اعمل ايه بالظبط

[hussien010]

انا شاء الله انا حروح بكره للمكانيكي بتاعي علشان انا لسه شاري العربية انتو عرفين وطبعا حغير الحاجات اللي لازم تتغير اول ما الواحد يجيب العربية فا انا ناوي اغير ( سير الكاتينة / وفلتر الزيت /وفلتر البنزين /وحغير زيت )

انا عاوز اعرف اغير حاجات تانية ولا كده تمام يارجاله

[akmm]

شوف سيور التكييف والدينامو والباور لو فيها ..

[hussien010]

اوكشن حبص عليه برده الف شكر ياكبير

[ahmed_elshafey]

مش ميكانيكى و خلاص بقى, عفشجى كمان يشوف الكبالن, فرامل, مساعدين, لو محتاجة تربيط, لو فيها شغل ولا حاجة. و على السمكرى برضه يفحصها كويس عشان لو فى برومة مستخبية أو حاجة زى كده, عشان تسوق مستريح و متمزج برضه.
و ألف مبروك يا باشا تكون فتحة خير عليك ان شاء الله و تعيشلك.

[hussien010]

الله يبارك فيك ياحبيبي والف الف شكر علي النصايح دي وان شاء الله اعمل بيها

[mahmoud.69]

باشا انتا هتغير سير الكاتينة وبلية الكاتينة الثابتة والمتحركة
وهتغير سير المجموعه العربية دي اتنين سير فقط سير كاتينة وسير مجموعه
سير الكاتينة الاصلي من 250 الي 270 جي ام بلية الكاتينة المتحركة والثابتة عاملين 460 جنية
سير المجموعه عامل 120 الي 140
وهتغير فلتر زيت وفلتر بنزين وفلتر هواء وفلتر تكيف
وربنا يوفقق

[hussien010]

الف شكر يامحمود باشا تسلملي

[Ahmed.Essam]

زود على نصائح الزملا انك تغير زيت موتور وسجل انت غيرته على عداد كام كيلو وفي شهر كام عشان تعرف المعاد الجاي اللي هتغير فيه الزيت
وممكن زيت باور
وراجع على مياه الردياتير
وتيل الفرامل وتربيط العفشة

[gadoo30]

ما تنساش تبص على البوجيهات وسلك البوجيهات
واعرف العربية عاملة كام الف وزيت الفتيس اية اخبارة
والف الف مبروك

[hussien010]

الف شكر ياجماعة ربنا يخليكو ليا