شيفروليه كروز 2014 ... أفضل سياره فى مصر ... مواصفات وأسعار

[Hosam_Optrawy]

السلام عليكم

أخيرا منصور أعلن عن كروز 2014 واللى يعتبر إتأخر كتير جدا في نزولها نظرا لان بعض الشركات الأخرى بتنزل حاليا موديل 2015 خلاص , لكن اللى يعوض دا هو المفاجأه الغير متوقعه في السعر والمواصفات

كروز 2014 متوفره بفئه واحده هاى لاين وسعرها 150 الف , موجوده في بعض المعارض لكن في التوكيل أعتقد بالحجز

أهم ما يميزها مواصفات الأمان Immobilizer ABS 2 AirBags بالإضافه للمفاجأه الكبيره ESP

ودى صور لتأكيد المعلومه ( شكر خاص لأبو يحيى منسق قسم شيفروليه )







وبالنسبه لباقى المواصفات , جنوط سبور 16 وباركنج سنسور وسى دى بشاشه تاتش و USB و بلوتوث وتحكم في السى دى من الطاره







المواصفات كامله من موقع شيفروليه مصر

أبعاد السيارة كروز 2014 - سيارات شيفروليه في مصر

وللى مايعرفش الكروز من 2013 تعتبر توأم الأوبل أسترا لأنها بقت بتنزل بنفس الموتور بتاعها 115 حصان والفتيس الأوتو 6 سرعات ومبنيه على نفس الشاسيه

بالتوفيق للجميع

[J A G U A R]

والله سعرها مميز جدا مقابل الاوبشن وخصوصا ال esp اللى مش موجود فى عربيات سعرها معدى ال 170 الف

[K.Ossama]

صفقة رابحة

[محمود حسن]

جزاك الله خير
بس في حاجة لفتت نظري مش المفروض يبقى في زرار تاني مكتوب عليه esp ؟
لأني اعتقد ان ده زرار الtrc ،يعني ع كدة ميتفعش اطفي الesp؟
ولا الاثنين بيطفوا مع بعض؟

[abou-yahia]

جزاك الله خير
بس في حاجة لفتت نظري مش المفروض يبقى في زرار تاني مكتوب عليه esp ؟
لأني اعتقد ان ده زرار الtrc ،يعني ع كدة ميتفعش اطفي الesp؟
ولا الاثنين بيطفوا مع بعض؟

Trc مبينطفيش
شغال علي طول

[Ahmed TRAVCO]

عربية محترمة جدا وهي الوحيدة تقريبا في الكوري كله اللي ليها معزة خاصة عندي... حتى لو مكنتش نزلت بالـesp

[mac os]

مشكله الفتيس الى الناس فى الموديلات السابقه اتحلت مع الفتيس ده ؟

[M.Elwan]

تقرير رائع وكل الاحترام للتوكيل
150 الف وهاى لاين وكمان esp كده كتير بصراحة

[eng wael]

تسلم على التقرير
بس ياترى الشكل اتغير ولا نفسه

[Hosam_Optrawy]

جزاك الله خير
بس في حاجة لفتت نظري مش المفروض يبقى في زرار تاني مكتوب عليه esp ؟
لأني اعتقد ان ده زرار الtrc ،يعني ع كدة ميتفعش اطفي الesp؟
ولا الاثنين بيطفوا مع بعض؟

حسب اللى أعرفه واللى قريته في المانيوال بتاع النسخه الأمريكي

الزرار الموجود جنب الفتيس خاص بالإتنين , ال Traction Control , وال ESP اللى شيفروليه بتسميه StabiliTrak® System

التراكشن بيتقفل بالضغط على الزرار وهاتلاقى العلامه بتاعته ظهرت



ال ESP بيتقفل بالضغط على الزرار لكن تفضل دايس عليه لحد ما تظهر العلامتين

[Hosam_Optrawy]

مشكله الفتيس الى الناس فى الموديلات السابقه اتحلت مع الفتيس ده ؟

حسب علمى ايوه

تسلم على التقرير
بس ياترى الشكل اتغير ولا نفسه

نفس شكل 2013

[K.Ossama]

حسب اللى أعرفه واللى قريته في المانيوال بتاع النسخه الأمريكي

الزرار الموجود جنب الفتيس خاص بالإتنين , ال Traction Control , وال ESP اللى شيفروليه بتسميه StabiliTrak® System

التراكشن بيتقفل بالضغط على الزرار وهاتلاقى العلامه بتاعته ظهرت



ال ESP بيتقفل بالضغط على الزرار لكن تفضل دايس عليه لحد ما تظهر العلامتين

بالضبط كده

[Mostafa Hessen]

تسلم على التقرير

[ahmzd]

طيب هل ارتفاعها عن الأرض كبير علشان المطبات؟!
وهل استهلاك البنزين معقول علشان التوفير؟!
يعني م الآخر: هل هي فعلا صفقة رابحة وتستحق؟

[محمود حسن]

حسب اللى أعرفه واللى قريته في المانيوال بتاع النسخه الأمريكي

الزرار الموجود جنب الفتيس خاص بالإتنين , ال traction control , وال esp اللى شيفروليه بتسميه stabilitrak® system

التراكشن بيتقفل بالضغط على الزرار وهاتلاقى العلامه بتاعته ظهرت



ال esp بيتقفل بالضغط على الزرار لكن تفضل دايس عليه لحد ما تظهر العلامتين

متشكر جدا يا فندم
طب سؤال أخير هي فيها فتحة سقف؟
أصلي مش عارف اجيب البروشور بتاعها من النت