الاوبترا الجديدة بصراحة اختراع

[kirolloshossam]

مساء الخير يا رجالة المنتدى الرائع
يوم الخميس اللى فات بعد طول انتظار دام اكتر من شهر ونصف يمكن اكتر شوية واحد صاحبى استلم اخيرا الاوبترا الجديدة هاى لاين المهم عربية جميلة جدا واسعا جدا فيها رائة بصراحة وهى تتخيلوا فيها فتحة سقف وفيها سنسور بارك وفيها فرش جدا (اكيد مش طبيعى)وفيها ايموبيليزر ةوكماننننن الكبية مالتى فى الطارة اية كل دة طبعا الحاجات دى فى الاوربى والالمانى حاجة تافهة يعنى بس هى فيها حاجة عربية اوى الشاشة اللى فى العدادت رخمة شوية صغيرة اوى اوى مش عارف لية المهم العربية حاءت بالسلامة من الجراج واستلمنها والمهم وجربت العربية بالامانة جميله اوى وثابتة بصراحة عربية مشاء اللة عليها جميلة ربنا يباركلوا فيها جميلة بس هى فيها حاجة تانية ((((متقفلة فى الصين)))) بس بصراحة متقفلة عشرة على عشرة انا قولت اما تتكلم عنها شوية عشان العربية لسة جديدة بس حلوة بصراحة لو اى حد عايز اى استفسار عنها انا تحت امروا شكرا على الاطالة

[aymanshebl]

مبروك

[akmm]

التقفيل الصينى او الصناعه الصينيه لايعيبها انها صينى ... ولكن اللى يعيب اى منتج صينى ويتضح انه ردىء هو التاجر اللى استورده من الصين ونزل بتكلفه إنتاجه وصناعته الى ادنى حد من الجوده رغبه منه في تقليل سعر شرائه لنفسه ورفع السعر عند وروده للبيع بمعرفته .. بمعنى ان الجوده ومقدارها في المنتج الصينى تخضع سلبا او ايجابا برغبه التاجر المشترى .......

[د.عماد صلاح]

مبروك ...ونتمني حضرتك تكتب تقرير عن العربيه من حيث الثبات و التكييف والاداء بعد اسبوع او اتنين كده حضرتك هتفيد اعضاء كتير و هيكون اول تقرير عنها في المنتدي من حيث الاداء و هنفيد ناس كتير ...ومعلش بنتعب حضرتك معانا

[عبدالله برعى]

فى انتظار التقرير لل 1000 الاولى

[walker2000]

انتظار تقرير 1000

[mona_881]

ألف مبروك ربنا يبارك لك فيها
وأخيراااااااااا حد قال كلمة حلوة في حق الاوبترا الجديدة

[eng_amg]

الف مبروك.
الصراحة انا لمحتها راكنة في اكتوبر وانا ماشي جنبها في البطئ وكنت شايفها من الامام افتكرت انها حاجة جمرك زي الكامارو واعجبت بيها جدا لما لقيتها اوبترا.
ارجو الافادة في تقييمك لها من حيث النعومة والعفشة والسحب والعزل والاتزان.
وايضا اسعار قطع الغيار.

[kirolloshossam]

التقفيل الصينى او الصناعه الصينيه لايعيبها انها صينى ... ولكن اللى يعيب اى منتج صينى ويتضح انه ردىء هو التاجر اللى استورده من الصين ونزل بتكلفه إنتاجه وصناعته الى ادنى حد من الجوده رغبه منه في تقليل سعر شرائه لنفسه ورفع السعر عند وروده للبيع بمعرفته .. بمعنى ان الجوده ومقدارها في المنتج الصينى تخضع سلبا او ايجابا برغبه التاجر المشترى .......

اولا شكرا لمرور حضرتك هى المشكلة فى التفيل فى الصين كلمة صينى دى بتجيب نوع من انواع المضايقة شوية بالنسبة للعميل بسة ربنا يسترها العربية عملت حاجة غربية ربنا يعديها على خير يارب

[kirolloshossam]

شكرا لكل الناس الجميلة الللى باركتلنا على العربية المهم جاى فى السكة تقرير ((((((((((ال34 كيلو )))))))))
العلابية زى الفل مافيش اى حاجة خالص ومرة واحدة بدون اى سبق انذار (((((((((((((الباور فصل )))))))))))))
تتخيلوا الحركة دى ممكن تحصل والعربية لسة مارخصتش انا لقيت صاحبى عديت على فى المحل لقيتوا قاعد حزين قولتلوا مالك قالى الحق يا كيرلس الباور فصل قولتلوا فصل يا حزنى لقيت نفس حزنت نفس الحزن واتحولت زى بالظبط لية حركة زى دى ممكن تحصل قولت ممكن الزيت ناقص لقيت الزيت تمام والسير تمام وكلوا تمام ودورة الزيت كلها زى الفل اة اللى حصل اللة واعلم القصة دى كلها من حوالى ساعتين بالظبط مش عارف بصراحة ممكن اعمل اية بالظبط عايز حد ينصحنى شكرا على الاطالة

[J A G U A R]

العلابية زى الفل مافيش اى حاجة خالص ومرة واحدة بدون اى سبق انذار (((((((((((((الباور فصل )))))))))))))
تتخيلوا الحركة دى ممكن تحصل والعربية لسة مارخصتش انا لقيت صاحبى عديت على فى المحل لقيتوا قاعد حزين قولتلوا مالك قالى الحق يا كيرلس الباور فصل قولتلوا فصل يا حزنى لقيت نفس حزنت نفس الحزن واتحولت زى بالظبط لية حركة زى دى ممكن تحصل قولت ممكن الزيت ناقص لقيت الزيت تمام والسير تمام وكلوا تمام ودورة الزيت كلها زى الفل اة اللى حصل الله واعلم القصة دى كلها من حوالى ساعتين بالظبط مش عارف بصراحة ممكن اعمل اية بالظبط عايز حد ينصحنى شكرا على الاطالة

دى حاجه خطيره جدا وبيحصل حوادث بسببها
لازم تطلع على التوكيل ولو معملوش حاجه اشتكى فى حمايه المستهلك
بس اتأكد الاول ان الباور فعلا فاصل
هتلاقى الدريكسيون تقيل جدا زى اللادا كده وممكن ميتحركش خالص

[bougee]

الصين بتديلك على قد فلوسك

التقفيل الصينى او الصناعه الصينيه لايعيبها انها صينى ... ولكن اللى يعيب اى منتج صينى ويتضح انه ردىء هو التاجر اللى استورده من الصين ونزل بتكلفه إنتاجه وصناعته الى ادنى حد من الجوده رغبه منه في تقليل سعر شرائه لنفسه ورفع السعر عند وروده للبيع بمعرفته .. بمعنى ان الجوده ومقدارها في المنتج الصينى تخضع سلبا او ايجابا برغبه التاجر المشترى .......

الكلام ده صحيح مليون في الميه

كنت شغال فترة في محل أحذية كبير في أمريكا وكنا بنستورد أحذية من الصين والهند
بس بصراحة ... فخامة فوق الوصف وجودة فوق الممتازة ... يكفى أقولك إنه في مره بعتولنا موديل أحذية غير إيلي طلبناه ولكن ممتاز بردو .. كلمناهم بالتليفون ... وكنا فاكرين إن الشحنة حترجع وكنا ناوين نتفاوض على طريقة خصم تمن الشحن .. ولكن لقينا الناس بيقولولنا ... ياريت تقطعوا part number من داخل كل حذاء ( لان كل حذاء يوجد عليه part number ) مطبوع على الجلد من الداخل .. وبعدين نبعتهم بالبريد وسوف يقوموا بإرسال الشحنة البديلة ...
شوفوا الناس والتعامل والحفاظ على العميل ...
يااااااااه كانت أيام

[bougee]

شكرا لكل الناس الجميلة الللى باركتلنا على العربية المهم جاى فى السكة تقرير ((((((((((ال34 كيلو )))))))))
العلابية زى الفل مافيش اى حاجة خالص ومرة واحدة بدون اى سبق انذار (((((((((((((الباور فصل )))))))))))))
تتخيلوا الحركة دى ممكن تحصل والعربية لسة مارخصتش انا لقيت صاحبى عديت على فى المحل لقيتوا قاعد حزين قولتلوا مالك قالى الحق يا كيرلس الباور فصل قولتلوا فصل يا حزنى لقيت نفس حزنت نفس الحزن واتحولت زى بالظبط لية حركة زى دى ممكن تحصل قولت ممكن الزيت ناقص لقيت الزيت تمام والسير تمام وكلوا تمام ودورة الزيت كلها زى الفل اة اللى حصل الله واعلم القصة دى كلها من حوالى ساعتين بالظبط مش عارف بصراحة ممكن اعمل اية بالظبط عايز حد ينصحنى شكرا على الاطالة

يااااااه
ربنا معاه ... وبعدين عمل أيه مع التوكيل
من غير كلام ... لازم يتصل بالتوكيل ويقولهم على الحكاية دي ويعرف أيه إيلي حايحصل ( هل حيوديلهم العربية ويكشفوا عليها ولا أيه العمل ؟ )
ياريت تقولنا أيه إيلي تم في الموضوع ياكيرولوس
وربنا يعديها على خير ..

[kirolloshossam]

يااااااه
ربنا معاه ... وبعدين عمل أيه مع التوكيل
من غير كلام ... لازم يتصل بالتوكيل ويقولهم على الحكاية دي ويعرف أيه إيلي حايحصل ( هل حيوديلهم العربية ويكشفوا عليها ولا أيه العمل ؟ )
ياريت تقولنا أيه إيلي تم في الموضوع ياكيرولوس
وربنا يعديها على خير .. :copy of rfds:

شكرا جزيلا على الاهتمام الكبير المهم العربية فى التوكيل من يوم الخميس المهم العربية دخلت عليه طبعا اول مرة يقابلهم عيب زى دة فى العربية دى دلوقتى المهم العربية دخلت تمام زى الفل كل واحد يعد يتصعب علينا شوية وخلاص المهم العربية عايزة كالاتى
1 اسكاترا كاملة
2 باور كامل بالخراطيم
3 صليبة دريكسيون
تتخيلوا كل دة والعربية زيرور المهم المهندس الكبير قالنا لازم العربية دى ترجع قلنالوا ياريت قالنا العربية لسة مارخصتش ما هى العربية من غير نمر قلتلوا لا العربية رخت بالفعل والرخصة جاى فى السكة قالى خسارة كبيرة كنا ممكن نرجعها او مارخصتش المه العربية لسة هناك لحد دلوقتى بتتصلح واتحكت هنا فى التوكيل حاجات غربية عمالة تحصل الحمدة للة على كل شى

[kirolloshossam]

الكلام ده صحيح مليون في الميه

كنت شغال فترة في محل أحذية كبير في أمريكا وكنا بنستورد أحذية من الصين والهند
بس بصراحة ... فخامة فوق الوصف وجودة فوق الممتازة ... يكفى أقولك إنه في مره بعتولنا موديل أحذية غير إيلي طلبناه ولكن ممتاز بردو .. كلمناهم بالتليفون ... وكنا فاكرين إن الشحنة حترجع وكنا ناوين نتفاوض على طريقة خصم تمن الشحن .. ولكن لقينا الناس بيقولولنا ... ياريت تقطعوا part number من داخل كل حذاء ( لان كل حذاء يوجد عليه part number ) مطبوع على الجلد من الداخل .. وبعدين نبعتهم بالبريد وسوف يقوموا بإرسال الشحنة البديلة ...
شوفوا الناس والتعامل والحفاظ على العميل ...
يااااااااه كانت أيام

الكلام دة جميل جدا بس على ما اعتقد مش فى مصر اى حاجة صينى فى امريكا بصراحة بحس انا غير بتاعتنا خاص مش عارف عشان هما محترمين عننا شوية فى التجارة ولا اية المشكلة مش عارف