انقذوني حالا اي حد سهران

[m7nsh]

فكك ياباشا ,, الجواب بيبان من عنوانه .. يعنى انت اكتشفتها وهو مانوهش حتى عن ان فى مشكله فى الرخصه و شرحلك الوضع ولو كان اى كلام حتى ؟

رأيى اول حاجه بتتعمل فى شرا المستعمل تشوف رخصه العربيه و بطاقه البايع ..مابالك بقا ان حاجه فيهم طلع فيها شك ؟؟ انت لسه بتفكر ؟! اخلع طبعا ..الا لو فى تفسير قوى ومقنع وتتاكد بنفسك من مرورها ده لو عجباك اوى كدا

[hussien010]

يعني الرخصة دي مضروبة بس استاذ احمد الشيخ قال شوية حاجات كده انو مر بنفس التجربة

[hussien010]

الوووووووووووووووووووووووووو

[bmya]

لو ينفع تسحب المقدم وتريح نفسك من الهرتله دي اسحبها
ولو مش هينفع يبقى لازم تسأل صاحبها ايه tfr دي ولازم تروح المرور بتاعها وتتأكد بنفسك من الرخصه وبيانات العربيه قبل ما تدفع مليم زياده

[hussien010]

يعني ابعد عن الموضوع ده احسن اللي يغيظك ان بيانات العربية متطابقة مع الرخصة معادا النقطة دي

[bassemali]

روح بالعربيه ( وصاحبها ) ع المرور التابعه ليه وإعرف أيه الحكايه في عربيات أوبترا كتير إتسرقت الفتره اللي فاتت وإنضرب لها رخص وإتباعت ... خلي بالك كويس

[nazar muharram]

لما دورت على النت لقيت tfr يعنى ربع نقل الى بينزلو النوع ده ايسوزو و شيفورليه دبابه
اتصل بيه وخدو واطلعو على المرور وشوف ايه الموضوع مش هيحلها الا المرور جايز احنا غلطانين بس اهم حاجه السرعه
لو قالك مش فاضى ولا اى حاجه زى كده اعرف انها نصبايه

[أبو آسر]

زي ما الرجالة قالوا
tfr يعني دبابة

https://www.google.com.eg/search?q=Chevrolet+TFR&num=100&es_sm=122&source=lnms&tbm=isch&sa=X&ei=ymlgU46AD4OvOerYgEg&ved=0CAgQ_AUoAQ&biw=1360&bih=643

حاجة من اتنين
يا إما الرخصة فيها خطأ وده احتمال وارد لأن بنزين و1600 مش بتوع دبابة لأن الدبابة 2500 وده حله انك تروح معاه المرور وتقول للموظف الموضوع ده وتشوف هل الخطأ ده بيتصلح عادي ولا لأ
يا إما العربية دي فيها شبهة ممكن تكون مسروقة والرخصة مضروبة واللي هيفصل في الموضوع ده مطابقة رقم الشاسيه والموتور لو مطابقين للي في الرخصة يبقى ده خطأ عند كتابة الرخصة ليس إلا
ونصيحة لو تعرف تجيب العربون وتشوف غيرها يبقى أحسن
مش هتعرف أو العربية عاجباك يبقى تروح مع الراجل المرور وتستعلم عن الحوار ده

[hussien010]

والله الواحد حيتجنن ربنا يسترها ادعولي ياجماعه ربنا يسترها معايا ولو في حد عنده معلومات ياريت يفدني برده

[dodo2000]

تروح المرور بالعربية بالرخصة بصاحبها و تتأكد منها علشان دى اسهل عربية بتتسرق

ولو مش مطمن خالص بلاش منها اصلا

[eme5599]

أنا كان معايا لوجان 2011 كنت شاريها جديدة
و بعد ما استلمت الرخصة لأول مرة لقيت البهوات بتوع المرور كاتبين فيها "لاجونا" مش "لوجان"
لاجونا دي موديل تاني و رينو برده
غالباً مكنوش يعرفوا العربية كويس و مش فاهمين حاجة عشان المرور مكنش في القاهرة و اللوجان مكنتش منتشرة ساعتها في الأقاليم
و لما جيت أجدد تنتها لاجونا برده :)

بس أنت موضوعك مختلف شوية لأن الأوبترا معروفة كويس و ال tfr دي عربية نص نقل يعني حاجة مختلفة تماماً
بس بصراحة موضوع السرقة ده مش داخل دماغي قوي. لو واحد عايز يضرب الرخصة مش هيكتب موديل العربية غلط. كده يبقى بيقول أنا سارق العربية يا جماعة تعالوا امسكوني :)

أنا رأي تسأل صاحب العربية و تروح المرور و تشوف.
بس بصراحة كون أنه ماقلش لك عاى حاجة زي كده من نفسه حاجة مش كويسة اطلاقاً. لو مش مستريح نفسياً فكك من الموضوع.

[ahmed.zahra]

بص انا مريت بتجربة مشابهة ان الرخصة كان مكتوب فيها شيفروليه بس من غير تحديد النوع و اتحلت بشهادة بيانات من المرور و خلص الموضوع

[Mohamed Bander]

جرب تدخل على بوابة المرور على النت و فيه بتطلع بيانات العربية برقم الشاسية و الموتور،، غالبا غلطة فى الرخصة

[Mohamed Bander]

للاسف الموقع تحت الصيانة،، عليك و على المرور

[د.عماد صلاح]

لا كده في قلق ..الرخصه دي ريحتها مش تمام ...روح اكشف عليها اول