أريد أن أشتري سيارة جديدة

[Abonora]

أريد أن أشتري سيارة جديدة و حقيقة مدي ما أستطيع دفعة هو في مدى التسعينات .... رأي أقرب للأوبترا
و لكن هناك من خوفني منها من عدة مواضيع كالنشوفة و الصاج الخفيف و عدم رفاهية المقصورة
و الآن أنا أقارن بين الأوبترا و النوبيرا و ألنترا و الهوندا سيتي و الياريس

إية رأيكم يا جماعة؟؟؟
و لا في عربية أحسن في نفس السعر؟؟؟؟؟؟؟؟؟

[temoo_110]

واللهى ياباشا انا من رائى تخليك ياما فى الهوندا سيتى او الالنترا

[Abonora]

طب أية السبب يا تيمو؟
يا رت دايما يا جماعة يكون في أسباب عشان يبقى في قناعة
شكرا

[hero]

عن تجربة شخصية ...بلاش الاوبترا....هي اة سريعه وموتورها كويس بس عيوبها كالاتي :
الصالون فقير علي السعر
استهلاك بنزين عالي جدااا بالنسبة لموتور 1600 والمفروض انة حقن الكتروني ..
عفشة ناشفة..
اعادة بيع الله اعلم بيها (كفاية انها كوري وشيفورلية بتداري دايو بالعلامة بتاعتها)

متهيألي اي شيء ياباني هايبقي احسن ...حتي لو مستعمل كسر زيرو....وعلي فكرة انا برضة بادور علي عربية في نفس الرتنج او يمكن اقل كمان...

[temoo_110]

طب أية السبب يا تيمو؟

http://www.nilemotors.net/Forum/viewtopic.php?t=1461

خوش على الينك ده وشوف موصفات الهوندا سيتى
اما بالنسبة لليارس انها عربية عظيمة بس مش بتاعت شد خالص

[hazem_khidr]

فكر في كورولا 2006 مثلا او 2005 حيبقي احسن من دا كله

[Abonora]

gلية مفيش حد اتكلم عن الألنترا؟؟؟؟؟؟؟؟
اية عيوبها و مميزاتها؟؟؟؟؟؟

[hero]

والله يا حازم هو دة احسن اختيار....بس للاسف صعب تلاقي عربية كورولا كسر زيرو بحالة كويسة ...وبسعر معقول نسبيا ....

[hazem_khidr]

لا حتلاقي كتير العربيات دي بتحافظ علي نفسها فتره طويله و مش بتتهان بسهوله.
خالي جايب واحده 2004 من حوالي سنه و العربيه كانت جايه ما شاء الله و حلتها حلوه لحد انهارده ما عملش فيها حاجه

[mina_ramsis]

اولا حضرتك لازم تحدد انت عاوزها مانيوال و لا اوتوماتيك نفترض ان حضرتك عاوزها مانيوال يبقى الاختيارات اللى قدامك ياريس و اوبترا و النترا و لانسر 1300
و انا ارشح لحضرتك اللانسر 1300 او الياريس ( فيها عيب و هى عدم الثبات على السرعات و فيها ميزة و هى توفير الوقود )
علشان كده انا ارشح اللانسر اكتر
نيجى بقى لو حضرتك عاوزها اوتوماتيك يبقى تنسى اى حاجة 1300 سى سى يبقى كده انت قدامك الالنترا و الاوبترا و الهوندا سيتى 1500 الخطوة اللى بعد كده ان حضرتك بتقول ان امكانياتك فى التسعينات يبقى انسى الالنترا علشان ب 103 الف
يبقى الاختيار انحصر بين الاوبترا ب 92 الف و الهوندا سيتى 2006 اذا كانت موجوده لغاية دلوقتى

اعادة بيع الله اعلم بيها (كفاية انها كوري وشيفورلية بتداري دايو بالعلامة بتاعتها)

اكيد سعر اعاده البيع هيبقى افضل من الياريس و الهوندا سيتى و حتى اذا افتراضنا ان كلام حضرتك صح ان الشيفورليه عبارة عن دايو متنكرة فروح السوق حاول تبيع دايو و هوندا و شوف انهى اللى هتتباع اسرع
بعدين فكرة انها كورى فده فكرة للشركات الكبرى دلوقتى يعنى انت عندك جيتا صينى و الباسات ( محدش يقدر يتكلم عليها ) فهى برازيلى ( بيتهيألى ان الكورى احسن من البرازيلى )

[osman hisham]

أقتباس
اعادة بيع الله اعلم بيها (كفاية انها كوري وشيفورلية بتداري دايو بالعلامة بتاعتها)
الرد
طبعا ده مش منطق شوف فولكس عملت أيه فى الأسكودا و كمان سيات
و شوف برضه رينو بعد ما أشترت داتشيا
يا جماعه الشركات الكبيره لما تشترى الشركات دى بتغير من مستوى الأنتاج و الكواليتى كنترول و بتنتج عربيات بشكل تانى و ألا لن تنجح و تلقى نفس مصير الشركه القديمه
أرجوا التأكد من الأفيو و الأوبترا حيث أنهما مختلفين كليا عن مستوى أنتاج الدايو
هشام عثمان

[معاذ الشرباصى]

Re: أريد أن أشتري سيارة جديدة

أريد أن أشتري سيارة جديدة و حقيقة مدي ما أستطيع دفعة هو في مدى التسعينات .... رأي أقرب للأوبترا
و لكن هناك من خوفني منها من عدة مواضيع كالنشوفة و الصاج الخفيف و عدم رفاهية المقصورة
و الآن أنا أقارن بين الأوبترا و النوبيرا و ألنترا و الهوندا سيتي و الياريس

إية رأيكم يا جماعة؟؟؟
و لا في عربية أحسن في نفس السعر؟؟؟؟؟؟؟؟؟

انت عايز ايه من العربية؟
يعنى عائلية و لا لأ؟
الثبات مهم و لا لأ؟
استهلاك البنزين فارق اوى؟
الوسع الداخلى؟

فى حاجات كتير بتحكم الاختيارات, و ممكن تبدأ المقارنة بكام عربية و تنتهى بعربية غير اللى كنت حاططهم فى اختياراتك

و اقرب مثال على كده كريم منير, كان محتار بين الانترا الجديدة و لانسر, جاب كورولا 1300

ليه متفكرش فى الصنى, دلوقت بقت بتبدأ من 85الف, و انا برجحها على الاوبترا

[Sharky]

السلام عليكم

رأى الشخصى لو تقدر تجيب مستعمل كسر الزيرو يبقى كرولا لكن لوعايو سيارة زيرو يبقى فى الإختيارات اللى محددها تويـــــوتــا يــــــــــــاريـــــــــــس أنا شايف إنها أحسن واحدة فى الإختيارات دى عن تجربة.

[أبو عمار]

أنا كنت فى نفس حيرتك

بصراحة إحترت جامد جدا ورسيت فى النهاية على الأوبترا الأوتوماتيك و هى عربية زى الفل قيمة و سيمة و شكل رائع و سحب ووسع وفخامة و كماليات وفوق كل ده سعر منافس جدا
92 ألف جنيه

عيبها الوحيد متوسط إستهلاكها فى البنزين حوالى 9.5 لتر/100كم

الحقيقة أنا كان عاجبنى الإلنترا بس علشان أجيبها بضاعة حاضرة من غير حجز هادفع فرق 13 ألف جنية فوق سعر الأوبترا و برده كورى طيب حد يقنعنى :!:

والله يا أخى إسمع كلامى تنازل عن الحلم اليابانى و خليك فى الأوبترا و مش هاتندم

[إسلام شاهين]

<marquee/>ياجماعه انا سمعت إن الاوبترا 6 سلندر علشان كده حريقه بنزين الكلام ده صحيح ؟<marquee>