الان اصبحت اوبتراوي :) .. ممكن تقولى برأيك ؟؟

[engboy]

تحياتي لكل اعضاء المنتدى المحترمين
يشرفنى ان انضم لكم عضوا جديداً
بأمتلاكي السيارة العزيزة الى قلبي .. الاوبترا .

اولا
هى موديل 2008 ..
ماشية 62000 الف كيلو ..
اللون اسود ملوكي
حالة الدهان فبريكة سقف وكبوت وشنطة .. وراشة جانبين نضافة
حالة الفتيس والموتور ممتازة ولله الحمد والشكر
4 فرد كاوتش جديدة كومهو كوري مقاس 14
4 جنوط سبور جداد
تكييف ممتاز
صالون الفبريكة عليه فرش للصالون اسود مطعم باللون الاحمر
دواخل وحوض وشنطة فبريكة
معمولها سرفيس ومتغيرلها كاتينة وسيور (بعد الكشف عليها وجدت انه السيور من نوع دايكو)
معملتش فيها حاجة غير انى غيرتلها الزيت بـ(شيل الترا 10 الاف كيلو) اول ما جبتها

السعر 76000 الف جنيه بعد مفاوضات .. كان مطلوب فيها 79 الف


هل السعر مناسب للحالة ؟؟
ياترى اضحك عليا ولا جبتها لقطة ؟؟

اخيرا في اى نصيحة ممكن اعملها مع الاوبترا عشان احافظ على موتورها وعلى فتيسها الاتوماتيك ؟؟
نسيت اقول انى اول ما جبتها سافرت بيها اسيوط في العيد مسافة تقريبا 430 كيلو رايح وزيهم راجع ولف جوة المدينة هناك والحمد لله كانت اسد على الطريق جري وثبات وتكييف في عز الحر وفي جو اسيوط ..

ها ايه رأيكم ؟؟ :)

[hilal]

مبروك عليك ، وربنا يكفيك شرها وشر ما خلقت له ، ويعطيك خيرها وخير ما خلقت له
والسعر مناسب جدا بالنسبة لحالتها

[J A G U A R]

اهلا بيك والف مبروك عليك الاوبترا الجميله

والسعر كويس جدا مقابل الحاله

[engboy]

الله يبارك في حضرتك يارب وشكرا جزيلا على دعواتك الجميلة ربنا يتقبل منك .. ويبارك في حضرتك ..

يعنى ما ضحكش عليا ؟؟

[skoda1996]

مبروك الاوبترا ... عربية محترمه
السعر مناسب

[J A G U A R]

الله يبارك في حضرتك يارب وشكرا جزيلا على دعواتك الجميلة ربنا يتقبل منك .. ويبارك في حضرتك ..

يعنى ما ضحكش عليا ؟؟

لا يا باشا والله منضحكش عليك لو دى حالتها وبعدين ما شاء العداد قليل وتستاهل سعرها وشوف برضه رأي باقى الاعضاء :)

[engboy]

اهلا بيك والف مبروك عليك الاوبترا الجميله

والسعر كويس جدا مقابل الحاله

الله يبارك في حضرتك يارب .. وشكرا جزيلا طمنتني .. وفي انتظار اراء باقي الاعضاء المحترمين

[engboy]

مبروك الاوبترا ... عربية محترمه
السعر مناسب

هى فعلا عربية محترمة وكانت اختياري الاوحد من زمان لغاية لما ربنا وفقنى وعرفت اجيبها .. شكرا جدا لحضرتك :)

[hi_nmr]

مبروك عليك
يديك خيرها ويكفيك شرها

[mr_sese]

وربنا يكفيك شرها ، ويعطيك خيرها

[hesham fawzy h]

الف مبرووووك ... وسعرها مناسب جدا

بس خلى بالك من نظام التبريد بتعها

[engboy]

الف شكر يا جماعة على شعوركم الطيب .. انا نفسيا استريحت لان كل الاراء اجمعت على ان السعر مناسب ليها .. وانا هقولكم على مفاجئة بس بعد ما اسمع كل الاراء ..
انا نسيت اقول ان كان فيها رخصة سنة ونص .. ومنتظرتش وروحت رخصت على طول بعد ما عملت عقد مسجل وفي خلال يومين كان معايا رخصة 3 سنوات بأسمي تنتهي في 2017

[د.عماد صلاح]

اولا السعر ممتاز علي الحاله
ثانيا اختيار ممتاز
ثالثا ميروك وربنا يبارك

[engboy]

اولا السعر ممتاز علي الحاله
ثانيا اختيار ممتاز
ثالثا ميروك وربنا يبارك

ازيك يا دكتور عماد .. لعلك بخير
الله يبارك في حضرتك ..
انا متابع كل مواضيعك وبستفاد جدا منها ..
وشكرا على مرور حضرتك ..

م حسام