وحدة رفع زجاج الكروز

[haytham128]

امبارح كنت فى شارع دمشق باسأل على ستاير للكروز عند واحد بتاع اكسسوارات فالراجل بيقولى مش عايز تركب وحدة رفع ازاز يا باشا قولتله عايز طبعا بس العربية لسه جديدة و مش عايز العب فيها عشان الضمان.. قالى يا باشا و لا هنلمس اى حاجة و لا هنركب سلك واحد حتى قولتله ازاى ؟؟
قالى دى فيشة اسمها OBD بتركب على الفيشة بتاعت كشف الكمبيوتر و خلص الموضوع.
المهم قالى انا هجيبها اجربهالك وده طبعا عشان يغرينى بيها و ده الى هو نجح فيه جاب الفيشة حاجة كدة واخدة نفس شكل الفيشة بتاعت كشف الكمبيوتر الى جنب دراع فتح الكبوت بس دى زى ما تقول كدة الدكر الى بيركب فى النتاية و راح مركبها العربية ادت كلاكس تلات مرات ورا بعض و الشارات نورت فى نفس التوقيت مع الكلاكس..
المهم فتح ال4 ازاز على الاخر و قفل الابواب كلها و قالى راح دايس على زرار القفل فى الريموت راح ال 4 ازاز طالعين مع بعض. بصراحة عجبنى جدا الاختراع ده و خصوصا انى ممكن اشيله فى اى وقت بالذات لو رايح التوكيل عشان محدش يتلكك و يقولك انت مركب حاجة برا التوكيل و يلغى الضمان..
المهم الختراع ده ب 375 جنية بس و الراجل قالى انا هاعمل معاك واجب كمان فيه بس انا ماكنش معايا فلوس كفاية ساعتها فقولتله هابقى اجيلك تانى.
السؤال بقى هل حد جرب حاجة زى كده قبل كده و هل ده فيه اى ضرر على العربية او حاجة.
و ده موقع على النت بيبيع الاختراع ده هو مش زيه بالظبط بس شبهه
OBD car window closer for GM( Cruze/REGAL/GT/GL8 BUICK/SRX/CADILACLACROSS/) - X&Y (Hong Kong Manufacturer) - Car Electronics - Car

مستنى ردود اهل الخبرة لانى بصراحة هاموت و اجيبه و اسف على الاطالة

[عبدالله برعى]

لايوجد ضرر بس ايه علاقة الكلكس بالموضوع؟؟؟؟

ثانيا : لابد ان تتاكد ان فيه كلاكس

ثالثا : وجهة نظرى غالى شوية

[mr.moustafa]

ايوه عارف الجهاز ده
و سعره المفروض مايزيدش عن 250 جنيه

[skoda1996]

الجهاز ممتاز بس سعره مش كويس
غالي جدا
Aliexpress.com : Buy Factory Wholesale 2 way car alarm system Starline B9 Russian version Two way LCD remote auto alarms engine starter Free Shipping from Reliable starter engine suppliers on CARFORM GROUP LTD
شوف كده اخره كام مع المحل ده ... لو اكتر من 250 يبقي نجيبه من الموقع و خلاص

[legend_mohsen]

غالي جداااااا ...............ده بيتباع ب 20 دولار يعني 140 جنية على النت و فيه منه اشكال و انواع و كل واحد بقفل بطريقة شكل .......واحد من اول دوسة و واحد من دوستين و كده يعني

[haytham128]

الجهاز ممتاز بس سعره مش كويس
غالي جدا
aliexpress.com : Buy factory wholesale 2 way car alarm system starline b9 russian version two way lcd remote auto alarms engine starter free shipping from reliable starter engine suppliers on carform group ltd
شوف كده اخره كام مع المحل ده ... لو اكتر من 250 يبقي نجيبه من الموقع و خلاص

المحل اخره 325 بالعافية..انا بافكر ابعت اجيبه من الوقع ده هل حضرتك جربت تجيب منه حاجة قبل كده ؟؟

[skoda1996]

المحل اخره 325 بالعافية..انا بافكر ابعت اجيبه من الوقع ده هل حضرتك جربت تجيب منه حاجة قبل كده ؟؟

325 جنيه ؟
مش كان وعدك انه هيعمل واجب و كده
طب نجرب نجمع عدد ... 10 اجهزة مثلا و نشوف هيقول سعر كام
و عموما لو هنشتري من الموقع هيبقي احسن برده لو جمعنا عدد
دلوقتي احنا اتنين مستعدين للشرا فعلا ... نشوف باقي الناس اللي معاهم كروز و اكيد الجهاز هيبقي اوبشن جامد

[legend_mohsen]

Free shipping CANBUS OBD roll up window closer For Cruze,Malibu,Lacross,Regal,GT,GL8 original cars close open module-in Automobiles & Motorcycles on Aliexpress.com
انا ان شاء الله هجيب ده

[mido]

منصحش بيه
اولا علشان متلخبطش برمجة الكمبيوتر
ثانيا مش هيعيش كتير

[armobarak]

ناس كاتبة بلاش منه وناس كاتبة مفيهوش مشكلة !

حد يقدر يجزم إذا كان كويس ولا لأ ؟؟

لو مفيهوش مشكلة أنا دايس لو في مجموعة حتشتريه مع بعض

[hossam_elwani]

والله ياجماعه هيا مغامره ومش اى مغامره انت بتغامر بكمبيوتر العربيه وهيا حساسه الكترونيا جدا على فكره فبلاش احسن ونتعب شويه ونقفل بتفسنا احسن

[hossam_elwani]

هيا دى الى انت شوفتها عنده صح ؟؟

https://www.youtube.com/watch?v=czZUzkOkwso

الغريب ان النوع التانى ده بيقفل ويفتح كمان ؟؟

https://www.youtube.com/watch?v=H9v5_tBDt10

[ashouhdy]

ودة يفضل راكب في فيشة الكمبيوتر ؟!

[hossam_elwani]

ودة يفضل راكب في فيشة الكمبيوتر ؟!

لازم باستمرار

[ashouhdy]

لازم باستمرار

كدة الله اعلم علي المدي البعيد حيعمل اية لان دة حمل اضافي بأمبير علي ال ecu او كمبيوتر العربية

وممكن يبقي ملوش ضرر ... الله اعلم بس عن نفسي معترض لان البتاعة دي لو ضربت ولا ساحت ولا سخنت وهي في الفيشة يبقي العربية لا قدر الله بخ

Sent from my SM-C115 using Forum Runner