سقف الاوبترا اتطبق

[semam]

بسم الله الرحمن الرحيم

من يومين نزلت لقيت سقف العربية متطبق جدا لدرجة انى افتكرت ان فى حاجة وقعت علية

حاولت استعدلة من جوة العربية شوية بس للاسف السقف فية شوية مش عارف استعدلهم علشان الفرش من جوة مش بيسمح انى اول للسقف بالكامل

هل فى طريقة لاستعدالة ولا لازم اروح لسمكرى وهيفك الفرش من جوة ويستعدلة ؟؟

ملحوظة : العربية صاجها خفيف خصوصا السقف والكبوت

[storm_m1981]

متابع بإهتمام

[abou-yahia]

للاسف عيب غلس

حتلاقي كلب اتنطط عليه

الحل الشفط بجهاز

[Mohamed_Hamid]

بتحصل معايا فى النوبيرا بردها بكلوة ايدى كدة ضربة قوية فى السقف من جوه من الصالون بتضبط ان شاء الله

[J A G U A R]

ممكن سمكرى يحل فرش السقف ويرد الاماكن المتطبقه

[drmagieed]

ممكن سمكرى يحل فرش السقف ويرد الاماكن المتطبقه

الكلام ده تمام وممكن تخللي السمكري يعملك تقوية للمنطقة دي من خلال لصق عمود ألومنيوم أو إستنلستيل بالسليكون وده يقوي السقفّ وأنا عاملها في الأفيو!!!

[Mecha]

تلبس شنط بلاستيك علي الحذاء
وتريح علي ضهرك وتدفع برجليك هيتعدل

[ahmed ahmed]

بص يا باشا باختصار المشكلة دي حصلتلي زيك بالظبط وقلقت جدا ودي مشكلة اصلا في الاوبترا هتروح لسمكري هيحل فرش السقف وهيرد السقف بكل سهوله وتخليه يركبلك كوابيل زي الموجوده كده في سقف التويتا انا عملت كل ده ب200 جنيه والسقف الحمد الله اقوي من سقف اوبترا 2014 وانا عربيتي 2009

[grinsh]

كان عندي كلب مروق عليا اول ماركن ويشوف العربية يجي جري ويطلع ينام علي السقف وطبعا اطبق خالص خالص وبقا معرج كده .... نصحية من اخ سيبه وماتشغلش بالك بيه نهائي ولو لقيته مطبق رده كده بايديك وخلاص ومش هتفرق معاك في اي حاجه انا بيعت العربية علي كده ومفرقتش معايا خالص لانها فابريقه بس مع احترامي للجميع اوعي اوعي اوعي تفك فرش السقف مش هيرجع زي ماكان

[J A G U A R]

بس مع احترامي للجميع اوعي اوعي اوعي تفك فرش السقف مش هيرجع زي ماكان

عادى يا فندم
المهم اللى بيحل يكون فاهم مش بتاع بطيخ
انا حليته وغسلته قبل كده وأحسن من الاول

[semam]

طيب هل فية جهاز يقدر يشفط السقف بدون فك السقف لان العربية لسة فى الضمان ومش عايز العب فى حاجة