ارجو الجواب من ملاك الاوبترا

[mahmoud.69]

السلام عليكم ورحمه الله وبركاته
انا عندي بعض استفسارات العربية اول مابدورها بسمع صوت عالي جي من تحت العربية صوت عالي افتكرت الشكمان مخروم رحت لبتاع الشكمانات قالي الشكمان سليم مش مخروم سئلتة طيب عن الصوت ده قالي كل الاوبترا كده وممكن تغير علبة البيئة وهتختفي معاك
تاني حاجة لما بدوس دبرياج سنة وادوس بنزين العربية بتبطل او تنتش لغاية ما ادوس بنزين جامد لزم اشيل رجلي من الدبرياج من غير ما ادوس بنزين ده طبيعي
وتاني شيئ لما بدوس بنزين وانا برفع رجلي من علي الدبرياج بحس بصوت خشونة تحت رجلي طالع من المكنة حاسس زي غرغرة كده تقنها عربية بتحط جاز مش بنزين

[إبراهيم المصرى]

متابع

[mahmoud.69]

نفسي القسم ده ينشط زي قسم الدايو وهيونداي
اديني منتظر

[ysamerlabib]

يا استاذ محمود
انا كنت قلتلك روح للمهندس هاني ...
ممكن تكلمه لو انت بعيد عنه وهوه حيفيدك فورا مش حيتأخر عليك حتى لو مش حتروحله
كل اراء الاعضاء هنا طبعا تحترم بس لما يبقى معاك مهندس تسمع منه على طول ويديك الحل فوري

بصراحة لا يفتى ومالك في المدينه

[إبراهيم المصرى]

لو تسمحلى انا مش من ملاك اوبترا بس اللى حضرتك بتوصفه ده اعتقد انه مشكله اسطوانه وديسك وبليه يعنى طقم الدبرياج وطبعاً اعضاء القسم من ملاك الاوبترا اكيد يعرفوا اكتر وجروب الاوبترا جروب محترم

[mahmoud.69]

يا استاذ محمود
انا كنت قلتلك روح للمهندس هاني ...
ممكن تكلمه لو انت بعيد عنه وهوه حيفيدك فورا مش حيتأخر عليك حتى لو مش حتروحله
كل اراء الاعضاء هنا طبعا تحترم بس لما يبقى معاك مهندس تسمع منه على طول ويديك الحل فوري

بصراحة لا يفتى ومالك في المدينه

انا مستني بس اول الشهر اقبض بس لي اني حطيط كل الي ورايه وامامي في العربية
بس مافيش مشكلة اني اخد خلفية من الاعضاء عن المشكلة دي علشان لما اروح لي اي ميكانيكي مبقاش متفاجأ

[mahmoud.69]

لو تسمحلى انا مش من ملاك اوبترا بس اللى حضرتك بتوصفه ده اعتقد انه مشكله اسطوانه وديسك وبليه يعنى طقم الدبرياج وطبعاً اعضاء القسم من ملاك الاوبترا اكيد يعرفوا اكتر وجروب الاوبترا جروب محترم

العربية عاملة 56 الف كيلو معتقدش انها استوانة

[mona_881]

العربية عاملة 56 الف كيلو معتقدش انها استوانة

انا لما اشتريت عربيتي كانت عاملة 41 الف ومشيت عليها شوية وغيرتها علي 45 الف عادي جداااا

بس مش معني كلامي ان مشكلة حضرتك فعلا اسطوانة ودسك انا بس بوضح ان ممكن عادي الاسطوانة تتعب بدري علي حسب طريقة سواقة المالك اللي قبل حضرتك

وان شاء الله تطلع حاجة بسيطة وحتي لو اسطوانة عادي يعني انا كنت شايلة هم تغييرها وطلعت بتتغير بسهولة و بسيطة والعربية بعدها بأت ماشاءالله