التكييف بيفصل

[د احمد]

لما بسافر بالعربيه بعد ساعه او اكتر بحس ان التكييف فصل ومابيطلعش هوا بارد افصل التكييف واشعله تاني يرجع يبرد تمام ياتري ايه السبب اوبترا 2009

[J A G U A R]

نقص فيريون
ونظف معاك السربنتينه وفلتر التكييف

[hesham fawzy h]

انا سمعت المشكلة دى من كذا عضو .. بيقولو التكيف بيفصل و يشتغل مروحة فقط بعد حوالى ساعتين من التشغيل المتواصل

[د احمد]

هجرب واشوف وشكرا لحضرتك

[د احمد]

انا سمعت المشكلة دى من كذا عضو .. بيقولو التكيف بيفصل و يشتغل مروحة فقط بعد حوالى ساعتين من التشغيل المتواصل

هو ده اللي بيحصل معايا بالظبط

[sanhory]

في حساس راكب عالكومبريسور بيكون في بعض الموديلات للحفاظ على حرارة الكباس . لو هيس بيعمل كده ، استشير حد بتاع تكييف كويس و نبهه لنقطة الحساس ، بعض الناس بتلغيه خالص

[J A G U A R]

انا سمعت المشكلة دى من كذا عضو .. بيقولو التكيف بيفصل و يشتغل مروحة فقط بعد حوالى ساعتين من التشغيل المتواصل

هو ده اللي بيحصل معايا بالظبط

كفائه التكييف فى الاوبترا بتقل فعلا بعد ساعتين تقريبا من تشغيله
يعنى انا عندى شحنه كويس بس بلاحظ بعد ساعتين التبريد بيضعف بس مش لدرجه انه بيكون مروحه عن الاول .. لدرجه انى بعلى التكييف

لو التكييف عند حضرتك اول ما بتشغله بتحس ان درجه التبريد مش المطلوبه او فيها نسبه سخونه يبقى محتاج شحن فريون وطبيعى بعد ساعتين يبقى مروحه شغاله مش تكييف

وقبل ما تعمل حاجه خلى حد يشوفها الاول

[shoshasam]

في حاجه اسمها فصل كامل وفصل تدريجي بمعني :
* لو التكييف بيفصل بعد ساعه زي مابتقول يعني من بروده كاملة لسخونية مفاجئه
كده فصل كامل وده معناه الكمبروسر هوه اللي بيفصل
* لكن لو علي مدار ساعه بيبدأ التكييف يقل واحده واحده لحد ما يوصل انه بقي مروحه
ده اسمه فصل تدريجي يعني نقص في كمية الفريون اللي في دورة التكييف
ودي كانت عندي والحمد لله راحت لما شحنت فريون

بس يفضل تعمل كبس للدورة لمده ساعه عند واحد بيفهم عشان تتاكد
ان مافيش اي تسريب في اي حته وتغسل السربنتينه وتنضف الفلتر وكله هايبقي تمام باذن الله

[د احمد]

انا بحس انه بيفصل مره واحده مش تدريجي ولما بفصل الكمبرسور بحس بهوا ساقع اكتر من لما كان شغال وكأنه شغال الموضوع ده يستمر حوالي خمس دقايق او اقل بعدها يبدأ يدخل هوا سخن ارجع اشغل التكييف تاني يرجع يبرد بكفاءه عاليه ساعه او اكتر ويفصل تاني وهكذا انا ببقي خايف لما بفصل الكمبرسور واشغله وانا ماشي بسرعه لاني اعرف ان ده غلط

[J A G U A R]

انا بحس انه بيفصل مره واحده مش تدريجي ولما بفصل الكمبرسور بحس بهوا ساقع اكتر من لما كان شغال وكأنه شغال الموضوع ده يستمر حوالي خمس دقايق او اقل بعدها يبدأ يدخل هوا سخن ارجع اشغل التكييف تاني يرجع يبرد بكفاءه عاليه ساعه او اكتر ويفصل تاني وهكذا انا ببقي خايف لما بفصل الكمبرسور واشغله وانا ماشي بسرعه لاني اعرف ان ده غلط

ممكن فريون زياده وهايعوز يتعمل فاكيوم ويطلع الفريون ويتشحن من جديد