اخيرا اوبـــترا 2014

[semam]

بسم الله الرحمن الرحيم

بعد اكثر من 3 اسابيع فى البحث عن سيارة بسعر معقول - جديدة وتكون اتوماتيك وعائلية

وقطع غيارها متوفرة - وشنطتها واسعة - وصالونها كبير- وعالية عن الارض

لم اجد افضل من الاوبترا وتم شرائها وترخيصها 3 سنوات بس للان لم اجربها على سرعات عالية

ومسافرتش بيها كل المشاوير داخل القاهرة والجيزة

كلمت التوكيل اسألة عن امكانية تركيب انذار قالى لا وان كدة هخرج من ضمان الكهرباء مش

عارف اركبة ولا لا فاشتريتلها غطاء ولوك للدركسيون صلب من التوفيقية

العربية فيها اير باج ومالتى فانكيشن فى الطارة وغالبا الشحنة دى كانت رايحة ليبيا

[hossamelsaqqa]

الف مليون مبروك يا باشا ربنا يباركلك فيها ،، وياريت تقولنا انطباعك عنها وعن سواقتها ، واية اللى كان ينقصها من وجهه نظرك لانى بصراحة بفكر فيها بردوة من ضمن اختياراتى ... وياريت لو كام صورة كدة من داخل السيارة بالتفصيل ... ومرة تانية ربنا يباركلك فيها ويبعد عنك كل سوء وشر

[Abo Yasso]

[Abo Yasso]

سعرها كان عامل كام
وعرفت منين موضوع لبيا

[semam]

سعرها بيزيد على فكرة لانى سألت عليها وصل السعر ل 120 الف انا جبتها ب 118.500

موضوع ليبيا واحد قالى علية كان معاة اوبترا قابلتة فى المرور وانا برخصها

وفية ورقة بتكون على الزجاج الامامى كان مكتوب عليها ليبيا

لان المفروض انها كانت بتنزل من غير الطارة المالتى فانكيشين ولا الاير باج

[D.Ahmed Ismail]

الف مبروك
دي فعلا كانت رايحة ليبيا و مواصفاتها مختلفة عن 2013 فيها ملتي و ايرباج بس الجنط اصبح 14 بل 15
اظن انها عملية بالسعر ده وسط الاسعار

[Abo Yasso]

مبروك عليك

[د.عماد صلاح]

مبروك احسن اختيار في الفئه دي

[semam]

مبروك احسن اختيار في الفئه دي

شكرا يا دكتور عماد وعلى فكرة موضوع حضرتك هو اللى شجعنى فى البحث عن العربية دى لان لاخر

وقت كنت بسأل على الافيو وياريت رقم حضرتك على الخاص ان امكن للتواصل

[soledad]

الف مبروك انا برده اشتريتها من حوالى اسبوعين
بس هل استلمت كتاب الضمان اصلى بقالى اكثر من عشر ايام ما اخدتيش الضمان من سمير ريان وبعدين لما اشتكيت ادانى كتاب مسوح الاسم عليه بالكركتور و متعدل عليه اسمى مش عارف هل فيه مشكله ولا عادى

[J A G U A R]

الف مبروك
اختيار صائب

[semam]

الف مبروك انا برده اشتريتها من حوالى اسبوعين
بس هل استلمت كتاب الضمان اصلى بقالى اكثر من عشر ايام ما اخدتيش الضمان من سمير ريان وبعدين لما اشتكيت ادانى كتاب مسوح الاسم عليه بالكركتور و متعدل عليه اسمى مش عارف هل فيه مشكله ولا عادى

الضمان هستلمة من المعرض اللى اشتريتها منة كمان كام يوم

ياترى اشتريتها بكام من سمير ريان

[soledad]

الضمان هستلمة من المعرض اللى اشتريتها منة كمان كام يوم

ياترى اشتريتها بكام من سمير ريان

انا جيبتها مانيوال ب 109

[semam]

انا كنت عاوز اعرف النور العالى بيشتغل ازاى فى الاوبترا

لان الدراع اليمين فية 3 مستويات الاول بيكون فاصل الثانى نور التابلوة والتالت النور الواطى وفوق وتحت الاشارات اليمين والشمال

[mona_881]

انا كنت عاوز اعرف النور العالى بيشتغل ازاى فى الاوبترا

لان الدراع اليمين فية 3 مستويات الاول بيكون فاصل الثانى نور التابلوة والتالت النور الواطى وفوق وتحت الاشارات اليمين والشمال

النور العالي بتزق الدراع للداخل ناحية التابلوة يفضل شغال
أو تسحبه عليك يعني ناحيتك يدي قلاب