العربية بتشرب البنزيــــــــــــن

[retaliation]

السلام عليكم ورحمة الله وبركاته ، أجمل تحية لأجمل منتدى وأحلى ناس.
سؤال عن إستهلاك البنزين لأفيو أوتوماتيك / العربية بتستهلك حوالى 12 لتر كل 100 كم بتزيد شوية وتقل شوية أعمل إيه ؟ ولا ده عيب فى العربية.
وألف شكر مقدماً.

[دكتور خالد]

اعتقد ولله تعالى اعلى واعلم لو الاستهلاك كده داخل البلد يبقى معقول معظم العربيات 1500 و 1600 استهلاكها كده خصوصا لو اتوماتيك .... لكن لو ده الاستهلاك على السريع يبقى كتير طبعا ... ويا ريت تقول بتقيس استهلاك العربية ازاى ؟ لانها بتفرق عن تجربة

[dr/hamza]

طبيعى لو داخل البلد

[د.عماد صلاح]

لو من غير تكييف يبقي غالي اوي

[janarad]

لو جوة البلد فا معدل طبيعى للاتوماتيك .. بردو من باب الاحطياط قيس حساس الاكسجين و اتاكد انه سليم ... و ممكن بسهولة تعرف هو بايظ و لا سليم .. حط منديل جوة الشكمان و شوف فى رواسب كربونية سودا جوة و لا مافيش .. لو فى رواسب يبقى حساس اكسجين او رشاشات .. طيب ها نحدد ازاى ؟ .. لو رشاشات يبقى العربية بتغيب فى الدوارة معاك ساعات ... لو مش بتغيب يبقى حساس اكسجين .