الكروز اتحكت من تحت في مطب

[Ahmed_Ta21]

السلام عليكم
النهارده وانا مسافر في طريق الاسماعلية الصحراوي وداخل علي بورسعيد فيه هناك مطبات مش طبيعية (دي جبال) من الاجناب عادية ومن النص مبوزة للاسف كنت شايفها والمفروض اتلافاها لكن علي السرعة وجمبي عربية مكنش فيه اختيار الا ان اكمل البوز بتاع المطب حك من تحت
وانا راجع مقلق جدا وخايف عاوز اطمن ان الموضوع ده اثر ولا لا اعمل ايه؟
ومتعكنن بصراحة لان غلطان
المهم عاوز اطمن ان العربية تمام مفيهاش مشكلة
ياريت تفيدوني لان مضايق

[elpasha1]

متقلقش يا باشا
كل عربيات مصر محكوكة من تحت
طالما صوت العربية متغيرش يبقي محصلش حاجة في الشكمان

[MohammedAladel]

عادى ولا يهمك تعيش وتحك

انزل بص على العربية من تحت من باب الإطمئنان

[J A G U A R]

متقلقش

الحكه هاتبقى فى الشكمان وان شاء الله سليمه

[ashouhdy]

متقلقش ... الحمد لله العربية مصفحة من تحت :)

[kokowasfy]

حك حك وربك يفك و كل حكة و انت طيب ههه

[ahmed salah90]

اعمل نفسك موش واخد بالك او خدلك بصه كده سريعه و انت بتغسل العربيه و رافعها في المشحمه و منها تغسل العربيه من تحت ده لو قلقان

[midooo_119]

ده العادى ياباشا

[ahmedelrayan]

ومين عربيته محكتش من تحت من المطبات العشوائية

[skoda1996]

خدها مغسلة و بص عليها من تحت
لكن 99.99% العربية ماحصلهاش حاجه
لا تقلق ... احنا في شوارعنا العربيات كلها محكوكة

[S O P H O S]

متقلقش يا باشا
ان شاء الله مفيش حاجة

[Omar Mahmoud]

إن شاء الله مش هيكون حصل حاجة عربيات مصر كلها تقريبا اتحكت من تحت

[Ahmed_Ta21]

متشكر جدا جدا للردود والمتابعة
انا عملت بنصحيتكم ورحت لبنزينة موبل وفعت العربية وكشفت عليها فعلا العربية مصفحة من تحت ومفيش حاجه اتلمست فيها لا الشكمان ولا اي حاجه
الحكة جت في التصفيح (قطعة حديد قافلة علي الموتور والفتيس من تحت وخدشة بسيطة لاحظناها بعد غلب:)
الحمد الله رب العالمين
بشكركم مرة تانية
واحسن حاجه هنا في المنتدي اللمة والواحد بيحس ان مع اخواته ومطمن
وردودكم تنسي الواحد اي هم من كتر الكوميديا اللي في التعليقات:d
تسلموا