مساعدين مونديو امامي للاوبترا ولا الاصلي ؟؟؟

[Elkordy2000]

السلام عليكم يا احلي منتدي
كنت عايز اغير مساعدين امامي للاوبترا اللي مرشحين زيت ، ياتري المنديو نوع جيد زي الاصلي وهيحافظ علي الثبات وده اهم حاجة ، ولا هيأثر علي الثبات وبلاش منها احسن واجيب الاصلي ؟؟؟ مع العلم ان المنديو ب 650 ج والاصلي ب 1100 ياريت اللي جرب النوع ده يقولي اخباره ايه ؟؟؟
شكرا

[diiie_hard]

هات اتنين كوري عادي تقريبا ب 500 جنيه زيرو
انا كنت غيرتهم وكانوا زي الفل وميه ميه ومش مأثرين علي المشي ولا اي حاجة

[Elkordy2000]

هات اتنين كوري عادي تقريبا ب 500 جنيه زيرو
انا كنت غيرتهم وكانوا زي الفل وميه ميه ومش مأثرين علي المشي ولا اي حاجة

اشكرك علي ردك واهتمامك ....

أيه يا جماعه فين باقي الاعضاء الخبره اللي مولعين القسم

[Khaled barakat]

اوعي تجيب الماندو نهائي زبالة ووزبالة وزبالة بنوعيها الكرتونة الزرقا والبني خليك في الاصلي انا جربت الماندو والكي واي بي الاصلي احسن منهم اوعي تجيب الماندو لو ببلاش خسارة تشيلوة من مكانة والبياعين نصابين خليك في الاصلي اشترية من النجار في دمشق وعلي ختم منصور وبتاع ال 1800 الاستيشن

[mona_881]

أنا برضه لسه كنت بسأل لغاية امبارح علي المساعدين ال جي ام الأصليين
أنا بصراحة مش داخل دماغي الموندو ده عند النجار ب 650
واستقريت علي الجي ام ان شاء الله من عند النجار برضه هو قاللي ب 1150 بس ممكن ساعتها أفاصل شوية
وكنت سألت في منصور قالولي ب 1320

[abou-yahia]

ماندو

ديه الشركه اللي بتعمل المساعدين لاغلب العربيات الكوري ان مكنش كلها

والاغلب الاصلي gm ماندو برضه

بس مواصفاتهم افضل

الفكره هنا في الاستيراد بيختار الاسوء

نصيحه هات مونرو

[legend_mohsen]

ماتجيب مساعدين مونرو احسن.

[ahmed.zahra]

انا جبت الأصلي من حوالي شهرين من النجار في شارع دمشق و نصيحة لازم تغير البطاحات هاتهم من عنده بالمرة و المساعدين كانوا ب 1100 و البطاحات 250. و المساعدين الأصلي ممتازين

[mona_881]

أنا جبت الجي ام الأصليين من النجار ب 1100 والبطاحات جي ام برضه ب 350
ربنا يسهل واروح اركبهم ان شاء الله

[BraveHeart_13]

الـ kyb ممتازين ونفس كفاءة الأصلى ويابانى وأوفر فى السعر بس لازم تتأكد إنهم اليابانى الأصلى وإلا هات الـ gm

[Elkordy2000]

انا فعلا جبت ال KYB بناءا علي نصيحة المهندس هاني في speed service وان شاء الله هكتب لكم تقرير عن الحاجات اللي اشترتها والتكاليف ومصاريف الخدمه , علشان برضوا الكل يستفيد

[BraveHeart_13]

انا فعلا جبت ال kyb بناءا علي نصيحة المهندس هاني في speed service وان شاء الله هكتب لكم تقرير عن الحاجات اللي اشترتها والتكاليف ومصاريف الخدمه , علشان برضوا الكل يستفيد

متابــع .. ويا ريت كمان مكان الشراء وكيفية التأكد بين الأصلى والمضروب