تقييمي للاوبترا بعد 5 ايام

[abdalaha]

الحمدلله ربنا انعم عليا ورزقني بفضله اوبترا 2008 اوتوماتيك بعد لانوس 2001
العربية 59 الف كيلو
العربية بسم الله مشاء الله واسعة جد العزل بتاعها ممتاز الفرامل بتاعتها مشاء الله كويسة جدا مع اني كنت بقرا في المنتدي ناس كاتبة فرامل سيئة ( يمكن مركبوهاش بس قالو رايهم) التكيف ممتاز
الكاسيت والسماعات ممتازين بس طبعا مفيش usb ولا Cd
االعربية في المجمل عربية جيدة جدا
بعض الملاحظات: بحس بعدم اتزان كده لما بوصل لسرعة 100 واعلي
صوت عالي بس مش اوي من التكييف وفي الغالب لما يكون علي 2 فما فوق
لما بدوس فرامل وانا بركن او بطلع من ركنة كده بسمع صوت زي تزييق او صوت غريب عامة
صوت دبدبة بسيطة في الكاوتش مع المطبات او الشوارع غير الممهدة
حاسس ان الدريكسيون تقيل وناشف هل ده طبيعي ولا ايه
العربية وهيا متفولة بنزين سحبها وادائها مختلف عن وهيا في النص
ياريت الاقي ردود للملاحظات دي خصوصا دكتور عماد صلاح الي موضوعوه كان من اهم الاسباب الرئيسية اني اخلص في الاوبترا

[mmkhattab]

أولا مبروك عليك العربية و ربنا يديك خيرها و يكفيك شرها
بخبرتي المتواضعة حاسس إنك عايز تغير الكاوتش و تظبط زوايا و ترصيص و ياريت لو تروح لمركز محترم قبلها
موضوع الصوت عند الركن دا عند كل الأوبترا و كان عندي في الكورولا و أعتقد في معظم الأوتوماتيك لأنك بتدوس فرامل و العربية علي نقلة

يارب أكون أفدتك و خلينا نشوف رد بقيت عمالقة الأوبترا

[abdalaha]

شاكر جدا لرد حضرتك
الكاوتش لسة جديد من حوالي سنة وممشيش 5 الاف كيلو علي بعض

[mmkhattab]

يبقى روح لمركز يبص على عفشة العربية و لو فيها حاجة إعملها و متكسلش علشان تستمتع بيها

[abdalaha]

ناوي اروح fit&fix bridgestone اخليه يبص علي الترصيص والزاويا

[real.joker]

رووح بريدج ستون او موبيل و خليهم و يظبطولك زوايا و يرصصو العجل و يربطلك العفشة و الدنيا هتبقى تمام ان شاء الله

[د.عماد صلاح]

مبروك علي الاوبترا
اولا ....عدم الاتزان بعد ال100 يبقي عندك مشكله في الترصيص او الزوايا او العجل او العفشه لان الثبات حلو جدا حتي 140
ثانيا ...الباور بتاعها فعلا تقيل سنه عن اللانوس و عن الهيونداي و الكيا
ثالثا ...الاداء واحد بصرف النظر عن التنك نص ولا مفول
رابعا ...العفشه ناشفه فعلا وده ثمن للثبات ...و ظبط ضغط الهواء
خامسا ..الكاسيت ممكن تغيره بواحد تاتش بكاميرا و بلوتوث هيقلب العربيه
سادسا ...الصوت علي الوقف في الفرامل زي مايكون حديد بيحك في بعضه عادي في الاتوماتيك
سابعا ...صوت التكييف ..نش فاهم قصدك صوت ايه
اخيرا ...لي الشرف اني كنت سبب في شرائك السياره و تحت امرك في اي سؤال

[wael_dosoky]

مبروك عليك وربنا يرزقك خيرها ويكفيك شرها
حاسس بأحاسيسك بالظبط لأني نقلت زيك من لانوس إي اوبترا اتوماتيك من اربعة أشهر

[Sameh samy]

الحمدلله ربنا انعم عليا ورزقني بفضله اوبترا 2008 اوتوماتيك بعد لانوس 2001
العربية 59 الف كيلو
العربية بسم الله مشاء الله واسعة جد العزل بتاعها ممتاز الفرامل بتاعتها مشاء الله كويسة جدا مع اني كنت بقرا في المنتدي ناس كاتبة فرامل سيئة ( يمكن مركبوهاش بس قالو رايهم) التكيف ممتاز
الكاسيت والسماعات ممتازين بس طبعا مفيش usb ولا cd :t_thum1[1]:
االعربية في المجمل عربية جيدة جدا
بعض الملاحظات: بحس بعدم اتزان كده لما بوصل لسرعة 100 واعلي
صوت عالي بس مش اوي من التكييف وفي الغالب لما يكون علي 2 فما فوق
لما بدوس فرامل وانا بركن او بطلع من ركنة كده بسمع صوت زي تزييق او صوت غريب عامة
صوت دبدبة بسيطة في الكاوتش مع المطبات او الشوارع غير الممهدة
حاسس ان الدريكسيون تقيل وناشف هل ده طبيعي ولا ايه
العربية وهيا متفولة بنزين سحبها وادائها مختلف عن وهيا في النص
ياريت الاقي ردود للملاحظات دي خصوصا دكتور عماد صلاح الي موضوعوه كان من اهم الاسباب الرئيسية اني اخلص في الاوبترا

عدم اتزان تزبط زوايا الاول ولو فضل الاتزان وحش راجع علي جلب المقصات
الفرامل في الاوبترا جيدة وليست ممتازة وليست سيئة
الدبدبة من جلب المقصات او المساعدين
التزييق عادي دي وساخة علي التيل مشوار طويل ويتحسن
الدركسيون موش تقيل ولا ناشف اكشف علي الباور وزيت الباور والسير يكون مشدود
غير فلتر بنزين وبوجيهات طالما لسة شاري العربية
الصوت من التكييف اكشف علي بلي الكباس
في صوت ونة عادي بعد ال120 لو التكييف شغل دة في الاوبترا كلها تقريبا
خلي بتاع التكييف يحط زيت للكباس
واخيرا
الف مبروك علي العربية

[abou-yahia]

بص فيه مستخلكات في العفشه سبق وغيرهم

كاوتش ميزان امامي

جلب مقص الكبيره

بارات دركسيوت

وراجع علي المساعدين والبطاحات

دول اساسي ليهم عمر وبيتاثروا بالعوامل الجويه وظروف التشغيل

استني شويه جمع فلوس وبعدين اعملهم

نوع الكاوتش بيفرق في احساس النشوفيه

اعرف ناس مركبه مونرو والكاوتش طري مخلي العفشه ممتازه

ممكن تكون طرمبه البنزين بتشاور عقلها

محتاج تكشف عليها

ربنا يباركلك فيها

تحياتي

[abdalaha]

شاكر جدا لكل واحد رد عليا واهتم وربنا يبارك فيكم ..... بصو ياجماعة انا واخد العربية من جارة خالتي ست عندها 52 سنة واول يد وحياة العربية كلها في مركز العوض وكيل شيفروليه
اخر صيانة عملتها هيا صيانة 60 الف في 24 ابريل 2014 والورقة مكتوب فيها مايلي
تم تغيير خرطوم تكيف من كمبروسير للسربنتينة
اويل سيل كمبروسير تكيف
تيل فرامل خلفي سكينة اوبترا
كوليه شريط ده الي اتغير...
علي جنب مكتوب ملاحظات. . مساعدين أمامية باليطحات.. طقم تيش ميزان..ريش مساحات.. متابعة للتكيف بعد 1000 كيلو
وهيا مغيرة زيت موبيل الجركن ابو 272 من 12 شهر كانت العربية عاملة 53500 ودلوقتي 59500 ومغيرة زيت فتيس 3 كيلو برضه من 12 شهر وفلتر زيت
كده انا مش عارف العربية محتاجة ايه علما اني هسافر بيها فهل في مشكلة والي اقدر اعملو حاليا وظروف تسمح هو ترصيص وزوايا وتربط عفشة وبس فهل في حاجة مهمة تانية
ارجو افادة تفصيلية وطبعا اخص دكتور عماد وشاكر للجميع

[abdalaha]

شاكر جدا لكل واحد رد عليا واهتم وربنا يبارك فيكم ..... بصو ياجماعة انا واخد العربية من جارة خالتي ست عندها 52 سنة واول يد وحياة العربية كلها في مركز العوض وكيل شيفروليه
اخر صيانة عملتها هيا صيانة 60 الف في 24 ابريل 2014 والورقة مكتوب فيها مايلي
تم تغيير خرطوم تكيف من كمبروسير للسربنتينة
اويل سيل كمبروسير تكيف
تيل فرامل خلفي سكينة اوبترا
كوليه شريط ده الي اتغير...
علي جنب مكتوب ملاحظات. . مساعدين أمامية باليطحات.. طقم تيش ميزان..ريش مساحات.. متابعة للتكيف بعد 1000 كيلو
وهيا مغيرة زيت موبيل الجركن ابو 272 من 12 شهر كانت العربية عاملة 53500 ودلوقتي 59500 ومغيرة زيت فتيس 3 كيلو برضه من 12 شهر وفلتر زيت
كده انا مش عارف العربية محتاجة ايه علما اني هسافر بيها فهل في مشكلة والي اقدر اعملو حاليا وظروف تسمح هو ترصيص وزوايا وتربط عفشة وبس فهل في حاجة مهمة تانية
ارجو افادة تفصيلية وطبعا اخص دكتور عماد وشاكر للجميع

[abou-yahia]

كده علي كلامه

محتاجه مساعدين بالبطاحات بكوتش الميزان

كمل عليهم وغير بيض الطرف وجلب المقصات

واعملهم عند اي عفشجي

Sent from my SM-N900 using Forum Runner

[abdalaha]

الميزلنية لاتسمح بالمرة للكلام ده ... امشي بيها عادي واروح ارصص واظبط زوايا واربط عفشة ولا اعمل ايه

[ddo]

الميزلنية لاتسمح بالمرة للكلام ده ... امشي بيها عادي واروح ارصص واظبط زوايا واربط عفشة ولا اعمل ايه

التوكيل بدل كاتب الملاحظات ديه فى اخر الفاتورة بيقى المساعدين والبطاحات وتيش الميزان بايظين ودول يعملو عدم ثبات العربية فى السرعات وبتسمع دبدبة فى المطبات فالافضل تغيرهم علشان شاسيه العربية والسوست ماتبوظش لان كده التحميل على سوسات العربية