ارتفاع حرارة الافيو

[drmedo82]

السلام عليكم اعضاء القسم الكرام
صديق ليا معاه شيفروليه افيو 2011 خليجي
العربيه بسم الله ماشاء الله ممتازه وماتورها ممتاز بسم الله مماشاء الله عامله 45000كم
المهم
العربيه بتسخن مع التكييف
لو التكييف مش شغال مش بتسخن التكييف لو اشتغل العربيه بتسخن بعد شويه . يطفي التكييف الاحراره ترجع مظبوطه مع العلم انه نضف دورة المياه كلها بتاع العربيه وحط مياه خضراء ولاتزال المشكله قائمه
وساعات كتير يبطل العربيه واول ما يشغلها يلاقي امبير الحراره عالي ثواني وينزل لمكانه الطبيعي
واحتار وتعب في المشكله دي عند الميكانيكيه وكل واحد بيفتي شويهواخر واحد بيقوله جوان وش سلندر بس انا مش مقتنع الصراحه
قلت مفيش غير احبابنا في قسم الشيفروليه اللي اكيد هيفيدونا
اتمنا ان تساعدونا علي حل المشكله ايها الاخوه الكرام

[mmtronic]

السلام عليكم اعضاء القسم الكرام
صديق ليا معاه شيفروليه افيو 2011 خليجي
العربيه بسم الله ماشاء الله ممتازه وماتورها ممتاز بسم الله مماشاء الله عامله 45000كم
المهم
العربيه بتسخن مع التكييف
لو التكييف مش شغال مش بتسخن التكييف لو اشتغل العربيه بتسخن بعد شويه . يطفي التكييف الاحراره ترجع مظبوطه مع العلم انه نضف دورة المياه كلها بتاع العربيه وحط مياه خضراء ولاتزال المشكله قائمه
وساعات كتير يبطل العربيه واول ما يشغلها يلاقي امبير الحراره عالي ثواني وينزل لمكانه الطبيعي
واحتار وتعب في المشكله دي عند الميكانيكيه وكل واحد بيفتي شويهواخر واحد بيقوله جوان وش سلندر بس انا مش مقتنع الصراحه
قلت مفيش غير احبابنا في قسم الشيفروليه اللي اكيد هيفيدونا
اتمنا ان تساعدونا علي حل المشكله ايها الاخوه الكرام

انا لفت نظرى حاجه فى الاعراض الى قولتها

" ساعات كتير يبطل العربيه واول ما يشغلها يلاقي امبير الحراره عالي ثواني وينزل لمكانه الطبيعي "

دا معناه انا سنسور الحراره فيه مشكله و دا ممكن يفسر منطقيا كل الى انت حكينة

المهم حنحكم اذاى ؟

العربيه عامله 45000 كم يعنى تقريبا محتاجه فى الصيانه عند الكم دة
1. تغير سيور
2. سنسور حراره ( المطلوب )
3. تغير شداد و بلى الدينامو

روح التوكيل ( بس مكان تقدر تشوف العربية فيه قدامك ) - لو رحت الهرم مش حتشوفها

و اطلب صيانة 45000 الى هيه فى الكتالوج عند 50000

و بعد الصيانه تقدر تحكم

ممكن تقولى طيب ما اغير السنسور بس ؟

الاجابه ان السنسور علشان توصله لازم تفك السيور و الدينامو بالشداد بتاعه - عرفت دلوقتى ليه بقولك اعمل الصيانه كامله

خد بالك الصيانه دى بتتكلف حوالى 2000 جم ممكن دلوقتى زيادة شويه لانى عاملها من حوالى سنتين

و ابقى قولنا النتيجه

[kantofanto]

باشا انا هتكلم عن الاجزاء الاول ان العربية بتسخن لما تشغل التكيف ياريت حضرتك تنضف السربنتينة من التراب فى اى بنزينة بخرطوم الهوا و فى التوكيل خلى التكيف يضبطه لو محتاج تغير الفلتر او تغسله و ان شاء الله المشكلة هتروح. اما المشكلة الثانية ممكن حضرتك تجرب كلام الاستاذ المحترم mmtronic

[RAMYALI_1982]

لريداتير مسدود ياتسلكة ياتغيرة صدقا ان شاء اللة هى دى المشكلة

[kokowasfy]

احتمال كبير يكون مروحة التريد بتاعت التكيف بتكون ضعيفة او مش بتشغل بل سرعة المناسبة و دا يفسر ان اول ما تشغل التكيف العربية تسخن !! و دى حاجة الحل اية شوف خلى العربية تسخن و امشى بيها شوية و بد كدا اركن و افتح الكبوت و شوف المروحة لو شغالة يبقى عيب تانى لو شغالة شعيفة او مش شغالة يبقى لازم تتغير ارجو اكون افدك

[drmedo82]

باشا انا هتكلم عن الاجزاء الاول ان العربية بتسخن لما تشغل التكيف ياريت حضرتك تنضف السربنتينة من التراب فى اى بنزينة بخرطوم الهوا و فى التوكيل خلى التكيف يضبطه لو محتاج تغير الفلتر او تغسله و ان شاء الله المشكلة هتروح. اما المشكلة الثانية ممكن حضرتك تجرب كلام الاستاذ المحترم mmtronic

شكرا لردك اخي الكريم
بالنسبه للسربنتينه فهوا نضفها كويس في بنزينه بس المشكله لاتزال قائمه

[drmedo82]

احتمال كبير يكون مروحة التريد بتاعت التكيف بتكون ضعيفة او مش بتشغل بل سرعة المناسبة و دا يفسر ان اول ما تشغل التكيف العربية تسخن !! و دى حاجة الحل اية شوف خلى العربية تسخن و امشى بيها شوية و بد كدا اركن و افتح الكبوت و شوف المروحة لو شغالة يبقى عيب تانى لو شغالة شعيفة او مش شغالة يبقى لازم تتغير ارجو اكون افدك

ربنا يخليك ياباشا وكفايه ان حضرتك اهتميت ورديت
بالنسبه لموضوع المروحه الافيو مروحه واحده للتكييف والرادياتير والمروحه شغاله كويس

[drmedo82]

انا لفت نظرى حاجه فى الاعراض الى قولتها

" ساعات كتير يبطل العربيه واول ما يشغلها يلاقي امبير الحراره عالي ثواني وينزل لمكانه الطبيعي "

دا معناه انا سنسور الحراره فيه مشكله و دا ممكن يفسر منطقيا كل الى انت حكينة

المهم حنحكم اذاى ؟

العربيه عامله 45000 كم يعنى تقريبا محتاجه فى الصيانه عند الكم دة
1. تغير سيور
2. سنسور حراره ( المطلوب )
3. تغير شداد و بلى الدينامو

روح التوكيل ( بس مكان تقدر تشوف العربية فيه قدامك ) - لو رحت الهرم مش حتشوفها

و اطلب صيانة 45000 الى هيه فى الكتالوج عند 50000

و بعد الصيانه تقدر تحكم

ممكن تقولى طيب ما اغير السنسور بس ؟

الاجابه ان السنسور علشان توصله لازم تفك السيور و الدينامو بالشداد بتاعه - عرفت دلوقتى ليه بقولك اعمل الصيانه كامله

خد بالك الصيانه دى بتتكلف حوالى 2000 جم ممكن دلوقتى زيادة شويه لانى عاملها من حوالى سنتين

و ابقى قولنا النتيجه

شكرا لاهتمام حضرتك
هاقوله يروح يعمل الصيانه وارد علي حضرتك ان شاء الله

[drmedo82]

لريداتير مسدود ياتسلكة ياتغيرة صدقا ان شاء الله هى دى المشكلة

شكرا لحضرتك
بس ازاي اتاكد ان الرادياتير مسدود؟
اروح لواحد بتاع رادياتير؟

[drmedo82]

شكرا لاهتمام الاخه الكرام جميعا
بس السؤال المهم هل فعلا ممكن يكون جوان وش سلندر؟

[mmtronic]

شكرا لاهتمام الاخه الكرام جميعا
بس السؤال المهم هل فعلا ممكن يكون جوان وش سلندر؟

علشان متدوخش نفسك و تخش فى متاهات

استعمل اسلوب التحليل المنطقى مع العربية دى زى ما انا بعمل

بمعنى شوف حاجه حاجه

1. اعمل الصيانة الى قولتلك عليها خصوصا انك لازم تعملها علشان السيور كدة خلاص فى الاواخر و تخليك فى الامان ( السيور اخرها 45000 او 50000 بالكتير اوى ) - لو العيب مرحش

2. اكشف على الكوبريسور بردة ( ممكن يكون تقيل او مش مظبوط )

3. شوف الريداتير و دورة المياه و اذا كان فيه سدد و لا و دا بسيط عن طريق ملاحظه الدورة بعد فتحها بعد الريداتير و استخدام خرطوم مياه لضخ الميه و تشوف معدل سريان المياه

و تشوف الميه بتنقص و لا لا و ما هو معدل النقصان ( طبيعى اى على فترة طويلة و لا غير طبيعى على فترة قصيرة )

4. تشوف بردة موضوع المروحه ( المروحه ليها سرعتين - سرعه عاديه و سريع مع التكيف )

5. لو كل دة الى فات محلش المشكله يبقى مفيش قدامك للاسف غير جوان وش السلندر

[drmedo82]

علشان متدوخش نفسك و تخش فى متاهات

استعمل اسلوب التحليل المنطقى مع العربية دى زى ما انا بعمل

بمعنى شوف حاجه حاجه

1. اعمل الصيانة الى قولتلك عليها خصوصا انك لازم تعملها علشان السيور كدة خلاص فى الاواخر و تخليك فى الامان ( السيور اخرها 45000 او 50000 بالكتير اوى ) - لو العيب مرحش

2. اكشف على الكوبريسور بردة ( ممكن يكون تقيل او مش مظبوط )

3. شوف الريداتير و دورة المياه و اذا كان فيه سدد و لا و دا بسيط عن طريق ملاحظه الدورة بعد فتحها بعد الريداتير و استخدام خرطوم مياه لضخ الميه و تشوف معدل سريان المياه

و تشوف الميه بتنقص و لا لا و ما هو معدل النقصان ( طبيعى اى على فترة طويلة و لا غير طبيعى على فترة قصيرة )

4. تشوف بردة موضوع المروحه ( المروحه ليها سرعتين - سرعه عاديه و سريع مع التكيف )

5. لو كل دة الى فات محلش المشكله يبقى مفيش قدامك للاسف غير جوان وش السلندر

تمام ياباشا الله ينور عليك احسن تحليل منطقي سمعته
هخليه ينفذ اللي فيه ان شاء الله وابلغك بالنتيجه

[المهندس العراق]

العراق

سلام عليكم اصدقائي اتشرف بالانضمام اليكم والصراحه عجبتني المواضيع والمعلومات والنقاشات العلميه وفقكم الله بس انا عندي مشكله احب اطرحها عليكم عندي عربيتي الافيو تسخن مع تشغيل التكييف بعد فتره نصف ساعه ولما اطفي التبريد ترجع مضبوطه ومرات تحصل حاجه لما اشغل العربيه القى مقياس الحرارة مرتفع فوق الحد الطبيعي شويه ويرجع مضبوط بعد التشغيل

[tameem2010]

ده عادة اما الراديتير مسدود او ان وش السلندر فيه مشكلة
وش السلندر لو فيه مشكلة هتلاقي العربيه بتستهلك مياه كتير وهتلاقي العربيه ملخبطة منك في السلانسيه والسحب بتاعها بطئ

لو الراديتير فيه مشكلة انصحك تغيره على طول ومتسلكوش

بس الغريبه انها عاملة 45000 بس وظهرت المشكلة ديه

[دعبدالرحيم]

الاخوة مخلوش احتمال ما قالوش عليه..والاحتمالات الاقرب هي : الكومبريسور تقيل او المروحة ضعيفه .