قطع الغيار الاصلية؟

[wanted45]

السلام عليكم
ممكن اعرف هو فيه قطع غيار للاوبترا اصلى خارج التوكيل ولا الاصلى فى التوكيل بس ولو فيه حد مضمون ويكون اصلى ١٠٠٪ ممكن اعرف ويا ريت يكون فى صقر قريش او المعادى وعن تجربه
وشكرا

[wanted45]

هو انا دخلت صحرا ولا ايه
لو سؤالى عيب حد يقولى وانا اشيله بس مش كده حد يعبرنى

[mmkhattab]

انا بقالي 5 سنين مع العربية و مشوفتش قطعة غيار للأوبترا في السوق شكلها أصلي
تلاقي البياع يقولك جي ام و اصلي و بلدها ولكن للأسف تطلع جودة مش قد كدة و لو أصلي بتبقى قديمة جدا يعني من 2006 مثلا
انا على قد ما أقدر بشتري قطع الغيار المهمة من الوكيل و بركبها عند المركز بتاعي
الأماكن اللي بتكلم عليها : شارع دمشق و التوفيقية و جسر السويس و الحي السابع ..
و الله أعلى و أعلم و نستنى باقي الشيفرولاوية يقولولنا خبرتهم يمكن يكون في أماكن وانا معرفهاش

[mona_881]

النجار أو المصرية والاتنين في شارع دمشق

[wanted45]

النجار أو المصرية والاتنين في شارع دمشق

شكرا على الرد
بس دول الحاجه بتاعتهم زى التوكيل ولا مش اكيد

[mona_881]

شكرا على الرد
بس دول الحاجه بتاعتهم زى التوكيل ولا مش اكيد

والله انا جبت من عندهم فلتر زيت (35) وفلتر تكييف (65) تقريبا وفلتر بنزين (35 تقريبا برضه) وكلهم كانو جي ام في علبة زرقا كده وكانوا كويسين
في واحد هناك في المصرية الفرع الصغير اللي بعد بنزينة توتال مش اللي قبلها اسمه الحاج رضا أكدلي انهم أصلي زي التوكيل