مساعده من رجاله الكروز لاخوكم الجديد ان شاء الله

[Alaa H Ghannam]

ان شاء الله هستلم الكروز 2014 بعد حوالي اسبوع و يا رب اقل من كده بس عايز رايكم في احسن الالوان و اهم حاجه اخلي بالي من ايه انا اشتريت جديد قبل كده فعارف الاجراءات و كمان في هنا في المنتدي موضوع وافي عن الكشف علي السياره الجديده لكن انا بتكلم عن الحاجات اللي هستلمها معاها ان شاء الله و ادعولي استلم بسرعه

[Alaa H Ghannam]

معلش في استفسار تاني طماع انا بس هو كل الكروز 2014 فيها مصفحه من تحت ولا انا معلوماتي خانتني استحملوني شويه بس عشان انا بحب اعرف كل كبيره و صغيره

[Mahmoud_Yassin]

الف مبروك وربنا يديك خيرها ويكفيك شرها
بالنسبة للالوان حاول تروح عند معرض فية كل الالوان زى سمير ريان عشان تشوفها بنفسك عشان دى اذواق
انا شخصيا كان نفسى فى الابيض بس ماكانش موجود فى الشحنة اللى كانت جاية . فجبت السيلفر
وحتستلم مع العربية :
الكتالوج - الاستبن ( جنط عادى ) - المفتاح والكوريك - ومفتاح لشد العربية للقطر - والاريال
ولو حتجيبها من منصور قلهم على الغطا بتاع العربية والميدالية .
هو المفروض الحاجات دى تتسلم مع العربية بس هما بيدوسوا عليها
والعربية مصفحة من تحت

[Alaa H Ghannam]

ربنا يخليك يا فندم شكرا جدا و شكر اكتر علي سرعه الرد

[beshoooy]

الف مبروك وربنا يديك خيرها ويكفيك شرها
بالنسبة للالوان حاول تروح عند معرض فية كل الالوان زى سمير ريان عشان تشوفها بنفسك عشان دى اذواق
انا شخصيا كان نفسى فى الابيض بس ماكانش موجود فى الشحنة اللى كانت جاية . فجبت السيلفر
وحتستلم مع العربية :
الكتالوج - الاستبن ( جنط عادى ) - المفتاح والكوريك - ومفتاح لشد العربية للقطر - والاريال
ولو حتجيبها من منصور قلهم على الغطا بتاع العربية والميدالية .
هو المفروض الحاجات دى تتسلم مع العربية بس هما بيدوسوا عليها
والعربية مصفحة من تحت

بص يا باشا انا لسه مستلم يوم الاثنين اللى فات من منصور مش من معرض
مبدئيا مفيش لا ميدالة ولا شماسه بطلوا الموضوع ده من زمان اللى ممكن تلاقيه الغطا بس هم حاليا معندهمش عشان انا مخدتش
و بالنسبه للالوان عشان انا قعدت شهرين بلف مش حتلاقى فى المعارض غير اسود و فرانى و سيلفر فى كل المعارض ممكن تلاقى الماهوجدى (espresso brown) عند بعض المعرض اما بالنسبه للاحمر فاخر دفعه جه منه 5 و اللى قبلها 4 فأنصحك لو عايزه تحجز مع التوكيل نفسه و تستنى لما الدفعه تيجى و فكك من المعارض اللى بتقول لك اجبهولك عشان اهجاصين كتير و انا شفت منهم ياما فمتصدقش غير لما تشوف اللون بعينك
و الازرق مبينزلش خالص على فكره يعنى انساه لو عايزه زى حلاتى كده
غير كده كل اللى قالوا الاستاذ محمود تمام و مبروك مقدما :)

[Alaa H Ghannam]

يا فندم الف شكر ليك و الف مبرووك و ربنا يديك خيرها و يكفيك شرها و شر العيييييييييييييييين بس قولي ايه رايك في العربيه تستاهل يعني اديني احساسك كدا يا باشا و عيشني ههههه شجعني يا باشا الف شكر مره تانيه

[beshoooy]

يا فندم الف شكر ليك و الف مبرووك و ربنا يديك خيرها و يكفيك شرها و شر العيييييييييييييييين بس قولي ايه رايك في العربيه تستاهل يعني اديني احساسك كدا يا باشا و عيشني ههههه شجعني يا باشا الف شكر مره تانيه

الله يبارك فيك يا باشا و عقبالك
بص العربيه حلوه جدا و سحبها ممتاز بس انا لسه يادوب عامل 230ك فمبجريش اعلى من 80 و ال rpm معليش منى عن 3 غير مره واحده بس هو بالنسبه ليا فيها عيبين بس تفهين جدا الصراحه
اول واحد ان لوك الزجاج للزجاج الخلفى بس مش للى جنبك و انا الواد عندى بيقعد يلعب فى الزجاج و هو قاعد على حجر امه لدرجة انى مره قعدتهم ورا هما الاتنين هههههههه
تانى حاجه موضوع ان مفيش usb بس انا ان شاء الله ناوى اجيب الكاسيت التاتش و ده فيه usb و تبقى اتحلت بس قدام شويه او اضعف الايمان ممكن الواحد يجيب fm transmitter :)

[hero 99]

الخوة الأعزاء ارجو الإفادة
حجزت الكروز عند منصور في سان استفانو
ولكن طلب مني ان امضي ايصال امانة لغاية مايستلمو فلوسهم من البنك ثم يعطوني الإيصال بعد ذلك
فهل هذا الطلب سليم مع العلم ان المعارض مافيهاش هذا الطلب الشاذ
وشكرا

[mido]

الخوة الأعزاء ارجو الإفادة
حجزت الكروز عند منصور في سان استفانو
ولكن طلب مني ان امضي ايصال امانة لغاية مايستلمو فلوسهم من البنك ثم يعطوني الإيصال بعد ذلك
فهل هذا الطلب سليم مع العلم ان المعارض مافيهاش هذا الطلب الشاذ
وشكرا

يعنى ايه يستلموا فلوسهم من البنك ؟ ده تقسيط ؟

[hero 99]

يعنى ايه يستلموا فلوسهم من البنك ؟ ده تقسيط ؟

اه تقسيط ٥٠٪

[beshoooy]

الخوة الأعزاء ارجو الإفادة
حجزت الكروز عند منصور في سان استفانو
ولكن طلب مني ان امضي ايصال امانة لغاية مايستلمو فلوسهم من البنك ثم يعطوني الإيصال بعد ذلك
فهل هذا الطلب سليم مع العلم ان المعارض مافيهاش هذا الطلب الشاذ
وشكرا

بص يا باشا انا محصلش معايا الكلام ده و ممضتش على اى حاجه
انا كنت حاجز برضه مع منصور بس فرع مصر الجديده
بس انا جبت العربيه كاش مش قسط فمش عارف حوارات التقسيط ايه

[ddo]

ايوه مضبوط الكلام لازم كتابة ايصال امانة بالمبلغ الباقى من السيارة لغاية لما ييجى شيك البنك هو انت طبعا اقدمت جواب للشركة من البنك ان البنك بيتعهد بسداد باقى قيمة السيارة للشركة ولكن ده بعد ترخيص السيارة واحضار الرخصة للبنك علشان يصدر الشيك فلازم الشركة تثبت حقها بعمل ايصال امانة بالمبلغ الباقى.

[hero 99]

ايوه مضبوط الكلام لازم كتابة ايصال امانة بالمبلغ الباقى من السيارة لغاية لما ييجى شيك البنك هو انت طبعا اقدمت جواب للشركة من البنك ان البنك بيتعهد بسداد باقى قيمة السيارة للشركة ولكن ده بعد ترخيص السيارة واحضار الرخصة للبنك علشان يصدر الشيك فلازم الشركة تثبت حقها بعمل ايصال امانة بالمبلغ الباقى.

يعني ياباشا اتوكل علي الله بدون خوف او قلق من ايصال الأمانة
وهل يوجد احتمال ولو واحد في المليون ان البنك لا يعطيهم فلوسهم فيرجعو عليا بايصال الامانة
مع العلم ان جميع المعارض والموزعين لايطلبو هذا الطلب الغريب

[aymn6666]

انا كنت مقسط من بنك اسكندريه --وبرضو البنك بعت جواب لغبور انه حيبعت تمن العربيه بعد الترخيص وعمل حظر بيع باسم البنك ----ومفيش اي حاجه من دي -- ولا ايصال امانه ولا يحزنون

[ddo]

يعني ياباشا اتوكل علي الله بدون خوف او قلق من ايصال الأمانة
وهل يوجد احتمال ولو واحد في المليون ان البنك لا يعطيهم فلوسهم فيرجعو عليا بايصال الامانة
مع العلم ان جميع المعارض والموزعين لايطلبو هذا الطلب الغريب

ماتقلقش هو نظام شركة المنصور كده ولما ييجى شيك البنك ويتصرف بتاخد ايصال الامانة مش انت مضبط مع البنك بتاعك وواخدين ضمانات وحا يطلعو الشيك بعد تقديم رخصة العربية للبنك ماتقلقش طبعا لو لاقدر الله البنك ماطلعش الشيك طبعا من حق شركة المنصور تستخدم ايصال الامانة بس ده طبعا احتمال ضعيف لان البنك طلع جواب التزام على نفسه بدفع باقى قيمة السيارة بس بشرط ان تكون كل الاوراق مستوفاة من قبل المنصور لاجراء الترخيص