تجربتى مع تغيير البوابه والكنترول للاوبترا

[almosecar]

السلام عليكم
طبعا كلكم عارفين مشاكل الاوبتر وخاصتا البوابه اللى كتير بيشتكو منها المهم اول المشكله هى لما الار بى ام ابتتدا يعلى ويوطا لوحده وطبعا العربيه ممكن تبطل منك لما تشيل رجلك من البنزين او فى الاشاره وكمان لما تيجى تشغل التكييف طبعا عقدتنى وفكيتها وطلعتها برده ونظفتها كويس جدا وبعدين وديتها على الكمبيوتر علشان يعملها ريستارت او يبرمجها اشتغلت كويس وبعدها بلاسبوعين عملت نفس المشكله فحصتها بلجهاز قرا tbs يعنى البوابه بايظه المهم اشتريت واحده تانيه استراد ب500 جنيه وحالتها كويسه جدا ركبتها اشتغلت زى الفل شهرين وبعدين نفس المشكله وديتها لاكتر من واحد معرفش المشكله فين المهم مش اطول عليكم غيرت البوابه 3 مرات وفى الاخر فى واحد بيفهم قالى عندك الكنترول فيه مشكله لازم تغيره والكنترول الاصلى بتاعها مكتوب عليه j4 المهم نزلت علشان ادور على كنترول بلحرفيين طبعا اسعارهم نار ب1000 جنيه وكمان من j4 هو بتاع عربيه تانيه بياخدوه متشفر وبعدين بيفكو الشفره عند محمد عسكر ب200 جنيه ويشتروه ب400 المهم سبتهم ونزلت شارع عشرين بفيصل ولقيت واحد ابن حلال كان عاوزه ب800 اخدته ب700 وبتاعها الاصلى جبته وركبته بنفسى وركبت ايضا البوابه اللى اشتريتها بنفسى برده على فكره سهل جدا تركيبها واول ما دورت العربيه لمبه الاعطال انطفت تلقائيا لانها كانت منوره عندى والحمد لله العربيه بقت زى الفل وحبيت انقلكم تجربتى لعل حد يحصل معاه نفس المشكله علشان ما يدوخش زى السبع دوخات واسف للاطاله واى استفسار انا فى الخدمه

[windofchange]

يعني العيب عيب كنترول بايظ عايز يتغير...وعيب متكرر في كل العربيات الاوبترا والj4 ده زي بتاعها اللي بايظ

[almosecar]

بلظبط يعنى اى واحد بوابه عربيته بتبوظ بشكل مستمر يعنى كل 3 شهور مثلا يبقى الكنترول فيه مشكله وعلى فكره انا رحت لمحمد عسكر اللى فى الحرفيين قبل ما اغير الكنترول قعد يفتى ومعملش حاجه وطخيتله مشوار جامد على الفاضى مشكله الصنيعيه فى مصر انهم مبيفهموش حاجه فى حاجه والفتى عندهم حاجه مستفزه طبعا مش كلهم فى ناس محتروه بس قلييييل