استهلاك البنزين فى الاوبترا

[zahran555]

يا جماعه انا معايا اوبترا 2006 لسه شاريها مستعمله العربيه بحاله ممتازه هى اوتوماتك المهم ان اول ما جبت العربيه غيرت جميع الفلاتر والزيوت والبوجيهات ومياه الريداتير العربيه كل حاجه فيها تمام والسحب زى الفل المشكله الوحيده هى سحب البنزين عندى رغم ان ما فيش اى دخنه سوده او اى حاجه المهم فولت العربيه اول ما جبتها وانا راجع وتانى يوم روحت للميكانيكى غيرلى كل الفلاتر والزيوت العربيه مشيت يا دوب 150 كيلو اكلت حوالى 45 لتر بنزين انا بفول 92 المهم روحت للكهربائى قولت اخليه يطمن على العربيه المهم هو ما عندوش جهاز يكشف بيه بس قالى انا شيكتلك على كل الحساسات كلها تمام بس كان فى حساس البوابه معلق نظفتو وتمام رغم ان ما كانش فى لمبات منوره عندى ولا حاجه المهم بعدها فولت العربيه من بنزينه تانى للزو ومشيت بيها حوالى 160 كيلو وروحت فولت لقيتها اخدت 32 لتر بنزين بردو اكل البنزين عالى جدا معظم المشى طرق داخليه واوقات المدينه بس بردو مهما كان اكل البنزين عالى المهم الميكانيكى قالى نغير حساس الشكمان بس العربيه معايا لا فيها اى نوع دخنه والماتور بيجيب ميا من الشكمان كمان المهم روحت كشفت كمبيوتر الراجل قالى العربيه تمام ومفيش فيها اى حاجه بجد انا مش عارف الحل ايه اغير حساس الشكمان ولا اعرف العيب منين ازاى او ايه الحل محتاج ردكم بجد لان الموضوع ده مضايقنى جدا من العربيه ولو بالطريقه دى تبقى مشكله كبيره رغم ان الماتور نفس ماتور النوبيرا والنوبيرا مع اصحابى اكلها افضل من كده بكتير انا عارف ان الاوتوماتك بتاكل بنزين اكتر بس مش بالفرق ده الفرق بيبقى لتر ولا 2 حتى المهم محتاج ردكم وايه اللى اعملو بالظبط التكيف مش بيشتغل الا نادرا يعنى من غير تكيف يعتبر خالص

[zahran555]

هو مافيش حد موجود ولا ايه

[hussien010]

هي الاوبترا كده ياباشا علشان كده جبت منوال اهي ارحم شويه متقلقش وكبر دماغك بس حاول تمشي بقا علي الهادي ومتقرص علشان متكلش بنزين كتير

[د.عماد صلاح]

لا طبعا الاستهلاك ده كبير جدا .......الطبيعي من 180 ابي 220 في الصفيحه

[zahran555]

لا طبعا استحاله يكون طبيعى وان الاوبترا كده والا تبقى عربيه زباله لو هى طبيعتها كده وبعدين انا سواقتى هاديه جدا بس فعلا المفروض الطبيعى 20 لتر او 22 لتر تاكلهم من 180 الى 200 كيلو ودا بالنسبالى يبقى كويس جدا وبعدين ماتور الاوبترا انا شايفو نفس ماتور النوبيرا والنوبيرا مع اصحابى وسحبها عادى جدا حتى الاوتو ماتك سحبها طبيعى جدا

[hany2000]

شوف يا باشا هو في المجمل اي عربيه 1600cc بيبقى استهلاكها
من 8 - 10 كم/ليتر
اكتر من كده يبقى فيه حاجه غلط
حاول تشيك على حساسات الاكسجين
هما اتنين واحد في وش الموتور و التاني في الشكمان من تحت
حاول تفكهم و تنضف الكربون اللي عليهم و تنضف الفيش بتاعتهم و جرب شوف العربيه اتحسنت ولا لسه
او شوف كهربائي كويس خليه يقيس الفولت بتاعهم ممكن تكون محتاج تغير واحد فيهم او الاتنين

تحياتي

[zahran555]

انا جربت اللى فى وش الماتور وفكيتو ونضفتو لقيتو كويس وعملت عليه التجربه بتاع الفولت والتسخين ولقيتو بيقيس نفس القياس اللى ظاهر فى التجربه وكان قياسو 800 ملى فولت dc اما التانى دا ما اعرفش مكانو ومش عارف عندى واحد تانى ولا لا على العموم ياريت تقولى اشوفو مكانو فين وانا اجربو بردو والمهم فيهم الاتنين ولا اللى فى وش الماتور وهل طريقه قياس اللى فى الشكمان نفس اللى فى وش ا لماتور وشكرا وياريت تتابعو معايا لما اخلص من المشكله دى احسن شغل النايعيه مش هيخلص وكل اللى عليهم هات وغير ونجرب واخرم ا يزهق يقولك اكشف كمبيوتر بتاع الكمبيوتر معظمهم عندهم الجهاز يجرب حساسات وخلاص لا بيكشف على رشاشات ولا بقيه الحاجات ولا العادم ويقولك كلو تمام وخلاص وبعدين ما عنديش اى دخنه فى العربيه من اى نوع دا اللى مخلينى مش عارف احدد المشكله وواحد قالى غير الرشاشات وهتتحل المشكله طيب ماهو ما عنديش دخنه ولا اى حاجه اعرف منين ان الرشاشات سليمه او مش مظبوطه

[ahmedelrayan]

انا من رأيى تروح التوكيل وتشوف هيقولوا ايه لو اقتنعت بكلامهم شوف التكلفة هتبقى كام كانت كويسة خليهم يعملوها كانت غالية خد العربية واعملها برة

[failasouf]

يا جماعه انا معايا اوبترا 2006 لسه شاريها مستعمله العربيه بحاله ممتازه هى اوتوماتك المهم ان اول ما جبت العربيه غيرت جميع الفلاتر والزيوت والبوجيهات ومياه الريداتير العربيه كل حاجه فيها تمام والسحب زى الفل المشكله الوحيده هى سحب البنزين عندى رغم ان ما فيش اى دخنه سوده او اى حاجه المهم فولت العربيه اول ما جبتها وانا راجع وتانى يوم روحت للميكانيكى غيرلى كل الفلاتر والزيوت العربيه مشيت يا دوب 150 كيلو اكلت حوالى 45 لتر بنزين انا بفول 92 المهم روحت للكهربائى قولت اخليه يطمن على العربيه المهم هو ما عندوش جهاز يكشف بيه بس قالى انا شيكتلك على كل الحساسات كلها تمام بس كان فى حساس البوابه معلق نظفتو وتمام رغم ان ما كانش فى لمبات منوره عندى ولا حاجه المهم بعدها فولت العربيه من بنزينه تانى للزو ومشيت بيها حوالى 160 كيلو وروحت فولت لقيتها اخدت 32 لتر بنزين بردو اكل البنزين عالى جدا معظم المشى طرق داخليه واوقات المدينه بس بردو مهما كان اكل البنزين عالى المهم الميكانيكى قالى نغير حساس الشكمان بس العربيه معايا لا فيها اى نوع دخنه والماتور بيجيب ميا من الشكمان كمان المهم روحت كشفت كمبيوتر الراجل قالى العربيه تمام ومفيش فيها اى حاجه بجد انا مش عارف الحل ايه اغير حساس الشكمان ولا اعرف العيب منين ازاى او ايه الحل محتاج ردكم بجد لان الموضوع ده مضايقنى جدا من العربيه ولو بالطريقه دى تبقى مشكله كبيره رغم ان الماتور نفس ماتور النوبيرا والنوبيرا مع اصحابى اكلها افضل من كده بكتير انا عارف ان الاوتوماتك بتاكل بنزين اكتر بس مش بالفرق ده الفرق بيبقى لتر ولا 2 حتى المهم محتاج ردكم وايه اللى اعملو بالظبط التكيف مش بيشتغل الا نادرا يعنى من غير تكيف يعتبر خالص

وصلت لحاجة يا استاذ زهران
انا عندى نفس المشكلة تقريبا

[mohamedmody]

يارت اللى يوصل لحاجه يقولنا انا عندى نفس المشكله استهلاك عالى جدااااا غير مبرر

[zahran555]

بصراحه انا ما عملتش حاجه لانى ما لقتش فى العربيه اى حاجه ولكن بصراحه الاستهلاك ده كلو فى داخل البلد ولكن انا من كام يوم سافرت اسكندريه فولت العربيه للزور وصفرت العداد ووصلت للمكان الى انا رايحو هو جنبو بنزيمه على طول لقيت العداد عامل 205 كيلو فولت التنك تانى للزور اخد 16 لتر بس اما داخليا سحبها عالى بصراحه بس اعتقد ال 1600 سحبو كلو فى الحدود دى

[BraveHeart_13]

يا ريت لو حد عنده تجربة فى الموضوع ده يفيدنا فيه لأنى أنا كمان معايا أوبترا أوتوماتيك وبعانى من نفس المشكلة .. العربية بتعمل 130 كم/20 لتر (مختلط: طرق سريعة وزحام المدينة)

[Mecha]

لو الموبينه تمام
دي مشكله رشاشات وللاسف التنظيف لا يعتمد عليه
التغيير احسن ودي ضريبة استعمال بنزين وسخ , المشكله المفروض تيجي حوالين 180,000 كم من عمر العربيه

[zahran555]

على فكره نسيت انا غيرت الرشاشات وهو هو نفس الاستهلاك بصراحه العربيه الاوبترا دى زى الفل بس هى مشكلتها البنزين فى الداخل وبصراحه ما جربتش اى 1600 تانى داخل البلد لكن مع ناس اصحابى بحس ان استهلاكها داخلى بالنسبه لاى 1600 متشابه وبالذات احنا فى ارياف لكن الرشاشات مش هتغير حاجه

[abou-yahia]

بتستخدم زيت لزوجته ايه