أول 1000 مع الكروز

[skoda1996]

بعد رحلة بحث طويلة و حيرة بين اختيارات كتير ...ركبت كروز و اقتنعت بيها و معايا دلوقتي بقالها 1000 كيلو
عارف طبعا ان دي فترة قليله عشان اقيم العربية ... بس هنقول تقييم مبدئي يعني

الشكل الخارجي
ماشاء الله العربية شكلها فخم و جميل "عارف انها ازواق طبعا" و معايا اللون الابيض و عاجبني اكتر لانه نادر فيها و مش منتشر

الاداء
قريت هنا ان سحبها بطئ و بتاع بس انا شايف انها بتشد كويس و بتجري جدا و قليل لما تحس بسرعتك الا لو بصيت ع العداد هتتفاجئ بنفسك و طبعا الرادارات اشتغلت تاني

الارتفاع عن الارض كويس برده و خصوصا ان كان معايا رينو اسكالا كانت بتحك في الطوب اللي ع الارض

الداخل
التابلوه عملي و شيك و وضعيه السواقه مريحه
الكنبة اللي ورا اتقال انها ضيقه ... برده في رأيي انها معقولة .. مش واسعه جدا و مش ضيقه نهائيا
و الكرسي بيعلي و يوطي عشان تظبط رجلك زي ما بتحب ... انا معليه علي الاخر
الدريكسيون تليسكوب و ده برده بيريح لو عايز ترجع الكرسي لورا ع الاخر هتشد الدريكسيون عليك


عيوبها لحد دلوقتي معايا
مفيهاش USB و مكان التخزين اللي في الباب صغير و الموبايل بيقع منه ....هههههه بسيطه طبعا بس كنت متعود علي غير كده في عربيتي القديمه

خايف من حاجتين و ياريت اللي معاهم العربية يطمنوني
استهلاك البنزين ""لان العربية تقيلة و خايف يكون ده هيسحب لتر او اتنين زياده عن المتوسط بتاع 1600""
السخونية في الحر الجامد ده " لان دورة التبريد اوربي و اعذروني لان الاسكودا كانت مكفرة سيئاتي بسبب الموضوع ده "

في المجمل
أول 1000 كانوا ممتعين و يارب العربية تكمل علي كده
بااااااااااركولي

[Mr.Lawyer]

الف مبروك ع السياره الجديده والكروز اختيار جيد فانا شخصياً افضلها عن سيارات كثيره ف فئتها

وربنا يديك خيرها ويكفيك شرها

[skoda1996]

شكراااا

[yasser100]

مبروك و اهم حاجه الرضا عن اى اختيار بيتم و تستمتع بها انشاء الله و تدوبها و تجيب غيرها
للاسف دورة تبريد الموتور دورة تبريد مغلقه زيها زى كل الاوروبى و ربنا يسترها

[skoda1996]

ربنا يستر .... و خصوصا مع جو الخليج اللي بدأ بدري السنة دي

[Eng_Moh.Dewair]

مبروك عليك يا باشا و عقبال المليون كم :)))))
فعلا العربيه سحبها جميل جدا و مش تقيله و لا حاجه . و الموتور و الفتيس الجديد ما شاء الله عليهم ادائهم رائع جدا .
بالنسبه لل usb فانا جيبت كابل aux من راديوشاك و بوصله للموبايل و صوته نقى جدا الحمد لله . و انصحك تركب شاشه بكاميرا زى اللى دكتور شهدى مركبها علشان ضهر العربيه عالى و هتحتاج الكاميرا و انت بتركن و كمان الشاشه بيكون فيها usb و بكده تكون ضربت عصفورين بحجر واحد :))))
استمتع بالعربيه يا باشا و متقلقش من ناحيه السخونيه دى خالص انا مش عارف ايه تجربتك مع الاسكودا بس من اسمك استنتجت انها فيليشيا او فيفوريت و دول عربيات تصميم قديم و كانوا بيسخنوا فعلا . لكن الاسكودا الجديد من اول ال a4 مثلا مفيش مشاكل السخونيه دى خالص و اهى ماليه البلد و محدش اشتكى و غير الاسكودا عربيات اوروبى كتير مفيش مشاكل السخونيه دى فى التصميمات الجديده من اوائل الالفينات .
استهلاك البنزين انا جايب العربيه و مهيئ نفسى انها ممكن تكون بتستهلك بنزين زياده شويه و مفيش حاجه كامله .لكن انا لسه بدرى على ما احكم على نقطه استهلاك البنزين دى .
جرب التكييف بقى و قولى ايه رايك :)

[mahmoud_ali]

الف مبروك يا باشا وربنا يديك خيرها ويكفيك شرها

[Hosam_Optrawy]

الف مبروك

[skoda1996]

مبروك عليك يا باشا و عقبال المليون كم :)))))
فعلا العربيه سحبها جميل جدا و مش تقيله و لا حاجه . و الموتور و الفتيس الجديد ما شاء الله عليهم ادائهم رائع جدا .
بالنسبه لل usb فانا جيبت كابل aux من راديوشاك و بوصله للموبايل و صوته نقى جدا الحمد لله . و انصحك تركب شاشه بكاميرا زى اللى دكتور شهدى مركبها علشان ضهر العربيه عالى و هتحتاج الكاميرا و انت بتركن و كمان الشاشه بيكون فيها usb و بكده تكون ضربت عصفورين بحجر واحد :))))
استمتع بالعربيه يا باشا و متقلقش من ناحيه السخونيه دى خالص انا مش عارف ايه تجربتك مع الاسكودا بس من اسمك استنتجت انها فيليشيا او فيفوريت و دول عربيات تصميم قديم و كانوا بيسخنوا فعلا . لكن الاسكودا الجديد من اول ال a4 مثلا مفيش مشاكل السخونيه دى خالص و اهى ماليه البلد و محدش اشتكى و غير الاسكودا عربيات اوروبى كتير مفيش مشاكل السخونيه دى فى التصميمات الجديده من اوائل الالفينات .
استهلاك البنزين انا جايب العربيه و مهيئ نفسى انها ممكن تكون بتستهلك بنزين زياده شويه و مفيش حاجه كامله .لكن انا لسه بدرى على ما احكم على نقطه استهلاك البنزين دى .
جرب التكييف بقى و قولى ايه رايك :)

شكرا و هشوف موضوع الشاشة ده عشان اعمل زييها ... انت خلتني احب العربية اكتر و الله
و عربيتي فعلا كانت فيليشيا .... كانت بتسخن في عز الشتا عقدتني في حياتي

[skoda1996]

الله يبارك فيكو

[mohamedadel86]

الف مبروك
ربنا يديك خيرها ويكفيك شرها وشر العين

[Eng_Moh.Dewair]

شكرا و هشوف موضوع الشاشة ده عشان اعمل زييها ... انت خلتني احب العربية اكتر و الله
و عربيتي فعلا كانت فيليشيا .... كانت بتسخن في عز الشتا عقدتني في حياتي

فعﻻ الكاميرا مفيده جدا و هتساعدك تحافظ على العربيه و انا ان شاء الله ناوى اركبها بعد الترخيص .
يا باشا العربيه تتحب و تستاهل كل قرش اندفع فيها عربيه المانى بتقفيل كورى و بتنزل فى العالم كله تحت اسم شيفروليه اللى مش قليل خالص . الفيلشيا عربيه قديمه و مستحيل الموتور اللى متصمم باﻻشتراك بين اوبل المانيا و جي ام كوريا تحت اشراف جنرال موتورز العالميه و صارفين مبالغ طائله على ابحاث و تصاميم على العربيه دى بالذات يكون فى اﻻخر بيسخن زى موتور الفليشيا اللى اسكودا كانت مصمماه لوحدها بعيد عن فولكس فاجن :)))

Sent from my SM-N9005 using Forum Runner

[J A G U A R]

الف مبرووك
الكروز اختيار ممتاز

[mido]

مبروك و اهم حاجه الرضا عن اى اختيار بيتم و تستمتع بها انشاء الله و تدوبها و تجيب غيرها
للاسف دورة تبريد الموتور دورة تبريد مغلقه زيها زى كل الاوروبى و ربنا يسترها

يعني ايه دورة مغلقة ؟

[yasser100]

يعني ايه دورة مغلقة ؟

دوره مغلقه على حد معلوماتى انه ما فيش فيها فايص زى اللى فى الكورى و بالتالى مع السخونه العاليه و يحصل اى تسريب الميه كلها بتنزل مره واحد ووقت قصير و العربيه بتجيب حاجه اسمها سبايك يعنى الموتور طار من الاخر و يا ريت لو حد عنده معلومه يفيدنا اكتر .الموضوع ده فى كل الاوروبى و الامريكى