لمبة الـ Check

[falak]

من فضلكم يا جماعة عاوز أستشيركم في حاجة محيراني
أنا معايا أوبترا أوتوماتيك 2009
فجأة لقيت لمبة الـ Check نورت من غير إحم ولا دستور
رحت جري على التوكيل ،، حطوها على الكمبيوتر بتاع كشف الأعطال
والمهندس قاللي ده حاجة إسمها حساس الكامة
وراح تقريباً عامل Cancel للـ Error ده
واتطفت اللمبة ، وقاللي لو نورت تاني ،، تعالى واحنا نغيرلك حساس الكامة
بعدها بأسبوعين ،، نورت تاني
رحت ع التوكيل ،، قلتلهم الحكاية ،، جيه معايا مهندس ،، وبيدوّر العربية ،، لقيت اللمبة مش منورة ولا حاجة
عارفين لما الكمبيوتر يعطل وتجيب واحد يصلحه تلاقيه اشتغل لوحده
قلت طب الحمد لله ،، وتعبتك معايا يا بشمهندس ،، وخدت العربية ومشيت
بس بعدها بحوالي نص ساعة ،، نورت تاني
ودلوقتي أنا مش فاهم حاجة
أولا ،، إيه حساس الكامة ده ؟
ثانياً ،، مكانه فين في العربية ، ووظيفته إيه ، وسعره كام ، ومصنعية تركيبه كام ؟
ثالثاً ،، هل فيه خطورة لو مشيت بيها كام يوم وهي منورة ؟
رابعاً ،، هل لو غيرت الحساس ده ،، وبعديها لا قدر الله اللمبة نورت ،، أعمل إيه ساعتها مع التوكيل ،، وهل هايرضوا يغيروه تاني أو يرجعوه ؟
أفيدوني ،، أفادكم الله

[falak]

يا جماعة ،، بعد إذنكم ،، ممكن رد
الموضوع قالقني جداً

[ysamerlabib]

مش محتاجة توكيل ...
ممكن تكشف برة التوكيل وتشتري الحساس من ش ارع دمشق او من الشرقاوي في جسر السويس وترجع تركبة وانا ارشحلك م/ هاني

http://www.nilemotors.net/Nile/287642-speed-service-center-enghany.html

كلمه او روحلة وهو هيظبطلك الدنيا

[tameem2010]

مفيش فيه خطور خالص بس العربيه هتبقى مخنوقة ومبرجله وبتاكل بنزين كتير وسعره هيعمل بتاع 300 جنيه بتاع الاوبترا الاصلي

[د.عماد صلاح]

حصل معايا في الافيو و العربيه كانت متكتفه شويه و اتكلف 250 بالتركيب جبته من التوكيل وركبته بره ..تركيبه هايف قوي