الافيو بتشتكي من الظلم

[فادي السعيد]

السلام عليكم

طبعا من غير مقدمات فيه ناس لما بتسمع سيره الافيو بتتعصب مش عارف ليه

علي العموم انا كان معايا لانوس 2013 قولت ابيعها واشتري افيو لان عجبني شكلها

فسالت عليها وعملت بحث علي النت في مواقع فيه اعضاء قالو كويسه واعضاء قالو

عربيه زباله المهم

عملت معاهم مشاركات طويله واحد يقولي العفشه وحشه واحد تاني يقولي مش ثابته علي الطريق

واحد اخر يقول التكيف وحش قولتلهم انت جربت العربيه بنفسك يقولك لا بس هي مع واحد صاحبي وبيقول

كده =======ماشي

المهم توكلت علي الله واشتريت العربيه افيو 2014 اتوماتيك

ركبت العربيه بصراحه ناعمه وحلوه وعاليه عن الارض والتكيف جميل جدا

بالنسبه لثبات العربيه انا مشيت بيها علي سرعه 160 والحمدلله متحكم فيها

الاعضاء ال كانو معارضين في اول الامر قالولي مبروكككككك

والعربيه سعرها كام واشتريتها منين واخبارها ايه معاك ===========شي غريب

انا كتبت المشاركه دي علشان متظلموش الافيو اكثر من كدا

وكل عربيه ليها عيوبها ومميزاتها واشتري ال انت عايزه

واي سوال في العربيه تحت امركم

[MAHMOUD MOHAMD]

الف مليون مبروك وربنا يباركلك فيها

حضرتك قلتها صح اركب اللى انت عاوزه

[m7nsh]

الف مبروك ياباشا .. و اركب الحاجه اللى بتحبها ومقتنع بيها . وربنا يبارك لحضرتك فيها

وللعلم انا مش باحبها برده :)) بس باحب اللى يعمل اللى مقتنع بيه طالما مرتاح :)

سؤال بقا ..حضرتك جبتها على كام ؟؟

تقبل مرورى ..

[J A G U A R]

ربنا يباركلك فيها وكل واحد يركب اللى يعجبه

[kokowasfy]

قدر اللة مشاء فعل و اللة يعوضك على فلوسك الى اترمت زميلى فى الشغل اشترى اختها بس كانت موديل 2013 و بعها تانى اسبوع بعد ملقا عومان الاحساس بعدم الثبات و ضعف المتور و انا شخصيا سوقتها معجبتنيش خالص بس على العموم مبروك

[فادي السعيد]

الف مبروك ياباشا .. و اركب الحاجه اللى بتحبها ومقتنع بيها . وربنا يبارك لحضرتك فيها

وللعلم انا مش باحبها برده :)) بس باحب اللى يعمل اللى مقتنع بيه طالما مرتاح :)

سؤال بقا ..حضرتك جبتها على كام ؟؟

تقبل مرورى ..

الله يبارك فيك جبتها 101 الف اتوماتيك

[فادي السعيد]

قدر الله مشاء فعل و الله يعوضك على فلوسك الى اترمت زميلى فى الشغل اشترى اختها بس كانت موديل 2013 و بعها تانى اسبوع بعد ملقا عومان الاحساس بعدم الثبات و ضعف المتور و انا شخصيا سوقتها معجبتنيش خالص بس على العموم مبروك

الله يبارك فيك

بس كل الناس معاهم العربيه دي رمت فلوسها مثلي

العربيه ماليه الشارع المصري

[ahmad--ezzat]

العربيه مش وحشه انها هتقف منك وتنزل تزق

احنا بنتكلم ك عزم وثبات فيه اكتر من اختيار افضل من الافيو في الفئه السعريه دي

[د.ياسر]

الله يبارك فيك

بس كل الناس معاهم العربيه دي رمت فلوسها مثلي

العربيه ماليه الشارع المصري

الف مبرووووووووووووووووووك يا فادي بيه وربنا يرزقك خيرها و يكفيك شرها

كنت بس حابب اسالك هو حضرتك قبل ما تشتري اكيد كنت في حيره بين عبيتين تلاته ايه اللي حسم الجوله لصالح الافيو مع العلم انني لسه في مرحله الحيره دي

تحياتي

[gadoo30]

الف مبروك وربنا يديك خيرها ويكفيك شرها
عربية كويسة وزى ما انت قولت كل واحد يركب اللى يقتنع بية
وعموما مشكلة الثبات على السرعات العالية والعزم احنا مش جايبين العربية علشان نخش بيها سباق فورميلا وفين الطرق اللى تجرى فيها بامان فى مصر
الف مبروك العربية الجديدة وعقبال ما تجيب الالمانى

[abou-yahia]

عدم الموضوعيه وقله الرضا

سمه غالبه للشعب المصري الشقيق

ناتج عن ضعف الثقافه وفقر المعلومات وعدم الاجتهاد

الف الف مبروك

ورزقك الله خيرها وبعد عنك شرها

[diabianfigo]

alf mabrok ya kbeer w isA rbna ydeek 5erha w ykfeeek sharahaa.....esthlak l benzine m3ak a wel framell a5barha a ?

[drmagieed]

عدم الموضوعيه وقله الرضا

سمه غالبه للشعب المصري الشقيق

ناتج عن ضعف الثقافه وفقر المعلومات وعدم الاجتهاد

الف الف مبروك

ورزقك الله خيرها وبعد عنك شرها

أضف لكل ده سمعت إنها ... كانت مع واحد صاحبي ... أخويا جابها ...................... وإنت عارف الشعب المصري!!!

[El Prince]

مبروك يا باشا و ماتنساش التقرير بعد الصيانة

[eng_sherif_00]

الف مبروك على العربية وربنا يديك خيرها ويكفيك شرها والعربيه دى مظلومه جدا فى مصر انا معايا من الزيرو 2009 وممتازة جدا كورة مانيوال خليجى وكنت راكب قبلها كرولا 93 الملكة