عايز حل ضرورى :(

[H.Refaat]

عربيتى اوبترا وبتسخن اوى وبقالى فتره كل شويه الميه تضرب من حته شويه خرطوم وشويه طبه و اخيرا مفرقعه 2 ريداتير فى اسبوع واحد مش عارف فيها ايه :( :/
مع العلم ان مؤشر الحراره بيبقى عادى مش بتبان انها بتسخن

[د.عماد صلاح]

متاااابع

[samakaerror]

هل غيرت الترموستات ؟؟ و هل اتأكدت ان العيب مش من المروحة ؟؟ و هل دايرة الماية تمام و مش مسدودة ؟؟ و هل طلمبة المياة تمام ولا مفوتة ؟؟

[H.Refaat]

الميكانيكى كل مايشوف حاجه يقولى سليمه حتى شك انها جابت جيوان ودا السبب والحمدلله طلع لاء :(

[a7medsh3rawi]

السكس بلف بتاع الحراره عندك ليه فتحه صغيره جدا بتسمح بخروج الهوا السخن من داخل دورة التبريد
لو بيعلق عندك هيعمل الانفجارات دى كل شويه لانه بيسد مرور الميه داخل الدوره وبالتالى الميه بتوصل لدرجة الغليان ومكتومه
الحل تغيره بواحد اصلى وتتأكد ان الراجل اللى ركبه ما سدش الفتحه دى
وطبعا لازم تفضى الهوا من داخل دورة التبريد بالكامل بعد التركيب
ودى طريقة تانيه علشان تسهل خروج الهوا من البلف:



ودا مكانه داخل دورة التبريد:



والله أعلى وأعلم

[H.Refaat]

والله مع انى مش فاهم فى العربيات بس شكلك بتقول كلام زى الفل :)

[dodo2000]

دورة تبريد الاوبترا زى الزفت اصلا

[H.Refaat]

انا وديتها لمركز بتاع المهندس هانى ميخائيل و قالى العربيه عايزه جيوان :(
مش عارف بقى دا هيظبط العربيه ولا برضه هيفضل فيها نفس المشكله :/

[a7medsh3rawi]

انا وديتها لمركز بتاع المهندس هانى ميخائيل و قالى العربيه عايزه جيوان :(
مش عارف بقى دا هيظبط العربيه ولا برضه هيفضل فيها نفس المشكله :/

الجوان دا بيضرب نتيجة ارتفاع درجه حراره المحرك عن الحد الاقصى
انما فى عيب تانى هو المسئول عن عدم تبريد المحرك وعمل الانفجارات
بعد ما تصلح الجوان وش السلندر اعمل دورة غسيل للريادتير وباقى خراطيم المياه
يعنى تسيب الموتور داير وتحط خرطوم ميه فى القربه لغاية ما تلاقى الميه بتطلعك بقوه واندفاع من خرطوم الميه اللى طالع للقربه يبقى كدا الطرمبة شغاله كويس والخراطيم سالكه ما فيهاش تسديد ..
وبعد كدا تقفل غطا القربه بعد ما تتأكد ان ما فيش هواء بيطلع مع الماء وتشوف حرارة الموتور عامله ايه وسرعة المراوح مقارنه مع سخونة العربيه
وقلنا على النتيجه