مش عارفة أرفع صورة

[mona_881]

كل ما ادخل علي ارفاق المفات واختار ( رفع ملف من جهازك) واختار الصورة يقولي (عملية تحميل الملفات قيد التنفيذ - يرجى الإنتظار) وبعدين في الاخر (جارى عمل صيانة ... برجاء عمل اعادة تحميل للصفحة)
كزا مرة علي كده ومش عارفة فيه ايه أرجو الافادة

[shiko85]

حضرتك تقصدى رفع الصور من على نايل موتورز ؟؟
لو فيه مشكله ممكن تجربى ترفعى الصور على اى موقع تانى مؤقتا
Postimage.org - free image hosting / image upload

[ahmedamgad18]

انا فعلا حصل معايا الموضوع ده كذا مرة من على الموقع هنا .... ياترى ايه السبب والحل ايه؟؟

[mona_881]

حضرتك تقصدى رفع الصور من على نايل موتورز ؟؟
لو فيه مشكله ممكن تجربى ترفعى الصور على اى موقع تانى مؤقتا
postimage.org - free image hosting / image upload

أيوه من نايل موتورز تقريبا فيه مشكله
عموما شكرا لحضرتك وهاجرب اللينك اللي حضرتك كاتبه

[mona_881]

ايه رأيكم في الشكل الجديد ده انا قولت أعمل منظر جديد في العربية عاوزه رأيكم بدون مجاملة

[shiko85]

[mona_881]

علي فكرة علي الطبيعة أحلي من كده بكتييير

[shiko85]

حلوه مش وحشه
بس اللى عاجبنى فعلا ان حضرتك عملتى حاجه بنفسك
تقريبا حضرتك اول واحده تعمل حاجه كده

[mona_881]

حلوه مش وحشه
بس اللى عاجبنى فعلا ان حضرتك عملتى حاجه بنفسك
تقريبا حضرتك اول واحده تعمل حاجه كده

دي بسيطة جدا دبل فيس وقصيته علي قدها وخلاص بس عملت منظر حلو في الدريكسيون
عموما شكرا لتشجيعك

[shiko85]

دي بسيطة جدا دبل فيس وقصيته علي قدها وخلاص بس عملت منظر حلو في الدريكسيون
عموما شكرا لتشجيعك

اوقات كتير بتكون الفكره بسيطه و التنفيذ سهل بس مش بتتعمل

[J A G U A R]

الصراحه مش لايقه على الاوبترا والعلامه شكلها صينى ولونها اصفر فاقع زياده عن اللازم زى العربيات الدبابه .. الاصلى طبعا حاجه تانيه

بس الشاشه اللى راكبه دى ايه نظامها وعامله كام اصل عاوز اركب واحده .. ؟

[mona_881]

الصراحه مش لايقه على الاوبترا ليه بس عموما دي أذواق
والعلامه شكلها صينى والله نيكل مش بلاستيك وتقيله جدا ويمكن شكلها أقيم من اللي بتتحط علي الشنطة من ورا دي أصلا كانت مديلية مفاتيح وغالية والله
ولونها اصفر فاقع زياده عن اللازم دا بس من الفلاش بتاع الموبايل
زى العربيات الدبابه .. الاصلى طبعا حاجه تانيه مهو أصلا مفيش علامة بتتباع للدريكسيون دي من تأليفي حضرتك

بس الشاشه اللى راكبه دى ايه نظامها وعامله كام اصل عاوز اركب واحده .. ؟

أشكرك علي صراحتك

[J A G U A R]

انا عارف ان مفيش منها اصلا علامه للاوبترا انا اقصد اللى فى دريكسيون الكروز .. شوفى بقا الفرق حضرتك



بس انا بحييكى الصراحه على التجربه لدرجه انها طلعت فى دماغى اعملها عندى ههههههه

[hussien010]

شكلها والله لذيذ ..... بس كنت عاوز استفسر عن الدي في دي اللي عندك نوعها ايه وبكام علشان عاوز اجيب واحد ومحتار جدااااا

[mona_881]

شكلها والله لذيذ ..... بس كنت عاوز استفسر عن الدي في دي اللي عندك نوعها ايه وبكام علشان عاوز اجيب واحد ومحتار جدااااا

اسمه سيتي سوند 9000 صيني طبعا بس محترم الصراحة فلاشة واي يو اكس وميموري كارد وتي في بس زي قلته ومفيش جي بي اس لأن ملوش لازمة بالنسبة لي وبيظهر علامة الشيفرولية عند التشغيل وبلوتوث برد عالموبايل منه وعلي فكرة جبت استيكر مدور صغير كده ولزقته علي كلمة سيتي سوند قال يعني كده مبقاش صيني ههههه
كان ب 1500 من محل اسمه موسي في شارع دمشق واللي فيه ج بي اس زيادة 200 جنيه تقريبا يعني