فيدونى يا جماعة حراااام انا قربت ابيع عربيتى الاوبترا بسبب الزفت البنزين

[الملك النعمان]

يا جماعة لو سمحتو فيدونى علشان انا قربت اتخنق مع انها عربية جميلة اوى اوى اوى اوى وحمالة أسية بمعنى الكلمة ولكن بتحرق معايا بنزين بطريقة رهيبة واحيانا تمشى معايا 180 كيلو بـــ 11 لتر بس واحيانا تزيد اوى ده بالنسبة للسفر على الطرق السريعة اما بفا جوة البلد حريييييييقة فى البنزين المهم كنت فى القاهرة من كام يوم لانى انا من المنيا فا كنت على الاوتوستراد فا لقيت توكيل هناك فا ركنت ودخلت لقيت واحد اسمه المهندس وجيه المهم حكيتله الحكاية فا قالى موديل ايه قولتله 2007 اوتوماتيك قالى طيب فيه اى لمبة غريبة منورة عندك فى التابلوه
قولتله اه لمبة التشيك ( الاعطال ) قاله ااااااااااااه طيب ماهو لازم نكشف عليها على الكمبيوتر ونشوف
فا قولتله انا كشفت برا وطلع حساس شكمان قالى طيب ماهو فعلا حساس الشكمان لازم يرمى بنزين زيادة عن الطبيعى فا انا مش عارف اركب الحساس ده ايه علشان فيه ناس بتقولى ركبه جديد والكهربائى بتاعى قالى لا ابعد عن الجديد وهاته استيراد احسن
ده رقم واحد

رقم اتنين بقا
ان فيه كمان حد قالى غير الرشاشات فى التوكيل والعربية هتلاقى استهلاكها رجع زي الزيرو
فا انا محتاااااار مش عارف اعمل ايه والمشكلة انى مش عاوز افرط فيها علشان عربية جميلة اووى بمعنى الكلمة ولكن الموضوع بتاع النزين ده انا ممكن ابيعها بسببه فا انا اعمل ايه

[أسامه طياره]

ابتدي بالمشكله ياريس وغير حساس الشكمان ولما لمبة التشيك عندك تطفي ابقى شوف البنزين بيعمل معاك ايه

[mr_green]

بتعمل كام كيلو فى الصفيحة جوة البلد ؟
هل المعدل إختلف عنما كانت جديدة معاك ؟

[amr011111]

للتر بيعمل كام كيلو جوه البلد

[abou-yahia]

بقه العربيه تعمل 180 كيلو في الصفيحه وزعلان

يا راجل حرام عليك

طيب ومعدل الاستهلاك كام جوه البلد

عموما

غير الحساس ما دام مدي قرايه غلط

والاصلي الجديد في الحاجات ديه ارخص من اي حاجه

ونوع البنزين اللي بتستخدمه ايه

[lad]

طب مانتا عارف المشكلة من ايه وانت مش بتصلحها

[M I D O]

غير الحساس و حط منظف للرشاشات واكشف علي البوجيهات وان شاء الله الاستهلاك يرجع زي الزيرو

[mido6666_2010]

واهم حاجة تجيب بوجيهات اصلية بتاعة منصور هتفرق كتير

[abou-yahia]

البوجيهات ngk البلاتنيوم G-Power ممتازه وبتحسن السحب وبتنظم الاستهلاك

[الملك النعمان]

انا بستخدم بنزين 92
وبعدين انا مش عارف احسب جوة البلد اللتر بيعمل قد ايه ولكن الاستهلاك رهييييييييب جد
وادينى هجيب بكرة ان شاء الله الحساس اهو واشوف طقم البوجيهات زى ما قولتو وهاشوف في تغيير ولا لا

[dody_jaja]

ياريت تقولي عملت ايه لاني لسة شارية العربية من اسبوعين وعندي نفس مشكلتك وزهقت من تغيير الحساس،جبته استيراد مرة وطلع مش مظبوط وجبت جديد بس تقريبا مش الاصلي ب 350 جنيه وبرضو مش مظبوط.
ياريت لو المشكلة اتحلت تقولي غيرته ازاي ومنين وبكام

[HeMa_LanCeR]

انا عن نفسي جبت حساس افيو اصلي ب 350 جنية
وغيرت الفيشة وركبتة وبقي زي الفل
وموضوع الرشاشات دي جبت 4 استيراد ب 200 جنية