الافيو بتشتكي من الظلم

[رامي مصطفى]

الف مليون مبروك والله انا بحترم جدا ايللي يجيب العربيه ايللي مرتاح فيه بعيدا عن كلام الناس اي حد علق على كلامك بالسلب هوا يعني هيركبها؟؟؟؟ لأ
خلاص يسيب ايللي هيركبها يختارها براحتو
بس وجهة نظري من حيث انها مظلومه هل هيا تسوى 101 الف اوتو
قصد حضرتك احنا ايللي مظلومين مع الالم دي
هيا عربيه جميله جدا لو زي ماكانت ب 82 الف الاوتو وساعتها بردوا هزود شويه وهجيب اللوجان
وبالنسبه لتغيير شكل العربيه حضرتك اعمل بحث على جوجل على افيو الهاتش باك 2009 وقولي رأيك فعلا هتكتشف ان البيه منصور بيشتغلنا والله
وده مش تقليل من شأن حضرتك والله دي شكوى لربنا من الحراميه دول لما يستعبطنا ويجيب فوانيس من 2009 ميحطها في عربيه 2014 ويغلي العربيه 10الاف ويقولك الشكل الجديد اومال لو حب يطور فعلا هيعمل فينا ايه

تقبل مروري

[hanafyx]

الف مبروك عالعربية ربنا يباركلك فيها
انا جبت زيها بس مانيوال بس حاسس انها استهلاكها للبنزيل عالي اوي
ايه راي حضرتك في الموضوع دا ؟؟؟؟

[3ateef]

قدر الله مشاء فعل و الله يعوضك على فلوسك الى اترمت زميلى فى الشغل اشترى اختها بس كانت موديل 2013 و بعها تانى اسبوع بعد ملقا عومان الاحساس بعدم الثبات و ضعف المتور و انا شخصيا سوقتها معجبتنيش خالص بس على العموم مبروك

انت بتباركله ولا بتكدره!

[mhmdabdo]

الرد في دقيقه واحده

https://www.youtube.com/watch?v=xHqNTjMuqj0

[ashouhdy]

الف مبروووك العربية جميلة وعالية وكانت مع صاحبي 3 سنين عمرها ما قالت لأ .. مش كل الناس اهتمامتها ياخوانا الحرق والشد والغرز ... العربية هادية وناعمة وواسعة للاستخدام العائلي الهادي.

[J A G U A R]

الرد في دقيقه واحده
https://www.youtube.com/watch?v=xhqntjmuqj0

هيا الاوبترا مش فى العيله ليه ..

[drmagieed]

بصراحة أنا بطلت أدخل المنتدي كتير لأني كرهت العربية من تعليقات إللي جربها وإللي مجربهاش ... علي الرغم إن عربية مشاكلها قليله ... قطع غيار رخيصة نسبيا ... إقتصادية في البنزين ... لكن لي عدة ملاحظات:
1- معظم الناس إللي بيذموا في العربية يقولك صاحبي عندة زميلي عندة أخويا عندة جاري عندة وقليل قوي من مالكي العربية بيشتكي... طيب الناس دي ما ببتكلمش عن نفسها ليه وبتوكل غيرها يتكلم.
2- أي متابع جيد للمنتدي هيلاقي المشاكل دائما في الفترة الحالية مركزة في الأوبترا يليها الكروز ... ولو عملنا تحليل بسيط لعدد شكاوي الأعضاء من العربيات الشيفرولية ممكن نلاقي نتائج مش متوقعة.
3- حتي إللي معندوش العربية وعنده عربية أقل منها ومليانه مشاكل بيذم في العربية.
4- الكل مركز علي الأفيو قوي ... يعني الكروز كانت نازله فيها مشكلة فتيس وش وهي زيرو ومحدش ذم في العربية.
علشان كدة الواحد كره العربية وحاسس كأنه راكب حاجة تانية ما يتقلش عليها عربية.

[Ahmed_Ta21]

بأمانة الله هي مع اخويا وشغالة زي الفل وثابته عند 120 وجبت بيها 140 ومقلتش لا (الدريسكيون خف شوية لكن كانت ثابته مش ضايعة يعني)
مفيش مشاكل والحمد الله مواجهناش اي مشكلة
التوكيل كان فيه عيب تصنيع في عمود الكامة واتغير في الضمان وكان مركز الخدمة محترم جدا جدا

الناس اللي بتتكلم علي سحبها سبحها في التاني والتالت مانيوال قوي جدا والعربية بتبقي حمولة كاملة وعلي سفر ومقصرتش في حاجه

العيب البسيط بس التكيف متواضع شوية ولكن بيبرد تبيريد مقبول جدا

نصيحة فيه اعضاء تسمع كلامهم تكره العربية اللي هتشتريها
انا دوخت في الاختيار بسبب استماعي لكثير من كلام الاعضاء الغير مسؤولين

[فادي السعيد]

بصراحة أنا بطلت أدخل المنتدي كتير لأني كرهت العربية من تعليقات إللي جربها وإللي مجربهاش ... علي الرغم إن عربية مشاكلها قليله ... قطع غيار رخيصة نسبيا ... إقتصادية في البنزين ... لكن لي عدة ملاحظات:
1- معظم الناس إللي بيذموا في العربية يقولك صاحبي عندة زميلي عندة أخويا عندة جاري عندة وقليل قوي من مالكي العربية بيشتكي... طيب الناس دي ما ببتكلمش عن نفسها ليه وبتوكل غيرها يتكلم.
2- أي متابع جيد للمنتدي هيلاقي المشاكل دائما في الفترة الحالية مركزة في الأوبترا يليها الكروز ... ولو عملنا تحليل بسيط لعدد شكاوي الأعضاء من العربيات الشيفرولية ممكن نلاقي نتائج مش متوقعة.
3- حتي إللي معندوش العربية وعنده عربية أقل منها ومليانه مشاكل بيذم في العربية.
4- الكل مركز علي الأفيو قوي ... يعني الكروز كانت نازله فيها مشكلة فتيس وش وهي زيرو ومحدش ذم في العربية.
علشان كدة الواحد كره العربية وحاسس كأنه راكب حاجة تانية ما يتقلش عليها عربية.

السلام عليكم

كلامك سليم ميه ميه

انا كانت العربيه عجباني شكلها قوي كل ما اشوف حد ركبها

دخلت اعمل بحث علي العربيه زهقت من كتر الكلام عليها

لدرجه ان حسيت والله ان التوكتوك احسن منها وبعد التفكير

توكلت علي الله واشتريتها 2014 اتوماتيك ركبت العربيه

لقيتها عربيه جميله والسحب كويس ومشيت بيها والله

العظيم علي 160 كيلو وشايف الثبات كويس غير ماكنت

متوقع والعربيه ناعمه و وسعه وعاليه عن الارض

وعامل بيها 7000كيلو وماشاء الله عليها

وعشان اكون منصف التكيف فعلا ضعيف شويه

بس مش وحش لدرجه انه سي

وانا محضر مفجاه لمالكي الافيو جميله جدااااااا

وانتظرو المفجاه قريبااااااااا

اخوكم مهندس فادي السعيد

مهندس الكترونيات

[فادي السعيد]

بصراحة أنا بطلت أدخل المنتدي كتير لأني كرهت العربية من تعليقات إللي جربها وإللي مجربهاش ... علي الرغم إن عربية مشاكلها قليله ... قطع غيار رخيصة نسبيا ... إقتصادية في البنزين ... لكن لي عدة ملاحظات:
1- معظم الناس إللي بيذموا في العربية يقولك صاحبي عندة زميلي عندة أخويا عندة جاري عندة وقليل قوي من مالكي العربية بيشتكي... طيب الناس دي ما ببتكلمش عن نفسها ليه وبتوكل غيرها يتكلم.
2- أي متابع جيد للمنتدي هيلاقي المشاكل دائما في الفترة الحالية مركزة في الأوبترا يليها الكروز ... ولو عملنا تحليل بسيط لعدد شكاوي الأعضاء من العربيات الشيفرولية ممكن نلاقي نتائج مش متوقعة.
3- حتي إللي معندوش العربية وعنده عربية أقل منها ومليانه مشاكل بيذم في العربية.
4- الكل مركز علي الأفيو قوي ... يعني الكروز كانت نازله فيها مشكلة فتيس وش وهي زيرو ومحدش ذم في العربية.
علشان كدة الواحد كره العربية وحاسس كأنه راكب حاجة تانية ما يتقلش عليها عربية.

السلام عليكم

كلامك سليم ميه ميه

انا كانت العربيه عجباني شكلها قوي كل ما اشوف حد ركبها

دخلت اعمل بحث علي العربيه زهقت من كتر الكلام عليها

لدرجه ان حسيت والله ان التوكتوك احسن منها وبعد التفكير

توكلت علي الله واشتريتها 2014 اتوماتيك ركبت العربيه

لقيتها عربيه جميله والسحب كويس ومشيت بيها والله

العظيم علي 160 كيلو وشايف الثبات كويس غير ماكنت

متوقع والعربيه ناعمه و وسعه وعاليه عن الارض

وعامل بيها 7000كيلو وماشاء الله عليها

وعشان اكون منصف التكيف فعلا ضعيف شويه

بس مش وحش لدرجه انه سي

وانا محضر مفجاه لمالكي الافيو جميله جدااااااا

وانتظرو المفجاه قريبااااااااا

اخوكم مهندس فادي السعيد

مهندس الكترونيات

[Y a r i s]

قريت مشاركات كتير
بس أحب أقول كلمتين ملاحظهم ... ليه الناس بتقلل من الأفيو ... والاستاذ الي بيقول الانوس احسن من الافيو ؟
طيب ماهو يا استاذي الافيو هو الشكل الجديددددددددد من الانوس ! والانوس اتلغت خلاص لانها موديل قديم ومع ذلك بتصنع في مصر كعربية محلية لكن في العالم خلاص ده شكل قددددديم .

+ بلاحظ كمان الناس فاكرة ان ١٠١ الف جنية. دي المفروض تركبك ليكزيس او مرسيدس. او عربية روزرورايس. وكتير قووي قووي على عربية افيووو ... لكن الانسان. الواعي والعقلاني والي شايف فعلاً الوضع الاقتصادي في البلد هيعرف إن هو ده توبها. وانا بتوقع انها هتغلى كمان وتوصل ل ١١٠ الف وبيني وبينكم تستاهل .

اما الي بيكلمني عن الثبات. بعد ال ١٢٠ .... طيب يا استاذي بالراحة كده ونفهم ونتكلم الافيو هيا عربية معمولة ومصممة كعربية بديلة للعربيات الغالية ... يعني الي عاوز يركب عربية بخامات اقل واعطال اقل ومش قادر على تمن. الياباني او الالماني فالعربيات الكوري بتوفر البديل فمجيش اقارن. عربية هوندا مثلاً او بورش او بي ام. دبليو بعربية افيو او هونداي. علشان اقلل من قيمة العربية عند صاحبها ... العربية الافيو هيا عربية. مدينة بامتيااااااااز ومريحة ولزيزة. اما تقلي سرعات وغرز هيا متعملتش للموضوع ده نهاااااااائي !

لكن ايه الميزة الي بتميز الافيو عن اللوجن مثلاً. ... الافيو حلوووة انك تطحنها شغل هتستحمل معاك بسم الله مشاء الله بهدلة ومرمطة. وادينا. شايفين الشكل القديم من الافيو شغال من سنة ٩٩ لغايت دلوقتي وتكسة كمان ومشتكاش ولا قلش أي. ... الدايو لانوس هيا هيا الافيو. لكن دي الموديل القديم والافيو الموديل الجديدة .

فبصراحة ربنا يبارك لصاحبهااااا ... والله العظيم ابن عمي الصغير في كلية طب القصر العيني. قلتلوا يا ابني يا حبيبي هااات افيووو قالي لا عاوز. عربية كبيرررررررة. فراح من ورايا جاب الام جراند الصيني واهي مكملتش معاه ٦ تشهر جي اسوقها انا. اول مركبتها حسيت انها عربية من سنة سته وتمنين وتحس انها اتعملها عمرة مرتين. قبل كده مع انها لسه جديدة بس فيصت بدري بدري .

لكن الافيو. والشهادة لله هيا عربية ممتاز ... لكن إيرف او قريف ... بمعنى ممكن تيجي مع واحد وتكون عربية ١٠/١٠ وممكن واحد يشتريها. يلاقي فيها عيب صناعه يكرهو في الافيو وخلاص نفسوا تقوم. منها .

اما الي يقلي اصل العربية مع واحد صاحبي. او العربية. مع جوز ام. اخت خالتي ههههه. ... طيب ما انا خالي اهو تعاله قوله ايه رأيك في العربية المرسيدس الي معاك هيقولك زبالة طبعاً وعربية زي الززززززفت وخدت مقلب كبير. فيها. وثبات مفيش والعربية ماشية تسقف وتكركر كمان وبتشخر بالليل وهيا نايمة :) ااااااه طبعاً يعني انتا متصور. اقولك في عربيتي شعر واخليك تحسدني عليها. :) .... يا أخي ده بعدك ههههههه. الله يمسيك بالخير يا خاااااااال طول عمروا دموا شربات . .

لكن الشاهد من الامر ان ناس كتيرر كده بيخافوا من العين ومن الحسد فيقلولك على عربياتهم وحشة ويخزوا العين . لكن الوحش بالنسبه لي فهو حلو بالنسبه لك والعكس صحيح ... وتحياتي

[M R. Z E C O]

الف مبروك بس مبنفعش حتى ذوقيا واحد يدخل يقولك بعد مشتريتها دي عربية معفنة مثلا وانته دافع فيها دم قلبك

[diabianfigo]

العربيه مش وحشه انها هتقف منك وتنزل تزق

احنا بنتكلم ك عزم وثبات فيه اكتر من اختيار افضل من الافيو في الفئه السعريه دي

zayy a ya pasha ?

[midopharmacy]

والله الافيو سيئة ياجماعة

الافيو سيئة سيئة سيئة.................فرامل وعفشة وتكييف وموتور ...............اللى يجيبها هو اللى خسرااااااااااااااااااااااان والله..............

[د.عماد صلاح]

الافيو قعدت معي 4 سنين الا شهور بسيطه ....طبعا ليها عيوب خاصه السحب و التكييف لكن في المقابل طول الفتره دي المشكله الوحيده اللي قابلتني فيها هي حساس الكامه وغيرته بر200 جنيه و بره التوكيل كمان ...عربيه موفره اعتماديه مش عايزه جري