عومان الاوبترا !!!!!

[genius3060]

انا باعاني من عومان الاوبترا برغم اني عملت الاتي :
1- غيرت الـ 4 فرد كاوتش جديد
2- فحص شامل و تربيط العفشة
3- ترصيص و ظبط زوايا
4- فحص و تربيط قاعدة الموتور و الفتيس
5- ظبط هوا الكاوتش مرة على 30 و مرة تانية على 35

وبعد كل ده الاقي الهوا بيودي العربية يمين و شمال و ماشي بالعافية على 120 كم و فيرنا معدية عليا و ثابته
اعمل ايه تاني ؟؟

بس انا لاحظت ان الكبوت مش ثابت و بيتهز بشده مع الهوا برغم اني نزلت و اتأكدت انه مقفول كويس

[د.عماد صلاح]

الاوبترا معايا وهي ثابته و كمان ممكن المناوره بيها بسهوله حتي 140 كيلو
الكبوت فعلا بيتهز بعد 140 كيلو
انا وصلت بيها ل 180 علي السخنه بس في خط مستقيم و كانت تمام

هو حضرتك كنت راكب ايه قبلها

[amrelsaqqa]

الاوبترا مع اخويا بركبها بحس بنفس الاحساس بس عربية قديمة 2006
انا كنت هدخل اقولك اعمل كل الحاجات اللى انت عملتها دى !
مش عارف بصراحة
انت عملت ايه بالظبط في العفشة ؟ ممكن محتاج تغيير جلب او اتياش او بيض او حتى مساعدين يعنى مش بس التربيط يحللك المشكلة انت عايز عفشجى بيفهم يركب العربية يعرف فيها ايه وبتاع الزوايا المفروض برضه واحد بيفهم وله نظرة ولو في حاجة في العفشة يقوللك عليها

[J A G U A R]

لو الهوا جامد بيخلى اى عربيه تعوم
ولو الهوا عادى يبقى حاجه غريبه الصراحه

[a7medsh3rawi]

ثبات العربيه بيتحكم فيه نقشة الكاوتش وقوة المساعدين
شيك على الاربع جوانب يعنى كل مساعد وشوف هل عامل الارتداد بتاعه سهل يعنى بينزل ويطلع بسرعه (يبقى محتاج يتغير بمساعد رياضى)
ولا فى مقاومه وبينزل تقيل وبيطلع بسرعه يبقى كدا مظبوط
وهتكون مشكلتك بس نقشة الكاوتش ويكون سرعته (h) يعنى يتحمل لسرعه 210 كم/س ودا المناسب لشوارعنا
وفى عامل تالت وهو البوش فى الطاره يعنى لما تحرك الطاره يمين وشمال فى فراغ كدا بيخلى العربيه مع السرعه تلاقى التوجيه بتاعها مش مظبوط وبيكون التعويم بسببها

[ahmad--ezzat]

عرض الكاوتش هتحس بفزق رهيب

[Elkordy2000]

بالنسبه لحركة الكبوت مع الهواء .... افتح الكبوت هتلاقي علي جانبي الحوض من الامام زي مساند للكبوت عباره عن كاوتشه شبه الصوباع . لفه هتلاقيه بيطلع وينزل واظبط الطرفين بحيث ان الكبوت يكون محمل عليهم لما ينزل ومش هتلاقي بعد كده هزه في غطاء الكبوت