استفسار بخصوص اوبترا 2007 اوتوماتيك l.s

[ph_elashry]

السلام عليكم انا معايا اوبترا 2007 (اوبتراوى جديد بلغه المنتدى) من سبع شهور كده وظهر عندى مشكله كده مش عارف بصراحه ايه السبب واتمنى حد من الاعضاء الكرام يفيدنى المشكله باختصار انى كنت واقف فى اشاره والعربيه على ال d عادى ولما الاشاره فتحت دوست بنزين العربيه مااتحركتش ومافيش صوت فى العربيه زى ماتكون مبطله زى مايكون مافيش بنزين واصل للعربيه وفيها رجه المهم دوست فرامل تانى وجبت n وبعدين رجعت لل d تانى ودوست بنزين والعربيه مشت تمام حطيت العربيه على جهاز الاعطال جابلى كود حساس الشكمان وكود حساس ال EGR روحت للميكانيكى فك حساس EGR لقاه ملغى قالى عشان كده كمبيوتر قراه وقالى هانسيبه ملغى عشان سعره هنا 800 ريال (انا فى السعوديه مش فى مصر ) وقالى سيبك من حساس الشكمان عادى مش هانغيره وقالى اروح اوزن دواسه البنزين كمبيوتر ممكن يكون منها معلش طولت عليكم انا اسف السؤال دلوقتى هل اعمل زى ماالميكانيكى بيقول كده واسيب الحساس ملغى ومااغيرش حساس الشكمان واعمل موضوع الوزن ده ولا الكلام ده مش صح ولو مش من الحساسات دى يبقى المشكله ممكن تكون من ايه انا لسه مغير راديتر مكيف وراديتر العربيه وسير الكتينه وطقم كفرات ومساعدين قدام وعامل عمره كويسه للعربيه اول مااشترتها وبرده حاسس انها فى المطالع عزمها ضعيف شويه فياريت تقولولى على الحل واسف مره تانيه على الصداع اللى عملتهولكو وسؤال تانى معلش استغلال بقى انا بحط الميه الخضرا هل هيا افضل ولا الحمرا وبالنسبه للبنزين انا بحط 91 اكمل عليه ولا احط 95

[JAM]

خلى ال egr ملغى.. إلغائه بي على أداء الموتور... المشكلة الكبرى هى فى حساس الشكمان.. عند تلف حساس الشكمان العربية بيكون إستهلاكها اعلى جداً للبنزين.. لذلك لازم تغير حساس الشكمان فى أسرع وقت... فى النهاية لا أرى اى علاقة بين العيبين السابقين ومشكلة الفتيس الموجودة عندك... بس المهم انك لما تكون واقف فى إشارة هو انك تجيب الفتيس على N...والزملاء يفيدوك أكتر منى فى المشكلة اللى عندك.. اللى انا شاكك انها تكون فى البادى فالف بتاع الفتيس

[ph_elashry]

تسلم على الرد jam ان شاء الله هاغير حساس الشكمان فى اسرع وقت انا طبعا فى الاشاره بجيبها على ال n بس انا كنت داخل كان فاضل 10 ثوانى وتفتح فدوست فرامل بس ولما فتحت دوست بنزين عشان اطلع وحصل معايا المشكله دى ولو من البادى فالف اعرف ازاى انها منه