لمبة ال esp نورت

[armobarak]

السلام عليكم يا شباب ..

انهارده دورت العربية الصبح لقيت لمبة ال esp منورة ... خرجت من الجراج و بطلت العربية ودورت تاني لقيتها لسة منورة ..

طلعت على الشغل من التجمع للمعادي وهي كل ده منورة ..

لما وصلت بطلت العربية ودورتها تاني اللمبة طفت ...

حد عنده فكرة ده ممكن يكون إيه بالضبط ؟

وهي اللمبة امتى أصلا تنور ؟؟

[Hosam_Optrawy]

تنور لما تكون قافل التراكشن كنترول يعنى دوست على الزرار

بس المفروض لما بطلت ودورت اول مره كانت تطفى

[shahen]

فيه زرار جنب عصاية الفتيس خاص ب esp حد داس عليه

[ashouhdy]

غالبا في طين كتير غرق ال Sensors عندك او الكاوتش كان فية زيت او اى حاجة تقلل ال traction

ومع الوقت نشف و القراية بقت مظبوطة

لأن اللمبة دى بتقول ان السيستم شغال الأن

والمفروض ميشتغلش غير في ظروف خاصة

[MuhamedNabil]

اتأكد الاول ان الزرار مكنش مداس عليه لو مش ده يبقى ....

فى اغلب العربيات قراية سرعات العجل بتتاخد من حساسات ABS/ESP/Speed البدورها بتاخد قريتها من حاجة زى رينج بيكون مثبت على الطنابير فى اغلب الاحيان او على البلى bearings

لو اللمبة نورت فى اول التشغيل ده معناه ان system checkup شاف حاجة مش مظبوطة و ده كان قبل الحركة يعنى ممكن تستبعد وساخة على الرينج او السنسور ترجح فيشة سنسور على سبيل المثال او زرار او لقدر الله ESP controller

الحجات الداخلة البتأثر برده على ال ESP BAS ABS زرار بيسموا هنا مكنة الفرامل break switch و ده بيكون موجود فوق دواسة الفرامل و ده البيعرف النظام انك حاليا دايس فرامل و برده مسؤل عن فصل الكروز كنترول و نور الفرامل و فك اللوك بتاع الفتيس P

حاجة تانية دخلة فى ESP برده steering angle sensor

الوساخة او الطينة السنسور مش حيحس بيها غير لما العربية تبتدى تمشى و ميقدرش ياخد قراية.
السنسور لو بايظ او فصل ممكن لمبة ABS تنور ده لو عندك لمبة منفصلة للِ ABS

هل فيه رسالة طلعت مع اللمبة بتاعت ال ESP

بصراحة حاول تروح تكشف بالجهاز بتاع العربية الاصلى مش fault code reader المنتشر عند المكانيكية لانه اوقات كتير بيكون غير دقيق و بيضللك فى معرفة العطل فين.

انا حصل معايا موقف كنت ماشى على الصحراوى و مثبت السرعة 100 و مرة وحدة لقيت المثبت فصل و العجلة الشمال فرملت للحظة و طلعلى ESP fault ربنا ستر انى مكنتش بجرى كان حيبقى الموضوع مختلف.

عشان كده حاول تنجز فى الموضوع ده لان اعراضه غير متوقعة

[armobarak]

تنور لما تكون قافل التراكشن كنترول يعنى دوست على الزرار

بس المفروض لما بطلت ودورت اول مره كانت تطفى

فيه زرار جنب عصاية الفتيس خاص ب esp حد داس عليه

لما بيتداس على الزرار لفصل ال ESP اللمبة الي بتنور بتكون نفس العلامة دي بس مكتوب تحتها off و بتكون ناحية عداد السرعة .. فـمش هي دي المشكلة

[armobarak]

غالبا في طين كتير غرق ال sensors عندك او الكاوتش كان فية زيت او اى حاجة تقلل ال traction

ومع الوقت نشف و القراية بقت مظبوطة

لأن اللمبة دى بتقول ان السيستم شغال الأن

والمفروض ميشتغلش غير في ظروف خاصة

لا أنا ممشيتش في زيت ولا طين كتير وللأسف اللمبة رجعت نورت تاني وقعدت طول اليوم امبارح تنور شوية وتطفي شوية ... لكن لاحظت إن كانت امبارح بتطفي بعد مابشغل العربية بعد ماتكون وقفت شوية وترجع تشتغل لما أمشي على حتة مكسرة شوية ...

لكن للأسف انهارده فضلت منورة طول اليوم ..

وبالمناسبة كنت قريت إن لما السيستم بيكون شغال اللمبة بتنور وتطفي مش بتفضل منورة ثابتة

[armobarak]

اتأكد الاول ان الزرار مكنش مداس عليه لو مش ده يبقى ....

فى اغلب العربيات قراية سرعات العجل بتتاخد من حساسات abs/esp/speed البدورها بتاخد قريتها من حاجة زى رينج بيكون مثبت على الطنابير فى اغلب الاحيان او على البلى bearings

لو اللمبة نورت فى اول التشغيل ده معناه ان system checkup شاف حاجة مش مظبوطة و ده كان قبل الحركة يعنى ممكن تستبعد وساخة على الرينج او السنسور ترجح فيشة سنسور على سبيل المثال او زرار او لقدر الله esp controller

الحجات الداخلة البتأثر برده على ال esp bas abs زرار بيسموا هنا مكنة الفرامل break switch و ده بيكون موجود فوق دواسة الفرامل و ده البيعرف النظام انك حاليا دايس فرامل و برده مسؤل عن فصل الكروز كنترول و نور الفرامل و فك اللوك بتاع الفتيس p

حاجة تانية دخلة فى esp برده steering angle sensor

الوساخة او الطينة السنسور مش حيحس بيها غير لما العربية تبتدى تمشى و ميقدرش ياخد قراية.
السنسور لو بايظ او فصل ممكن لمبة abs تنور ده لو عندك لمبة منفصلة للِ abs

هل فيه رسالة طلعت مع اللمبة بتاعت ال esp

بصراحة حاول تروح تكشف بالجهاز بتاع العربية الاصلى مش fault code reader المنتشر عند المكانيكية لانه اوقات كتير بيكون غير دقيق و بيضللك فى معرفة العطل فين.

انا حصل معايا موقف كنت ماشى على الصحراوى و مثبت السرعة 100 و مرة وحدة لقيت المثبت فصل و العجلة الشمال فرملت للحظة و طلعلى esp fault ربنا ستر انى مكنتش بجرى كان حيبقى الموضوع مختلف.

عشان كده حاول تنجز فى الموضوع ده لان اعراضه غير متوقعة

أشكرك على الرد الوافي ده ... طبعا للاسف أجازة العيد داخلة خلاص فمش حقدر أروح التوكيل إلى بعد العيد .. أرجو إن ميحصلش أي حاجة غير متوقعة لاني كمان مسافر السخنة في العيد

[beshoooy]

روح التوكيل خليهم يعملو لك check احسن و طمنا
ان شاء الله تطلع حاجه بسيطه

[armobarak]

روح التوكيل خليهم يعملو لك check احسن و طمنا
ان شاء الله تطلع حاجه بسيطه

إن شاء الله ححاول اكلمهم بكرة احجز السبت اللي بعد العيد

[ashouhdy]

عايزك تعمل حاجة وقولي اية الاخبار

شيل كابل البطارية الارضي (السالب) لمدة ٢٠دقيقة

المفروض حتعمل اعادة ضبط لكل حاجة اوتوماتيك.

شوف وقولنا

[armobarak]

عايزك تعمل حاجة وقولي اية الاخبار

شيل كابل البطارية الارضي (السالب) لمدة ٢٠دقيقة

المفروض حتعمل اعادة ضبط لكل حاجة اوتوماتيك.

شوف وقولنا

أنا لسة مكلم مهندس من التوكيل من ساعة عشان كنت عايز اطمن إن مفيش مشكلة لو مشيت بيها لحد السبت الي بعد العيد وقالي نفس الكلام ... أشيل كابل البطارية 10 دقائق وشوف لو اللمبة طفت يبقى مفيش مشكلة

[ashouhdy]

ان شاء الله مفيش مشكلة

ولو في فدة حساس بيتغير في الضمان متقلقش


غالبا على حسب ما دورت وسألت هو كابل البطارية

[armobarak]

ان شاء الله مفيش مشكلة

ولو في فدة حساس بيتغير في الضمان متقلقش


غالبا على حسب ما دورت وسألت هو كابل البطارية

للأسف فصلت البطارية ورجعتها بعد 20 دقيقة وفضلت اللمبة منورة زي ما هي

[beshoooy]

للأسف فصلت البطارية ورجعتها بعد 20 دقيقة وفضلت اللمبة منورة زي ما هي

طب كلمت المهندس بتاع التوكيل ده تانى ولا ايه ؟؟؟؟