لو العربية بطلت مكانتش هتدور تانى :) و ده حصل فعلا

[mido]

العربية فيها اوبشن لما البطارية تضعف بتفصل المارش عشان شوية الكهربة الموجودة متروحش و تعرف تستخدم الحاجات الكهربا اللى فى العربية

عظيمة يا كروز :)

[Eng_hatemfathy]

يلا بالتوفيق ان شاء الله

[hossam_elwani]

انا جبت فارتا جافة من الوكيل بتاعها مخدتش بالى من تاريخ الانتاج صراحة و مكانش عندى اختيارات لو العربية بطلت مكانتش هتدور تانى :) و ده حصل فعلا

يعنى ايه مكانتش هتدور تانى!!

[mido]

يعنى ايه مكانتش هتدور تانى!!

البطارية كانت باظت و مش قابلة شحن و مطلعة 10 فولت بس