شوية استفسارات تهم كل مالكي الأفيو وأرجو من الجميع مساعدتي

[virus98]

أعضاء المنتدى الكرام وأخوتي الأفاضل


دلوقتي أنا عندي أفيو 2010 ومن اسكندرية وعاوز أسأل على شوية حاجات

أنا سألت ف التوكيل على مسند يد أمامي للأفيو ملقتش قالولي منزلهاش أساسا طبعا اتصدمت بس ما علينا أنا دلوقتي عاوز أركب مسند يد محترم ف مكان محترم بس يكون كويس زي بتاع السيراتو أو الكروز مثلا ولا يزيق ولا يعاكس مع فرامل اليد مش مشكلة تخريم ف الكونسول بس يطلع حاجه محترمه تستحمل وشكلها نضيف


تاني حاجه ينفع أركب طاره مالتي فنكشن للعربية علما اني هشتري كاسيت بيتبرمج مع المالتي بس لما المالتي يبقى نوعه resistive يا ترى ينفع ولا دول حلمين صعبين أوي كده

ولكم جزيل الشكر ويا رب تساعدوني

[shiko85]

تاني حاجه ينفع أركب طاره مالتي فنكشن للعربية علما اني هشتري كاسيت بيتبرمج مع المالتي بس لما المالتي يبقى نوعه resistive يا ترى ينفع ولا دول حلمين صعبين أوي كده

ولكم جزيل الشكر ويا رب تساعدوني

شوف حضرتك المشاركه رقم 4 بتاعت م/شريف و اعتقد انه ان شاء الله يقدر يفيدك

http://www.nilemotors.net/Nile/431778-a.html

[virus98]

شوف حضرتك المشاركه رقم 4 بتاعت م/شريف و اعتقد انه ان شاء الله يقدر يفيدك
http://www.nilemotors.net/nile/431778-a.html

شكرا جزيلا أخي الفاضل
متعرفش حاجه عن مسند اليد عشان دي هي المشكلة الأكبر؟

[shiko85]

شكرا جزيلا أخي الفاضل
متعرفش حاجه عن مسند اليد عشان دي هي المشكلة الأكبر؟

العفو - الشكر لله وحده
واحد صاحبى معاه افيو ركب مسند عادى اللى بيتباع فالمحلات بس مش بالجوده المطلوبه

[mr.moustafa]

فعلا المسند اللي موجود في السوق جودته ضعيفة و بيخرب بسرعة و حرام تخرم ليه

[virus98]

العفو - الشكر لله وحده
واحد صاحبى معاه افيو ركب مسند عادى اللى بيتباع فالمحلات بس مش بالجوده المطلوبه

ما أنا بسأل عشان كده كل اللي لاقيته مش بالجوده اللي ف بالي وشكرا على الاهتمام وجزاك الله خيرا

فعلا المسند اللي موجود في السوق جودته ضعيفة و بيخرب بسرعة و حرام تخرم ليه

عشان كده بسأل يمكن حد يفيدني وخايف اروح لسروجي يضحك عليا وجزاك الله خيرا

[eng_sherif_00]

بص ياباشا الافيو بينزل ليها مسند يد وده نزل مع موديل 2014 الوش الجديد ود زى بتاع النيو اكسنت وده صعب تجيبه لانى سالت عليه استيراد ومليقتوش ممكن بقى تجيب كنسول محترم ب 80 جنيه وهيبق ممتاز جدا وبيركب ب مسمارين وعملى جدا جدا

[eng_sherif_00]

وطبعا الطارة المالتى ممكن تركب وحلم سهل يتحقق بس مكلف ومتعب شوية والتحكم هيشتغل على اى كاسيت افيو اصلى او كاسيت افيو gps غير كده مش هيشتغل

[virus98]

بص ياباشا الافيو بينزل ليها مسند يد وده نزل مع موديل 2014 الوش الجديد ود زى بتاع النيو اكسنت وده صعب تجيبه لانى سالت عليه استيراد ومليقتوش ممكن بقى تجيب كنسول محترم ب 80 جنيه وهيبق ممتاز جدا وبيركب ب مسمارين وعملى جدا جدا

شكرا جزيلا على اهتمام حضرتك بالرد بس الاستفسار اللي عندي يا ترى بتاع 2014 يركب عادي على 2010 ؟ أعتقد ان الاتنين من جوه واحد ومفيش اختلاف فيا رب يركب عشان الموضوع ده عاملي ازمه خصوصا ان حركتي بالعربية أساسا سفر طويل فبحتاج اريح دراعي شوية

ويا ترى الكونسول ده هيبقى كويس وشكله محترم؟ وهيزيق ولا لأ؟ عشان أنا مستعد أكلف المسند ده بس يبقى زي الفبريكه يستحمل وميزيقش ويبقى شكله نضيف

وطبعا الطارة المالتى ممكن تركب وحلم سهل يتحقق بس مكلف ومتعب شوية والتحكم هيشتغل على اى كاسيت افيو اصلى او كاسيت افيو gps غير كده مش هيشتغل

الطارة دي كده لو مش هتشتغل على كل الكاسيتات يبى ملهاش لازمه عشان انا غيرت كاسيت العربية العقيم وجبت واحد تاتش وجي بي اس وبصراحه كلفني كتير فمش مستاهلة بقى

[eng_sherif_00]

شكرا جزيلا على اهتمام حضرتك بالرد بس الاستفسار اللي عندي يا ترى بتاع 2014 يركب عادي على 2010 ؟ أعتقد ان الاتنين من جوه واحد ومفيش اختلاف فيا رب يركب عشان الموضوع ده عاملي ازمه خصوصا ان حركتي بالعربية أساسا سفر طويل فبحتاج اريح دراعي شوية

ويا ترى الكونسول ده هيبقى كويس وشكله محترم؟ وهيزيق ولا لأ؟ عشان أنا مستعد أكلف المسند ده بس يبقى زي الفبريكه يستحمل وميزيقش ويبقى شكله نضيف



الطارة دي كده لو مش هتشتغل على كل الكاسيتات يبى ملهاش لازمه عشان انا غيرت كاسيت العربية العقيم وجبت واحد تاتش وجي بي اس وبصراحه كلفني كتير فمش مستاهلة بقى

بالنسبة لاستفسارك بخصوص مسند 2014 طبعا ينفع يركب على 2010 ده بيتربط فى الكرسى بمسمارين تقريبا والكنسول هتلاقى حاجه نظيفة بس انزل التوفيقية وبص على المحلات الكويسة
وبالنسبة للطارة انت ممكن تعرف ان كان الكاسيت اللى انت مركبة بيدعم تحكم الطارة او لا هتلاقى فى الكتالوج بتاعه او العلبة عبارة support steering control ولو الكاسيت الل انت جايبة gps بتاع افيو او كابتيفا فاكيد هيكون فيه تحكم طارة

[virus98]

بالنسبة لاستفسارك بخصوص مسند 2014 طبعا ينفع يركب على 2010 ده بيتربط فى الكرسى بمسمارين تقريبا والكنسول هتلاقى حاجه نظيفة بس انزل التوفيقية وبص على المحلات الكويسة
وبالنسبة للطارة انت ممكن تعرف ان كان الكاسيت اللى انت مركبة بيدعم تحكم الطارة او لا هتلاقى فى الكتالوج بتاعه او العلبة عبارة support steering control ولو الكاسيت الل انت جايبة gps بتاع افيو او كابتيفا فاكيد هيكون فيه تحكم طارة

أنا الكاسيت اللي جايبه كينوود جي بي اس واتقرصت فيه بصراحه فمش مستاهلة مصاريف أكتر هتصل بالتوكيل اسألهم على تكلفة المسند بتاع 2014 وتركيبه وأشوف لو مناسب أنا بصراحه ميال للكونسول أكتر عشان هيديني شكل أفضل بكتييير بس المهم ميبقاش في تزييق عشان متعقد منه من التزييق وشكرا جزيلا على الاهتمام