مقبل على شراء افيو 2014 ..هل فيه شكوى منها؟؟؟

[medo_h_e]

ع فكرة كانت مع صديق ليا 3 سنين مكنش بيغيرلها زيت حتى وباعها من غير ما يضرب فيها مسمار


سبحان الله هى العربيات دلوقتى ذي البطيخ يا حلوة يا قرعة

فعلا بجد كلامك صح
تلاقى ناس جايبه كرولا 2014 او سيراتو 2014 ويقولك فيها عيوب او أصوات غريبة بتتسمع ... يعنى حرام ابقى دافع في العربية فوق ال 180 الف والاقي فيها مشاكل ولا ايه؟؟
فين أيام ما كنت جايب ال i10 ب 60 الف وطبعا انا بعتها بعد 4 سنين مشتكتش منها ابدا
امال ايه حكاية العربيات الجديدة اليومين دول

[د.عماد صلاح]

قعدت معاي 4 سنوات ماشفنش منها حاجه و حشه بس بالسعر ده في احسن منها شوف السوزوكي ديزير

[ahafed]

عن تجربة 5 سنين .. ميزتها الوحيدة بالنسبالي انها واسعة من جوة ..
نصيحة اخوية: بلاش

[midooo_119]

كعاده عربيات كتير عربيه لا تناسب سعرها

[hiatelklob]

العربيه معايا موديل 2014 وعامل بيها 12 الف كيلو مشوفتش منها اي حاجه وحشه الي الان وشايفها كويسه عكس الي بيتقال عليها ده كله
لو العربيه دي وحشه اوي كده مكنتش هتلاقيها بقت تاكسيات يعني مرمطه ولف طول النهار

[midopharmacy]

عربية زباااااااااااااااالة وتوكيل ازبل من الزبااااااااااااااالة

ليه ماتشتريش شيفروليه -اوبل او اى حاجة من المنصور:
1- ممكن تشترى عربية زيرو وجديدة وتلاقى عيب فى الفرامل او الفتيس عادى خالص( حصلت معاى فى افيو 2013 كان فيها مشكلة فى الفرامل ومع اصحابى فى اوبل وكروز2014فى الفتيس )
2-تروح تصلح فى التوكيل حوالى 10 مرات وبردو المشكلة موجودة !!!!!
3-تحاول ترجع او تبدل العربية عشان العيب يتقالك اصل فات 15 يوم على الشراء وملناش دعوة......
4- عادى خالص انك بعد 5000 كيلو تسمع تزييق فى العفشة - كهربة العربية تضرب-التكييف يضرب-تغير طنابير -تغير تيل فرامل
5-عادى خالص ان بعد 10000 كيلو مساعد يضرب-الفتيس يقع-العجل يضرب -الردياتير يطرقع-تغير الكاوتش.......
6-عادى خالص تبقى سايق على 100 وتلاقى تكتكة فى العربية-رعشة فى الدريكسيون وبدال الفرامل.........
7-التوكيل والمهندسين ومدير المركز بيتعاملوا معاك كأنك شغال عندهم مع انك بتدفع فلوس كتير-ولازم تروح التوكيل تقعد من 9 ل5 عصرا حتى لو رايح تغير مسامير عجل دا لو مابيتوش العربية 3 او 4 ايام عشان عندهم ضغط شغل........
8-الضمان عندهم لا يشمل طنابير -مساعدين-التيل-التكييف-الكهربا ومش عارف بيشمل ايه بالظبط.........
9- العربيات الشيفروليه بقت واخدة سمعة زى الزفت والresell بتاعها بقى صعب وسعرها بينزل فى الارض.......
1062 SharesLikeLike · · Share

[midopharmacy]

يارب اكون لاحقتك قبل ماتشترى

[homeahmed]

معقوله افيو فيه كلام دة دة منتشرة كتير فى شارع واسمع ان توكيله كويس يا جماعه نرجو الدقه فى المعلومات لانى على اساسه صحبه اينزل يجيبه

[S O P H O S]

مش مؤيد للعربية الافيو الجديدة
مع كل التقدير

[madinabaza]

مش للدرجادي يا جماعه هي العربيه كويسه في حدود انها عائليه وميتقرصش عليها

[medo_h_e]

ليه ماتشتريش شيفروليه -اوبل او اى حاجة من المنصور:
1- ممكن تشترى عربية زيرو وجديدة وتلاقى عيب فى الفرامل او الفتيس عادى خالص( حصلت معاى فى افيو 2013 كان فيها مشكلة فى الفرامل ومع اصحابى فى اوبل وكروز2014فى الفتيس )
وارد جدا ان اى عربية جديدة يكون فيها أخطاء بنسبة 3%
المصنع لما ينتج فوق 200 الف عربية مش ممكن هيغلط في عربية وحده منهم !!!! طبعا عادى جدا وفى عربيات بيكون في عيوب مش هتكلم عن الياباني وارد في الكوري انك تلاقى عيوب
دا اشهر الماركات بتسحب عربيات من السوق عشان بيكون فيها مشاكل
2-تروح تصلح فى التوكيل حوالى 10 مرات وبردو المشكلة موجودة !!!!!
امال حضرتك استلمت العربية ازاى ؟ مش لازم تتاكد ان المشكلة اتحلت ! ومش بتجربها ليه مع المهندس بعد الصيانة
3-تحاول ترجع او تبدل العربية عشان العيب يتقالك اصل فات 15 يوم على الشراء وملناش دعوة......
طالما مش مقتنع بالعربية مكنتش خدت قرار انك تشتريها وبعدين لما يكون في حاجة بسيطة في العربية ده مش معناه انك ترجعها !!!! وبردو كنت ممكن تشوف جهاز حماية المستهلك
4- عادى خالص انك بعد 5000 كيلو تسمع تزييق فى العفشة - كهربة العربية تضرب-التكييف يضرب-تغير طنابير -تغير تيل فرامل
تيل فرامل دى بتعتمد على نوع القيادة الخاصة بك ....... يعنى ايه كهربة العربية تضرب
والتكييف يضرب !!!! اكيد بتستعمل التكييف غلط
5-عادى خالص ان بعد 10000 كيلو مساعد يضرب-الفتيس يقع-العجل يضرب -الردياتير يطرقع-تغير الكاوتش.......
العجل يضرب !!!! هههههههه ضحكتنى وده ايه علاقته بالعربية او بمنصور
وارد جدا ان اى مساعد يحصل له مشكلة وطبعا عمره ما هيحصل له مشكله الا لو كنت حضرتك مش بتحافظ على العربية
الفتيس يقع !!!!! مش عارف أقول ايه
6-عادى خالص تبقى سايق على 100 وتلاقى تكتكة فى العربية-رعشة فى الدريكسيون وبدال الفرامل.........
رعشة في بدال الفرامل !!!! ودى بتحسها ازاى ؟؟؟
7-التوكيل والمهندسين ومدير المركز بيتعاملوا معاك كأنك شغال عندهم مع انك بتدفع فلوس كتير-ولازم تروح التوكيل تقعد من 9 ل5 عصرا حتى لو رايح تغير مسامير عجل دا لو مابيتوش العربية 3 او 4 ايام عشان عندهم ضغط شغل........
ده بيحصل في التوكيل بس مش على طول
8-الضمان عندهم لا يشمل طنابير -مساعدين-التيل-التكييف-الكهربا ومش عارف بيشمل ايه بالظبط.........
مين قال ان الضمان مش بيشمل الكهرباء او التكييف او حتى المساعدين ولا الطنابير
9- العربيات الشيفروليه بقت واخدة سمعة زى الزفت والresell بتاعها بقى صعب وسعرها بينزل فى الارض.......
وهو ده سببب انتشارها ؟؟؟ دا سعرها زاد وأسعار العربيات كلها زادت ولحد دلوقتى بيتباع منها كتير وسعرها مش بينزل

1062 SharesLikeLike · · Share

وده ايه حضرتك هو احنا هنا على الفيس !!!!

[Ahmed abdkarim]

عربية امكانياتها على قدها اوى .