استفسارات عن شيفروليه كروز

[dr.adelelgd]

بسم الله
اولا السلام عليكم
ثانيا عندي شوية استفسارات عن الكروز بس ياريت اللي بيقرأ الموضوع يطول باله معايا عشان انا مليش في العربيات خالص

1- مشكلة الفتيس في الكروز : هل هي شائعات ام حقيقة؟ وهل توجد في موديل 2010 فقط ؟

2- هل يقوم التوكيل بتغيير الفتيس مجاناً ؟ كم سعره في التوكيل خارج الضمان؟ كم سعره استيراد خارج؟

3- هل استطيع تغيير ماكينة الكروز 1.6 باخرى 1.8 خليجي ام يحتاج تعديل داخل السيارة؟

4-كم متوسط سعر موديل 2010 و 2011 حالة جيدة؟

[mikology]

انا متابع معاك لان قدامى كروز جايبه فتيس و صاحبها حاططها فى التوكيل عشان يتصلح - وسعرها بعد التصليح واقف عليا ب 90 الف - هى ls اللى من غير جنوط
محتاج اعرف ايه النظام ؟

[mido]

1- مشكلة الفتيس في الكروز : هل هي شائعات ام حقيقة؟ وهل توجد في موديل 2010 فقط ؟

حقيقية زى اى ماركة تانية مش عيب معروف يعنى و الموضوع مرتبط بالصيانة و طريقة السواقة اكتر من كونه عيب فى التصنيع و الموضوع ظهر فى 2010 بس اكتر حاجة اعتقج

2- هل يقوم التوكيل بتغيير الفتيس مجاناً ؟ كم سعره في التوكيل خارج الضمان؟ كم سعره استيراد خارج؟
طالما فى الضمان هيغيره غير كده اكيد لا - الاسعار الاحسن تسأل عند بتوع الاستيراد بس متشتريش العربية و تعمل حسابك انها تجيب فتيس و تروح تغيره عادى علشان غالبا الموضوع مش بسيط مش كأنك بتغير فلتر

3- هل استطيع تغيير ماكينة الكروز 1.6 باخرى 1.8 خليجي ام يحتاج تعديل داخل السيارة؟
اعتقد اى حد هيجاوب هيبقى مجرد فتى علشان اكيد محدش جرب

4-كم متوسط سعر موديل 2010 و 2011 حالة جيدة؟
راجع كونتاكت و نزل 2000 او 3000 من السعر المكتوب


نصيحة للجميع : متشتريش كروز مستعملة الا من حد تعرفه او انها تكون لسه فى الضمان و راجع الصيانة فى الوكيل

[dr.adelelgd]

جزاك الله كل خير ياسعادة الباشا
يبقي كده الافضل 2011

[mido]

جزاك الله كل خير ياسعادة الباشا
يبقي كده الافضل 2011

بالتوفيق يا باشا واى حاجة احنا تحت امرك :)