خلو بالكو من قطع غيار منصور

[mmtronic]

خلو بالكو يا جماعه
زى منصور ما عودنا على المفاجات المحزنه

راجع قطع الغيار علشان دلوقتى قطع الغيار بقت صينى

اولها اشتريت بوجيهات من الوكيل ngk - gmلقيتها made in china

[aymanshebl]

لا يعيب قطع الغيار انها صينى كل حاجة فى امريكا صينى بس الصينى اللى بيروح الى امريكا غيررررررررررر اللى بيروح عندنا بس الفكرة فى التوكيل اللى بيسترخص و يجيب اى كلام و خلاص

[beshoooy]

يا جماعه لو هى قطع غيار gm اصليه ايه المشكله لو متصنعه فى الصين !!!!

[Mahmoud_Yassin]

طيب هل فى اماكن تانى غير منصور ممكن نشترى منها قطع الغيار الاصلى

[J A G U A R]

الصين دى من احسن الصناعات فى العالم
طالما gm خلاص

[mmtronic]

الصين دى من احسن الصناعات فى العالم
طالما gm خلاص

استنى بس لما تجربه

بس الى حاسه أنى مش متفائل من الى شفته

[Abo_Mazen]

يعني نقدر نقول إن هو صيني especial order عشان خاطر منصور ولا إيه ..أي صيني جاي مصر أكيد هيكون من أسواء ما صنعت الصين

[mmtronic]

يعني نقدر نقول إن هو صيني especial order عشان خاطر منصور ولا إيه ..أي صيني جاي مصر أكيد هيكون من أسواء ما صنعت الصين

أنا الى كان مخلينى مستمر مع منصور فى الصيانة هيا أنى ضامن ان قطع الغيار كورى اهه حاجه تسند السمعه الزفت بتاعه منصور ( منه لله )

دلوقتى مش عارف اعمل ايه .... انا داخل على تغير سيور كاتينه و دينامو و الذى منه و مش عارف اعمل ايه لو لقيت قطع الغيار دى صينى بدل الكورى

[S O P H O S]

توكيل تويوتا برضوا بقي يطلع
بعض القطع صيني المهم تبقي اصلية

[mido]

لما بتشترى من التوكيل بيكون فيه ضمان كذا الف على قطعة الغيار بغض النظر صينى او لأ و اصلا فى المحلات عمرك ما هتعرف صينى ولا كورى و كله بيتضرب

[Usama Nagi]

عن خبره في حاجات تتجاب من التوكيل و حاجات من بره
كل القطع الخارجيه في الصاج و الاكصدامات و الرفارف تتجاب من بره
اللمض و حاجات الكهربا من بره
البوجيهات و الزيوت من بره

الفلاتر و السيور و التيل و المساعدين من التوكيل

في حاجات التوكيل انضف حاجه فيها و في حاجات التوكيل مغلي فيها قوي و ممكن تتجاب من بره

[Usama Nagi]

لما بتشترى من التوكيل بيكون فيه ضمان كذا الف على قطعة الغيار بغض النظر صينى او لأ و اصلا فى المحلات عمرك ما هتعرف صينى ولا كورى و كله بيتضرب

الضمان لو ركبت عندهم لكن لو ركبت القطعه بره التوكيل مالهاش ضمان

[mido]

الضمان لو ركبت عندهم لكن لو ركبت القطعه بره التوكيل مالهاش ضمان

صراحة معنديش فكرة انا بريح دماغى واعمل كل حاجة عندهم الكروز دى اصلا تحسها بتتلكك و مش طالبة خوازيق

[Omar Mahmoud]

في الاوبل مش هجيب قطعة غيار من منصور حتي لو مكتوب عليها made in germany

[Eng_hatemfathy]

بمناسبة اللمبات اللي من بره
في صيانة الخمسة قالي لمبة الشبورة اليمين محروقه اللمبه ب ٩٥ والتركيب ٦٠ فطبعا كتير وقالي ممكن تعملها بره مش هتفرق المهم نزلت علي ميدان الجامع عند اولاد عشم قالي في نوعين نوع ب ٣٠ ونوع ب٦٥ طبعا الغالي فيلبس الماني "هكذا الاستيكر المغشوش" خدتها من غير ما ينزل جنيه وركبتها قدامه بعشره جنيه اقل من اسبوع واتفحمت جبتها من التوكيل ب ١٣٥ "مش عارف ازاي" وانا ركبتها بنفسي وطبعا عملت لنفسي اكرامية ومرضتش اخد ولا تعريفه والحمد لله شغاله كويسه
نسيت اقول اني صورت اللمبه واتصلت باولاد عشم قالي تعالي انهارده فقولتله هجيلك بعد اسبوع وبصراحه اتشغلت ونفضت للموضوع بس اتعلمت منه