استفسار كروز 2014

[zoma ahmed]

السلام عليكم انا من ملاك هوندا سيفيك وبعد تفكير عميق وبسبب غلاء قطع الغيار قررت ابيعها واشتري كروز 2014 ومحتاج مساعدة من اصحاب الكروز
اولا اسعار قطع الغيار الاستهلاكية (تيل فرامل , فلاتر ,....)
تانيا هل السيارة فيها عيوب ؟؟

[el_cas2002]

متابع

[echo7]

ولله من قرائاتي في المنتدي بعد تغير المتور و الفتيس بماتور استرا وفتيس استرا مبقاش فيها مشاكل بس المشكله القديمه بتاعت الفتيس لسه مسمعه والناس بتخاف منها.عموما لو انت مبتفكرش في اعاده البيع قريب ابقي اشتريها العربيه فيها جميع وسائل الامان. انا بدور علي عربيه جديده بس مقلق من حكايه اعاده البيع دي

[soltanfriend]

المشكلة انك بعد ما جربت طلعه الهوندا وتسارعها مش ها تحب ابد الكروز لانها تحت سرعه ال80 مع احترامى لملاكها بطة بلدى بكل ما تحتويه الكلمة من معنى

[dreslam]

المشكلة انك بعد ما جربت طلعه الهوندا وتسارعها مش ها تحب ابد الكروز لانها تحت سرعه ال80 مع احترامى لملاكها بطة بلدى بكل ما تحتويه الكلمة من معنى

حضرتك بتتكلم على الكروز 2010 ولا 2014 عشان طلعه الكروز 2014 مش بطه بلدي خالص

[zoma ahmed]

المشكلة انك بعد ما جربت طلعه الهوندا وتسارعها مش ها تحب ابد الكروز لانها تحت سرعه ال80 مع احترامى لملاكها بطة بلدى بكل ما تحتويه الكلمة من معنى

انا سألت في المعرض قالولي ان المشكلة دي اتحلت بتغيير الموتور لموتور استرا مش عارف هل الكلام دا صحيح ؟؟

[dreslam]

انا سألت في المعرض قالولي ان المشكلة دي اتحلت بتغيير الموتور لموتور استرا مش عارف هل الكلام دا صحيح ؟؟

اي نعم الكلام ده صحيح

[ashouhdy]

لو عايز جري هات سيراتو او الانترا


بس يافرحتى تجري تجري وتيجي تضرب فرامل تلاقي بالية بحيرة البجع

[mhmdabdo]

متابع
سامع انها بقت فئه واحده بس 150 هل دي الفئه اللي كانت 160 ولا الاقل الي كانت ب 150 يعني مفيش خصم ؟
هي قليله في السوق ليه مبشغهاش في المعارض خالص؟
ماتوها هو بتاع الاسترا ولا نسخه منه لان الصراحه لو نفس الماتور يبقا لواحد يجربها وخصوصا بالسعر دا

[mido]

العربية دي بكل مواتيرها فيها مشكلة الslow pick up
و عمرها ما هتديك اداء الهوندا و هي اصلا مش معمولة عشان كده :)

[mhmdabdo]

انا شايف فيديوهات للعربيه 1.6 115 11 ثانيه من 0-100
الشارك 10
السيفيك 9
مش عارف الفرق مش كبير مع العلم ان السيفيك معطمه معدل او منوال

[echo7]

العربية دي بكل مواتيرها فيها مشكلة الslow pick up
و عمرها ما هتديك اداء الهوندا و هي اصلا مش معمولة عشان كده :)

ممكن توضح يعني ايه slow pickup?

[mido]

ممكن توضح يعني ايه slow pickup?

يعنى طلعتها بطيئة و مش بتجمع بسرعة

[max13]

حرام عليك تبيع هوندا وتركب كروز مع احترامى للكروز وملاكها بس الهوندا هوندا برده

[zoma ahmed]

لو عايز جري هات سيراتو او الانترا


بس يافرحتى تجري تجري وتيجي تضرب فرامل تلاقي بالية بحيرة البجع

اهم من الجري بالنسبالي الثبات مظنش بعد الهوندا هعرف اركب سيراتو او النترا