الاوبترا محيراني

[engboy]

السلام عليكم ورحمة الله وبركاته واعزائي الافاضل فى المنتدى الرائع ..

عندى مشكلة مجننانى فى العربية الاوبترا الاوتوماتيك .. هقولكم مواصفات العربية الاول وبعدين اقولكم على المشكلة

العربية اوبترا 2008 اوتوماتيك اشتريتها من شهرين تقريبا كانت عاملة على العداد 62000 كم



لما اشترتها لسة مغيرتش سيور ولا كاتينة ولا بلي لاني لما كشفت على العربية المهندس قالى شكلهم جداد لسة راكبين .. احنا نغيرهوملك بس على 5 الاف كيلو للاحتياط .. يعنى امشي بيها شوية .. تمام


المهم العربية بتجري وزي الفل بس صوتها عالى شوية وقالى احتمال يكون عندك كام بلف عايزين يتغيروا عشان فيه صوت تكتكة ..
العربية مش بتسخن ولله الحمد
مابتاكولش بنزين عملت مشوار 450 كيلو ب33 لتر بنزين بالتكييف
جري لغاية 150 بسهولة ومجربتش زيادة عن كدة
لكن المشكلة ان كتير بحس ان العربية عزمها في الطلوع قليل شوية ولما بشد مع حد بتاعفر شوية لكن هو بيطلع منى رغم ان الاوبترا بشكل عام في حالتها الطبيعية وحش كاسر ..

اخيرا بقى في صوت ونة غريبة وانا طالع على الاول بيختفي على الغيار التانى ؟؟

الونة دي هتجننى وقالبة دماغى .. مش عارف دي من الفتيس ولا بلى من بلى السيور ولا ايه بالظبط

ارجو الافادة والاهتمام والنصيحة من اخوتى الاعزاء

[ahmed.zahra]

اتطمن يا حسام. اعمل لها سيرفيس كامل بقطع الغيار الأصلية من سير كاتنية و البلية و الشداد بتوع الكاتينة و طرمبة المياة و سير المجموعة و فلتر هواء و فلتر بنزين و بوجيهات ngk (مش متأكد بصراحة من نوع البوجيهات) و اكشف على شدادات سير المجموعة و خراطيم المياه . الموضوع بسيط و مش مكلف و حتلاقي العربية رجعت بعدها وحش كاسر. و لو احتاجت اي مشورة قل لي.

[engboy]

اتطمن يا حسام. اعمل لها سيرفيس كامل بقطع الغيار الأصلية من سير كاتنية و البلية و الشداد بتوع الكاتينة و طرمبة المياة و سير المجموعة و فلتر هواء و فلتر بنزين و بوجيهات ngk (مش متأكد بصراحة من نوع البوجيهات) و اكشف على شدادات سير المجموعة و خراطيم المياه . الموضوع بسيط و مش مكلف و حتلاقي العربية رجعت بعدها وحش كاسر. و لو احتاجت اي مشورة قل لي.

تسلم يا ابو حميد يا جميل على زوقك
بس هل الونة دي ممكن تكون فعلا من بلية او سير ؟؟
المهندس هانى قالى اللى راكب فيها حاجة اسمها دايكو تقريبا وقالى مش حلوة قوي لكن سير المجموعة شكله جديد وبالتالى البلى برضه اكيد نفس الحالة والنوع فهل السبب الونة دي بلية عشان ماركتها متوسطة ؟؟

طيب طرمبة المياه ممكن تعمل الصوت ده ؟؟ رغم ان التبريد الحمد لله زي الفل ومابتسخنش ؟؟

[abdalaha]

موضوع العزم ده عادي في الاوتوماتيك انا لسة جايبها من 3اسابيع 2008 وعاملة 59 الف كيلو ونازل من لانوس اتخنقت في الاول من موضوع العزم بس اتعودت عليه وومكن تزود بنزين شوية العزم هيزيد او تحرق علي البنزين وموضوع الونة دي تحس ان الماتور بيعلي ويوطي لوحده عادي متشغلش بالك بيه ملاك كتير للاوبترا قالو عندهم نفس الموضوع وبيتظبط لما تغير الزيت وتحط زيت نضيف والله اعلم لاني جديد في عالم العربيات ومش عايز افتي .. وربنا يباركلك فيها ويرزقك خيرها

[ahmed.zahra]

الونة دي م/ هاني يقدر يحددلك هي من بلية و لا لأ. و دايكو ده نوع السير و مش شرط عشان السير جديد يكون اللي قبلك غير البلي أو الشدادات مع السير. و طرمبة المياة بيبقى ليها صوت لو تعبانة. و في كتالوج أوبترا مكتوب انك تغير طرمبة المياة كل 40.000 كم مع طقم الكاتينة.

[abou-yahia]

الاوبترا بتجيب كامل عزما علي عدد لفات موتور اقل من 3000 لفه

العزم اللي انت قصدك غليه مش قليل انت قصدك علي التسارع وده فعلا قليل وهيه ديه طبيعتها

لاكن جرب العربيه في مطلع كده وكلمني علي العزم بعد كده

[abou-yahia]

http://www.nilemotors.net/Nile/316904-dyno-day.html

موضوع مهم

[engboy]

موضوع العزم ده عادي في الاوتوماتيك انا لسة جايبها من 3اسابيع 2008 وعاملة 59 الف كيلو ونازل من لانوس اتخنقت في الاول من موضوع العزم بس اتعودت عليه وومكن تزود بنزين شوية العزم هيزيد او تحرق علي البنزين وموضوع الونة دي تحس ان الماتور بيعلي ويوطي لوحده عادي متشغلش بالك بيه ملاك كتير للاوبترا قالو عندهم نفس الموضوع وبيتظبط لما تغير الزيت وتحط زيت نضيف والله اعلم لاني جديد في عالم العربيات ومش عايز افتي .. وربنا يباركلك فيها ويرزقك خيرها

اللى غريب انها اوقات سحبها تقدر تشد بيه مع اى عربية .. واوقات تلاقيها سحبها كويس بس مش بنفس الوصف والحالات اللى بقول عليها .. وعادة السحب بيتحسن بالليل

الف مبروك على العربية يا استاذ عبدالله .. الاوبترا صفقة رابحة ولو بتجر في نصها

[engboy]

الونة دي م/ هاني يقدر يحددلك هي من بلية و لا لأ. و دايكو ده نوع السير و مش شرط عشان السير جديد يكون اللي قبلك غير البلي أو الشدادات مع السير. و طرمبة المياة بيبقى ليها صوت لو تعبانة. و في كتالوج أوبترا مكتوب انك تغير طرمبة المياة كل 40.000 كم مع طقم الكاتينة.

ان شاء الله هاروح للمهندس هانى قريب وهخليه يعملى السيرفيس كامل لانى ممعملتهوش من ساعة ما اشتريت العربية .. وربنا يسهل

[engboy]

الاوبترا بتجيب كامل عزما علي عدد لفات موتور اقل من 3000 لفه

العزم اللي انت قصدك غليه مش قليل انت قصدك علي التسارع وده فعلا قليل وهيه ديه طبيعتها

لاكن جرب العربيه في مطلع كده وكلمني علي العزم بعد كده

والله يا استاذ ابو يحي
حضرتك راجل محترم .. وبتجيب من الاخر .. هى العربية ما شاء عزمها في المطالع اسد امبارح بس كنت في هضبة الاهرام طلعت مطلع غبي جدا وعلى d وكنا اربعة في العربية .. والعربية ما شاء الله لا قوة الا بالله طلعته بكل بساطة وبدون نحر ولاصوت عالى والله مطلع متخلف فعلاً

لكن المشكلة في السحب .. احيانا تحت رجلة تبقى هواء واجيب العربيات كلها ورايا .. واحيانا تانية السحب يبقى عادي وفي الطلعة بنبقى جنب بعض في العربيات بعد مطب ولا حاجة لغاية لما تاخد سرعتها ..
وعادة السحب بيزيد في الليل والعربية تحس انها رايقة وهادية

هل موضوع الليل والنهار ده ليه فرق على سحب العربية

[abou-yahia]

والله يا استاذ ابو يحي
حضرتك راجل محترم .. وبتجيب من الاخر .. هى العربية ما شاء عزمها في المطالع اسد امبارح بس كنت في هضبة الاهرام طلعت مطلع غبي جدا وعلى d وكنا اربعة في العربية .. والعربية ما شاء الله لا قوة الا بالله طلعته بكل بساطة وبدون نحر ولاصوت عالى والله مطلع متخلف فعلاً

لكن المشكلة في السحب .. احيانا تحت رجلة تبقى هواء واجيب العربيات كلها ورايا .. واحيانا تانية السحب يبقى عادي وفي الطلعة بنبقى جنب بعض في العربيات بعد مطب ولا حاجة لغاية لما تاخد سرعتها ..
وعادة السحب بيزيد في الليل والعربية تحس انها رايقة وهادية

هل موضوع الليل والنهار ده ليه فرق على سحب العربية

الهواء لما يكون بارد نسبه الاكسجين بتعلي

فمعدل الحرق بيتحسن علي لفات معتدله

كل ما تبرد الهواء الخارج من الموتور وتزوده بنسب معينه كل ما يعلي في ادائه